Mac Pro v High End Desktop PC

[Supersonic]

Ich han mi inzwüsche meh oder minder wieder für en PC entschiede für ä bevorstehendi Neuaschaffig wili eigentlich guet zrecht chume mit PC und s'Priisleistigsverhältnis eifach massiv besser stimmt. Speziell mit de Uufrüstigsmöglichkeite und wegem Speicheruusbou wo bim Macpro nume extern möglich isch. Wenn ich chlotze chönnt würdi mi aber immer für en Mac entscheide wils minere Meinig nah eifach besser zum schaffe geignet sind wils unkomplizierter und gradliniger zum bediene sind.

Was meined ihr zu dem? Was für Workstations hend ihr so? (Game PC's interessiered mi jetzt nöd so a dere Stell)

[Xinobrax2]

Arch Linux

PC natürlich....allerdings mues sich s Windows 10 zerscht mal no bewähre i dem Segment. Weli Tools bruchsch? Adobe CC? Uf Windows isches oft eifacher "Sicherheitskopie" vo so hight-end Software z finde. CC, Maya, 3DMax, Live....was au immer. Ich will jetzt kei moralischi Debatte drüber uslöse. Jedem das seine...

Edit: https://system76.com/desktops/silverback" onclick="window.open(this.href);return false;

[Acid]

Ich han en Pro und ich finds super. Isch Mega, er raucht nöd. Viel meh chani dezue eigentlich nid sägä.

Bi allerdings nid grad voll dri, han s 6 core Model, meh oder weniger wies glischtet isch. Wennsmer nur um d Hardware gängt, und für mich nid d Software entscheidend gsi wäri, wärs guet möglich dassi öpis anders gno hätti, aber bi mir isch eigentlich ganz ohni OSX nie ufem Plan gstandä, und drum ischs e Entscheidig zwüsched em Experiment Hackintosh oder de sichere und vor allem nerväschoonende, ziitsparende Sitä gsi.

A de Maschinä hani eigentlich sehr wenig z'ussetzä mich isches rächt es tiffigs Ding, allerdings isch das vo mir gseit relativ, will ich eigentlich nid ständig a anderne moderne Rächner mit verschiedene Betriebssyschtem hockä, und drum kei Verglich han.
Das mitem Speicher störtmi jetzt nid so sehr. Mit de ganzä Sicherigä und Festplattene zum Datä z transportiere und allem chundsmer uf das zuesätzlichä Element au nüm so druf a. Aber mer mues natürlich zuäge, dassmer das wasmer irgendwiä imene grossä Tower alles chönt unterbringä hängt do schlussendlich denn glich au wider am Computer und mues irgendwo sin Platz findä, und ihri Kabel zu de Maschinä ha und villicht au no eis zum Strom, und wemer es Luts Raid hed, isch au glich öb de Computer unhörbar isch oder nid. Und mer mues natürllich alles eigentlich über USB, Thunderbolt oder Ethernet chönä aschlüssä womer brucht, wemers nid kompliziert oder Tür will machä.

S einzig wasmi no stresst im Moment isch dassi nid ganz sicher bin öb öpis mit minä Thunderbolt Aschlüss nid in Ordnig isch, öb ich Software Problem han, oder öbs a de Peripherie Grät lieht. Mir wirfts teilwies (oder eigentlich meischtens) s Thunderbolt Raid us im Ruhezuestand. Aber das isch es Detail, und ich müsst ändlich mol min Verchäufer druf ahauä.

Alles i allem bini z friedä.

[Supersonic]

Arch Linux

PC natürlich....allerdings mues sich s Windows 10 zerscht mal no bewähre i dem Segment. Weli Tools bruchsch? Adobe CC? Uf Windows isches oft eifacher "Sicherheitskopie" vo so hight-end Software z finde. CC, Maya, 3DMax, Live....was au immer. Ich will jetzt kei moralischi Debatte drüber uslöse. Jedem das seine...

