Call of Duty: Black Ops III (Xone/PS4)

[Skeletor]

irgendwas lauft falsch bi mir. dä sound isch huere komisch, d'stimme sind normal, aber alli soundeffekt sind viel zlieslig.

und mir gfallts bis jetzt überhaupt nöd, finds mega langwillig :lolz: bin aber erscht am afang, diä erschte paar simulations-missione da mit dä neue fähigkeite.

[Master(G)]

spielsch allei?

[Skeletor]

ja. geschter hani allei gspielt.
also dä sound isch dermasse scheisse, das gaht gar nöd. und bi dä istellige chasch ja nöd viel machä. was machi falsch?

und wiä gseit, ich find diä kampagne mega langwillig. gar nöd mis game.

[Master(G)]

also mit em sound hani jetzt kei problem gha...
stell doch mal ganz banal uf stereo um wenn das chasch, rein mal zu teschte. evtl. isch was mit em 5.1 sound kabutt...

ah ja, mir hett dgschicht guet gfalle. interessants thema. und passt voll i eusi ziit mit all dene iphones und tech-gadgets. chunt am schluss vode kampagne alles guet zäme. aber es isch wohl wie bime film. die einte findets super, anderi nöd. schad gfallts der ned, aber evtl. machts halt no viel us, ob allei durelaufsch oder mit eme kolleg ufere bitz aspruchsvollere schwierigkeitsstufe spielsch und immer ufenand ufpasse muesch...

[Skeletor]

wenn ich wüsst wo, han geschter nix gfunde uf diä schnelle.

süscht funktionierts ja bi dä anderne games. nur bi däm jetzt ischs ä katastrophe. es flugzüg stürzt ab und ich ghör praktisch nix.

[Master(G)]

strange.

ps: lueg obe hani no en edit gmacht...

[Skeletor]

das mit em schwierigkeitsgrad und coop macht sicher was us. das glaub der au. aber im moment hani niemert wo spielt. dä brüeder wär eigentlich es thema, aber dä isch in egoshooter dermasse scheisse

egal. ich hans mit em tigerprinz tuschet, vo dem här tuät mir das jetzt nöd weh. ich lueg mal no dä MP ah.

[TypeJ]

de Sound isch eigentlich recht ok..kein Verglich zume Battlefront oder BF aber ok!
bi dir mus was falsch si, lol

[Skeletor]

das dänki au. vorallem wills so extrem isch.

[zeromeier]

ich wür gern coop mache, de michi, dani und ich, es super team. hüt abig hani ziit abm 8i.
oder zwüsche 2 und 7 lol

[Master(G)]

bin huere gspannt uf die zombie-kampagne und freu mich wie es chind!
ich glaub die isch sogar besser als de zombie-modus!

[Skeletor]

ich wür gern coop mache, de michi, dani und ich, es super team. hüt abig hani ziit abm 8i.
oder zwüsche 2 und 7 lol

hüt hani ziit. aber ich spiel nöd länger wiä 10ni. wenn du denn erscht am 9ni chunntsch oder so bringts ebä nix meh.

vor em 8i hani aber ziit.

[TypeJ]

i cha ersch am mäntig

[thaeye]

zombie modus isch s best a dem spiel

[Master(G)]

zombie modus isch s best a dem spiel

ich find en höchschtens 'nett'... und ich säg dir au warum: er isch zschwer für mich
ich halte da chum 3 minute dure. schad gitts kei schwierigkeits-uswahl wie bi de kampagnene...
ich finds arcade-mini-game defür super-spassig!

[thaeye]

ja er isch würkli härt, mit guetem team aber sehr geil. d map isch phantastisch. gaend sich meh mue als mit de MP maps.

[calanda]

bin huere gspannt uf die zombie-kampagne und freu mich wie es chind!
ich glaub die isch sogar besser als de zombie-modus!

Dlc??? Wenn chunt das??

Endi vom singleplayer isch recht schlecht

[Master(G)]

das gitts scho. also wenn kampagne durespielsch chunsch das über. heisst 'nightmares' und findsch im hauptmenü.
isch dkampagne als remix mit neue cutscenes und äbe zombies. en neuii gschicht. geile bonus!

ändi vode normale kampagne hani zwar no guet gfunde. ich gseh das so: de hendricks und du sind beid tod, vode KI in wahnsinn triibe. eui seele sind im frozen forest, bi de KI und wehret sich dette no gäg sie. de taylor hingäge hett sich das spine-dings ja selber entfernt und isch jetzt en glitch im system vo dere KI und versuecht mit de software-versione vom hendricks und dir die KI zbesiege, was au am änd glingt. darum am schluss au; who are you?? - I'm Taylor. hani also scho no witzig gfunde...

hütt abig fang ich zombie kampagne ah