PCBs lagere

[geosnow]

Wiä lagered ihr eui Platine?

Hät öpper Boxe für d SH3 Caveboards? Oder für die chlinere Toaplan Games?

[The Sheep]

Die meischte PCBs hani in Bubblefolie sänkrächt näbenand ufme Regalsystem glageret mit Abteil alli 50cm demit d'Rutschgfahr einigermasse chlei isch. Isch halt nid ohni Risiko. Durchs ine und usezie und durchs wägrutsche => schräglag => gwicht vo de andere Platine wos mitnimmt chan das Züüg irgendwenn kaputt go.

Wenn de Platz hesch, isch Einzelverpackig in Schachtle natürlich s'bescht. Das hani ganz am Afang wo mini Sammlig no überschaubar gseh isch au gha. Aber irgendwenn het die ganzi Sammlig e kompletti Wand und zwei Schränk an Platz benötigt. Das wär undänkbar gseh in einzelne Schachtle.

[geosnow]

D Cave und Toaplan Platine wotti irgendwiä scho verstaue. CPS1 sind denn no es Problem. CPS2 sind da scho viel eifacher. Irgendwiä sind d IREM games schlecht zum Ufbewahre.

[The Sheep]

ja, uf CPS1 muesch vor allem ufpasse. Mir isch sit ich sammle glaubs nur 1 CPS1 Platine an der Batterie verreckt. Aber bestimmt 10 an mechanische Schäde.

Und Cave hani sowiso seperat glageret ime Akteschrank. Dene het nid viel chöne passiere dört.

[Reinforced]

Irgendwiä sind d IREM games schlecht zum Ufbewahre.

wäge de caps? unbedingt wächsle bevor sie uslaufet! Irem boards (M92 speziell) leaked übelscht irgendwenn!

[Panther]

ich ha au mit Bubblefolie ime Schrank, wenn biz ufpassisch und guet mit umgosch goht das scho so findi

[geosnow]

chunt mer diä au ide schwiiz über. wahrschiinlich scho, han aber kein online shop gfunde.

http://www.ebay.co.uk/itm/180341146230" onclick="window.open(this.href);return false;

http://www.distrelec.ch/de/beutel-aus-l ... Ah6_8P8HAQ" onclick="window.open(this.href);return false;

isch das öpis?

[The Sheep]

Würdi nit mache. Durchs ine und usetue hesch es erhöhts Risiko es hervorstehends Teili abzrisse.
Tues lieber iwickle und an einer Site mit transparäntem Chläbband verschliesse. Das chasch easy wieder ufmache wenns mol spiele willsch, und durchs chläbband gohts nid von ellei uf im Regal.

[geosnow]

okay. han no so e rolle vom marcel.

[geosnow]

wiä gxehts mit enere chline holzchischte us? chan diä sich au uflade?

[damian]

nei, höchstens holzsplitter chöntet mit de ziit entstah...