Edit: https://system76.com/desktops/silverback" onclick="window.open(this.href);return false;

Die ganzi Adobe Suite isch mis Hauptwerchzüüg aber ich bi selbständig und röibere jetzt scho länger nüm. Isch aber uuf mac btw. au nie es Problem gsi

[Uriel]

Ich nimm mal aa, mit «Workstation» meinsch du würklich «Workstation» im technische Sinn und nüd «PC, mit dem ich schaffe tuen».

und s'Priisleistigsverhältnis eifach massiv besser stimmt.

Du kennsch aber dr Rechnige für dr MacPro scho, oder? Was ECC RAM Xeon bestückti Workstations betrifft, isch dr neu Mac Pro sehr guet gsi, was ds Priis/Leischtigsverhältnis aabelangt. Das isch nüd nur bim neue MacPro so, sonder sit 2008 immer mal wieder vorgrechnet worde.

Au Arstechnica het das fürs 2013 Modell bestätiget gha.

The Price

While many people, mostly of the troll variety, will be running around the Web screaming "so expensive!" the new Mac Pro is anything but when considering what's in the package. I joked on Twitter that Apple's Mac Pro deal is this: "buy two discounted FirePro W9000 cards and get a workstation for free," and that's not an exaggeration. The AMD FirePro W9000 retails on Newegg for $3400, $600 under MSRP. Apple's FirePro D700 is similar to this card, and the company ships two of them in the machine for $600 more than the D500 that comes stock with the 6-core configuration. It all makes this bottom radio button the easiest one a 3D graphics junkie ever clicked:

Because Apple is designing its own machine and card for the GPU, AMD doesn't have to front the cost of manufacturing them. This likely kept the price lower than if Apple paid OEM prices for an existing card. Combine this with the sky-high price of the Xeon E5 chips, and you would be way out of line to call the Mac Pro "expensive."

Aber hey, rechne und Dateblätter lese isch halt einiges schwieriger als tumms Züüg an irgendwelche selbsternannte «Experte» nache ds plappere.

Falls ken Mac Pro willsch:

Anandtech het letschti d Lenovo Thinkstation P900 teschtet. Die Söll no was tauge.

Dummerwiis bruuched die wenigschte würklich Xeon Prozessore und ECC Ram, und deshalb chunsch ufm PC Markt günschtigeres Züüg über. Biispielswiis isch d PC Variante vo de mittlere FirePro bim Mac Pro uf Newegg für >700$ erhältlich. Wenn jetzt aber e nüd Workstation Grafikcharte chaufsch, chunsch für weniger Geld mee Leischtig in 90% vo de Fäll über.

Du hesch ja die gliich Fraag da inne scho es paarmal gstellt gha: ich würd mer überlegge, öb ich die Workstation Sache würklich bruuch. Wenn dini Photoshop Filter nüd vo CUDA beschlüüniget werded oder sustwas, denn spar dr das Geld und chauf der standard PC Bauteil.

[Xinobrax2]

Die ganzi Adobe Suite isch mis Hauptwerchzüüg aber ich bi selbständig und röibere jetzt scho länger nüm. Isch aber uuf mac btw. au nie es Problem gsi

S isch me en allgemeine Hiwiis gsi. Ich will bi minere Workstation jedes beliebige File chöne driwerfe, öffne und bearbeite. Mis 3D Zügs modellieri z.B. mit Blender, aber mengisch kriegi Files woni nur mit 3DMax oder Maya chan öffne. De muesis zersch mal irgendwie umwandle. Selbscht bim Office woni Momentan s Libre han chunts vor, dass sich es File nur mitem MS Office öffne lat, de bruchi halt trotzdem na irgendwo e Kopie devo. Mit anderne Wort, mal abgseh vo de Hardware isch e Workstation für mich au e Maschine wo problemlos mit allne Files set klar cho. Ich will demit schaffe und nid lang umebastle.

