Xenoblade Chronicles X [WiiU]

[Gurgelhals]

Bi mir isch langsam d'Luft dusse und luschtigerwiis sind d'Skells tschuld. Sie mached zwar einigi müehsameri Sache wie gschnäll vo A nach B cho, vo Gägner wägränne, s'Grinde & Levle, usw. agnähmer, aber s'Spieli verfranslet dur das zuesätzliche Element no meh, als es vorher scho gsi isch. Kämpf gäge normali Gägner sind mehrheitlich nume no doof und alles was mit Story, Charaktere, Dramaturgie, etc. ztue hätt, tritt no meh in Hindergrund und will mir die Sache bi eme RPG doch relativ wichtig sind, isch das für mich fatal. Es nimmt am ganze eifach d'Spannig und de Drive, wänn das alles i einzelni Mini-Quests zerstücklet dethär chunnt, wo me dänn au no ziemlich beliebig und nach Luscht und Luune chan agah.

Anders gseit: Das Spiel richtet sich a es Publikum, wo a High Level MMORPG-Gameplay interessiert isch. Sprich: Optimali Charakter-Builds und Usrüschtige zämestelle, Superbosses besiege, Epic Loot grinde - so Sache halt. Mit eme Lvl 30-Skell en Lvl 50-Tyrant besiege oder am Schluss wahrschinlich dänn mit eme Lvl 60-Skell gäge Lvl 99-Tyrants is Fäld zieh und hoffe, dass die dänn irgendwelche superfantastische Loot dropped. Mich fasziniert das überhaupt nöd und drum langwiilt mich das Spiel inzwüsche ziemlich.

[resuscitation]

Also entweder mach ich oder Du öppis falsch, Gurgelhals..

ich werde no rächt oft vo level 50 Gägner zerbröslet, wänn ich mit mine Level 30 Skells uf dä Matte erschiine. Grad hüt han ich wieder drüü Skells verlore und chan sie nöd mal me salvage, well mir s'geld fehlt.. Also so eifach, wie Du das darstellsch, isch es bi mir nöd.. das mag aber au a minerer suizide Art vom Spiele ligge

[geosnow]

HLMMORPGs findi en Scheiss. Ich wott e geili Story. Spiele nach Witcher Planescape Torment.

[Asskicker]

Also entweder mach ich oder Du öppis falsch, Gurgelhals..

ich werde no rächt oft vo level 50 Gägner zerbröslet, wänn ich mit mine Level 30 Skells uf dä Matte erschiine. Grad hüt han ich wieder drüü Skells verlore und chan sie nöd mal me salvage, well mir s'geld fehlt.. Also so eifach, wie Du das darstellsch, isch es bi mir nöd.. das mag aber au a minerer suizide Art vom Spiele ligge

Dir fehlt de G Buster bi de Skells uf de rächte Schultere - chauf und stuun (bi allne skells inehebe)