Daytona 2 Network carrier wackel

[damian]

Ich han vor eme Jahr es Daytona 2 bim VSA kauft und det gahts netzwerk nümm.

Und zwar hani usegfunde, dass dä iigang vom Master vermuetli en wackel hät. Will wämmer s'kabel det ganz grad grad drihebt reagiert er churz und versuecht z'starte. Canclet denn aber unmittelbar wieder will dä kontakt doch nöd ganz suuber isch.

Drum d'frag:
Wie repariert mer soöppis am beste? Isch es infrarot kabel.
Wie schruubt mer es SEGA racing cab am beste uuf demit mer det ane chunt.

Merci für hilf

[The Sheep]

Euse Tech sötti morn wieder in der Firma si. Gib ihm doch churz es Tele (061 683 14 80). villicht heter en guete Tip,

Gruess,
Chris

[damian]

Merci, wird i mache

[Marco_in_motion]

das isch alles hine am Cab, chunnsch easy ane, sind diä schwarze Bläch unterhalb vo de Monitore, chunnsch easy ane...

[boergi]

em cab (pro site) gönd zwöi kabu vum gameboard nach hinde. dert hets zwöi plastik kupplige wos igsteckt send. vu usse chame de ou weder zwöi kabu ahänke. die kupplige sorge nur defür das di kabu genau ufenand "luege".
wenn du seisch es got churz wenns grad hesch esch vermuetli e sone kupplig mechanisch beschädigt.

aus ersatzkabu chasch übrigens di optische kabu us em audio berich bruche. esch de glich stecker und funktioniert. i ha aber no mängs originau kabu resärve deheim wennt bruchsch. dere kupplige hani aber gloubs keni me ufd sitte to..
es link board hani süscht secher ou no resärve faus es a de platine würd legge..

[boergi]

faus es so ne kupplig esch chasch die usboue, s'kabu dur s'loch zie und direkt as gameboard hänke. söt läng gnue si.
eifach dra dänke faus de twin mou vonand nemsch..

[damian]

das isch alles hine am Cab, chunnsch easy ane, sind diä schwarze Bläch unterhalb vo de Monitore, chunnsch easy ane...

Chammer die dänn eifach wägnä? bi mir sind sie ganz komisch verschruubet mit em gwind nach usse...

[boergi]

du meinsch d'kupplig oder?

eifach s'ganze bläch rundume abschrube und chli use zieh. de chonsch am beschte zue..

[damian]

ach so, vo dere siite her mues mer ane. alles klar. merci.

[damian]

Weles ding muesi etz genau wegschruube. Das sibrige ding wos gas und brems dra isch. Oder das schwarze ding wo bis usse gaht?

[damian]

uf dem bild, was muesi genau wegschruube zum anecho?

[geosnow]

flipper häsch au no dihei?

[damian]

nei.
s'daytona isch eigentli au scho viel zgross...

[meyerli]

daytona 2 twin, es super cab
wen d schrube rund um de sitz wegnimsch chaschen hindere klappe, sboard isch drunder.

[damian]

ah, das isch nöd vorne sondern unter em sitz das infrarotteil? Gaht eifach nur ä verlängerig füre?

[meyerli]

ich denke entweder vo dete oder vo hinde. aber müesti au go naluege zum sicher si.

[damian]

hinter em chaste hani ebä kei entsprechendi schruube gfunde...

[meyerli]

hesch d abdeckig wo obe am chaschte isch mal abgno?

[boergi]

vu hende muesch zue. ned vu vore!
wenn vu vore muesch pedale usenä. rächt müesam..

hende sends vier schrube wennt d'kabufüerig wäg hesch..

[boergi]

s'gameboard esch underem sitz. vu dert gönd zwöi kabu nach hinde e die kupplige.
dert wo ou d'kabu fürd kasse send..

[damian]

ok, han hine ufgmacht und gseh dass det äs kuppligsstück isch wo namal es infrarotkabel iigsteckt isch wo zum hauptboard gaht.

bim hauptboard chumi allerdings nöd ane will ich kein schlüssel han zum dä sitz ufeklappe. ev. hani dä no irgendwo, ich glaubs aber nöd. was würdi i some fall mache? ufbohre?

[geosnow]

warte bis de VSA köbi wieder umme isch.

[boergi]

bim hauptboard chumi allerdings nöd ane will ich kein schlüssel han zum dä sitz ufeklappe. ev. hani dä no irgendwo, ich glaubs aber nöd. was würdi i some fall mache? ufbohre?

theoretisch chunsch vu hinde zue zum s'schloss vu inne abschrube. faus es ned längt pedale abschrube. aso s'bode bläch wos druf send.
muesch aber ufpasse wäg de kabu. evt. probere vu hinde inezlänge zum abhänke.
ufbohre got aber natütli ou

[damian]

ok, merci für info.

i dem fall versuechi das denn mal... also s'silbrige bläch vor dä pedale wägschruube. gsehni das richtig?

[boergi]

nei, das brengsch so vermuetli ned use. das bläch hende dra wo d'pedale druf send zerscht löse. denn das vore dra wo du gmeint hesch.
chasch aber ou dese wäg probiere..
die abdeckige send ned be aune racer genau glich. drum chanis ned 100% säge.

s'wichtigschte esch das d'kabu vu de pedale ned vergissisch. süscht cha eigentli nüt passiere..