I dim Fall gsendi da jetzt allerdings nid sones Problem, will d CC an sich scho di ganz Produktions-Pipeline und sämtlichi Industrie-Standards beinhalted.

...und de Uriel het natürlich recht, dass Workstation n Kampfbegriff isch unds für dich ev. völlig überflüssig isch. Da bewegsch di au schnell mal inere andere Priisklass. Anderersits isch das halt au en Bestandteil vom Hobby/Pruef. Mer will ja nid nur d Skills optimiere sondern au d Werkzüg laufend verbessere. Vilicht wärs aber sinnvoller eifacht en guete PC und defür na es Wacom Cintiq oder so z poschte. Denn renderisch zwar es paar Minute länger aber de Workflow wird effektiver und macht sogar no me Spass.

[Gurgelhals]

Was sind eigentlich hüttzutags die konkrete Awändigsbereich, wo me mit sog. "Workstation-Hardware" - also Xeon statt i7, ECC statt "normale" RAM und e FireGL oder Quadro statt ere High End-Radeon oder GeForce - eso en signifikante Vorteil hätt, dass es de doch rächt deftigi Ufpriis rächtfertiget? Also de ganzi Server/Datecenter-Bereich mal usgnoh.

Früehner sind d'Underschied zwüschet Consumer- und Workstation-Hardware ja no viel grösser gsi. Grad bi de Grafikcharte isch es aber hützutags ja so, dass d'Hardware an sich identisch isch und "nume" anderi Firmware & Triiber zum Isatz chömed, die Dinger aber schnäll mal 2-3x so viel wie e gliichwertigi Consumer-Charte choschted. Was sind dänn d'Isatzgebiet, wo me entschiede chan säge: Ja, es lohnt sich absolut, s'Drüfache für e Quadro anezbuttere.

[Xinobrax2]

Ich merks z.B. im Blender weni mitem Cycles Renderer es komplexes Setting in Echtziit mues bearbeite. ABER es brucht scho verdammt vil demitmer überhaupt a die Grenze chunt und selbscht denn sind d Vorteil minimal...oder besser gseit i keim Verhältnis zum Priis. Für Lüt wo no nie a die Grenze cho sind und sich nid täglich drüber müend ufrege lohnt sichs eigentlich nid.

Wies bi Video usgset weissi nid...aber ich würd mal rate dass d Echtziitbearbeitig kei Hürde darstellt und dasmer lediglich bim Rendere chli Ziit spart.

[Supersonic]

@Uriel
Ja ich kenn d'Rechnige, aber die sind vo 2013 und jetzt isch Mitti 2015. D'Konfiguratione vo de Macs sind aber mines Wüssens immer no die gliiche.

Ich mues ganz ehrlich gestah das ich nöd hundert prozentig weiss uuf was es druff ah chunnt zum die besti Work Performance überzcho. Mis Technikinteresse isch immer chliiner worde, speziell im PC-Bereich. Ich bin da oft uuf Infos vom Internet aagwiise und in Sache Schnitt gits eifach zwenig z'finde im Internet. Under Editing Desktop PC gits nöd wükli viel z'finde. Ich mues mal mitem Kolleg zämehocke wo selber Editor isch und dezue en riese Technerd und ihn fröge was er dezue meint. Öbs wükli ä Quadro bruuch für Premiere und After Effects weissi nöd, glaubes aber eher weniger. Es sind zwar beidi Programm Grafikbeschleunigt und unterstützed CUDA aber die gröst Leistig sötteds eigentlich vo de RAM und vom Prozessor bezieh. Renderziite sind au nöd s'Eigentliche Problem, es gaht vor allem um d'Datemengene wo immer grösser werde und s'aaschlüsende verarbeite mit Effekt wie Grading oder Transitions und und und. Dete sind aber so Sache wie RAIDS denn memal scho fascht wichtiger, suscht ischs es Ruckelfest bim Schniide oder animiere und so cha niemer schaffe.

Mich hett eifach wunder gnoh öbs da ine au Lüüt git wo es Grät mit gueter Leistig zum schaffe bruuched und was ihr so für Erfahrige mached. De grossi Vorteil isch halt wükli das mer binere Thinkstation oder eme HP Z820 ohni Werchzüüg chan X-Komponente uufrüste und bim Mac sinds grad mal d'Ram und für de Prozessor sägs ä riese Büez. Und ich find interni Festlplatte öppis sehr sehr guets. Klar bruuchi au no externi, aber irgendwenn ischs eifach Chaos pur und Aaschlüss hett mer au nöd unendlich. Ich mues mi nomal drii chnüünle bevori Geld id Hand nimm.

[Supersonic]

Die Siite tönt super, so öppis hani scho lang gsuecht. Ich stöber mal da chli ume:
http://beta.videoguys.com/blog/guides/d ... ation-faq/" onclick="window.open(this.href);return false;

[Acid]

Chund scho chli druf a öb scho viel Peripherie im Isatz hesch oder ha wilsch. Grad z.B. bi de Video Sachä isch z.B. PCI Express jo no oft das wasmer brüücht (han z.B. letschti mol welä wäg Capture Züg luege, und Blackmagic hed no e günschtigi für 4K...isch aber PCI Express, und das chani nid vernünftig an Mac Pro hänkä (es gid zwar mitlerwilä 2 Ghüs womer denn wieder chönt über Thnderbolt, aber diä choschtet au huere vil)).

[Uriel]

Was sind eigentlich hüttzutags die konkrete Awändigsbereich, wo me mit sog. "Workstation-Hardware" - also Xeon statt i7, ECC statt "normale" RAM und e FireGL oder Quadro statt ere High End-Radeon oder GeForce - eso en signifikante Vorteil hätt, dass es de doch rächt deftigi Ufpriis rächtfertiget? Also de ganzi Server/Datecenter-Bereich mal usgnoh.

Bi de Grafikchartene isches so, dass z.B. bim CAD Physikberechnige chasch über d Grafikcharte laufe laa. Dr Kolleg het mal im CAD es Zahnradgetriebe modelliert und denn laufe laa. Über d Grafikcharte isches so halbe in Echtziit gloffe, mit der CPU isches e Dia Show gsi. Bi Handelsüübliche Geforce/Radeon Grafikchartene chasch gwüssi Berechinge nüd über d Grafikcharte laufe laa.
Allerdings mues me derzue sege, dass dur en Software Mod das Ganzi au chasch für normali Radeon Grafikchartene "freischalte".

Bi de Xeon Prozessore hani scho lang ke ahnig me. Früener hend die mee Cache gha und natürlich mee Cores und so bi paralelle Berechnige mee leischtig braacht, was v.a. bi Konvertierigsuufgabe und/ oder Kompilieruufgabe gmerkt hesch. 2007 isch das no interessant gsi, öbs hüt no so isch, weissi leider au nüd.

Anandtech het en Vergliich:

http://www.anandtech.com/bench/product/1374?vs=1317
Zur Erinnerig: dr Core i7 isch ca. 1000$, der Xeon isch ca. 2700$

Also wenn Freud hesch am 7Zip Dateie packe und entpacke, denn lohnt sich dr Xeon. Sust wohl weniger. :laul:
Scherz beiseite: bi so Sache we 3D Particle movement sind d Xeon Prozessore einiges schneller. Au bi de Photo Tests sinds besser. Lohne tuet sich das vermuetlich denn aber doch erst, wenn me irgend e Renderfarm ufstelle will.

[Xinobrax2]

Jedi handelsüblich Grafikcharte (Geforce/Radeon) beherrscht mittlerwile programmierbari parallelisierbari Programmabläuf. Für das bruchsch kein Mod. Nvidia nennts CUDA und bi AMD heissts STREAM. Mer chan jetzt au nid pauschal sege, dass d TESLA oder FirePro schneller sind als di normale Charte. Bi manche Berechnige i dere Art isches sogar umegekehrt. Zudem unterscheided sich di praktisch Umsetzig vo STREAM nomal es biz vo CUDA was i manche Awendige zu Performance-Unterschied chan füere.

Insofern het de Gurgelhals völlig recht. S isch hütsotags nüme so, dasd mit de falsche Hardware plötzlich ufem Schluch schtasch. S git zwar no en chline Performance-Unterschied, aber um de überhaupt mal z erkenne muemer scho zimlich abartigs Zügs bastle. En Pixar-Film im Hobbycheller oder was weiss ich. Im Alltag isches overkill.

Btw, Partikel und so werded idR au vo de GPU berechnet...d CPU macht höchstens nochli Physik, aber selbst das wird immer seltener. Bi so Benchmarks werded schinbar vili Sache us alter Gwohnheit testet, aber im praktische Isatz spillts eigentlich gar kei Rolle me.

[Uriel]

Jedi handelsüblich Grafikcharte (Geforce/Radeon) beherrscht mittlerwile programmierbari parallelisierbari Programmabläuf. Für das bruchsch kein Mod. Nvidia nennts CUDA und bi AMD heissts STREAM. Mer chan jetzt au nid pauschal sege, dass d TESLA oder FirePro schneller sind als di normale Charte.

Du verwechslisch da was. Mir redet vo CUDA in Aawendige we AutoCAD und det blockiered d Softwarehersteller d Verwendig vo de CUDA Schnittstell für nüd Workstation Grafikcharte. (was e Sauerei isch)
Da hesch en Link usem AutoCAD Forum wo ds Problem nomal vorstellt. Und genau z.B. fürs AutoCAD bruuchsch en Softmod, wo am System vorgaukled, dini Geforce segme Quadro. Falls hüt nüm so wär, denn het sich das im letschte halbe Jahr gändered.

[Xinobrax2]

Uh, sorry. I dem Fall isch AutoCAD aber e Usnahm. Die Tools wo ich im Alltag so bruche unterstützed das vo Huus us. Isch ja echt e Sauerei

S isch irgendwie au chli bescheuert will Maya und 3DMax ja ebefalls vo Autodesk sind

[Astroboy]

Mir redet vo CUDA in Aawendige we AutoCAD und det blockiered d Softwarehersteller d Verwendig vo de CUDA Schnittstell für nüd Workstation Grafikcharte. (was e Sauerei isch)

So Züg macht mi recht hässig.

[Supersonic]

Es isch aktuell. Git en neue PC. JETZT!

[zeromeier]

Es isch aktuell. Git en neue PC. JETZT!

bausch sälber zäme? geil!

[Supersonic]

Warschinli, vilicht nimmi aber au ä Highend Workstation vo HP oder Dell wegem Support. De segi dete wükli super und d'Grät seged au extrem guet. Ich han jetzt mal de Typl0r gfröged öb er mir helfe chan, er isch ja de PC-Zampano!

[TypeJ]

ich hilf gern..eifach OHNI support nocher!
lol

[Supersonic]

Das isch mer klar. Hani aber au scho bim alte nie aagfrögt

[Supersonic]

De wird. Danke J!

Fractal Define R5 Black Ghüüs
Intel i7 K5820 Hexcore 3.3 Ghz
HyperX Fury Black (4x, 8GB, DDR4-2133, DIMM 288) RAHM
Nvidia Quadro K2200 vo PNY mit 4GB Memory
Asus X-99 A Mainboard (spöter dueni no uuf USB 3.1 upgrade)
SSD Samsung 950 PRO, 512GB, M.2, Pro
Und ä Seagate 2TB Platte für andere Scheiss

[TypeJ]

mega wirds!