Camper und Womos

[Overdose]

reizt mi scho siet Jahre. Kennt Sich do Ihne öpert praktisch demit us?

[turntablism]

nö, aber ich würd en vw bus poschte und es zelt

[Overdose]

hani au scho denkt. nume isch es bitz müehsam mit em zellt. isch ned überall erlaubt eis wild ufzstelle. Mitemene Womi oder ebe VW camper womer dine cha schlaffe hesch do glaub bedingt weniger problem?
ha nume male gsese das z.B z Spanie wild zelte galub verbote seg.

[evo]

kolleg het sich vor eme jahr öppe sone citroen jumper kauft ohni fänster hinte und denn es holz gstell dribaut und uf das e bett wo denn so uf halber höchi isch. so könne obe druf 2 lüt gmüetlich penne und untedra hesch rächt viel stauruum. er isch e technik freak und het sich allerhand extras inebaut, wie zb e kleini gas heizig für im winter, e mobils duschzält mit ere handpumpi usw.

isch drmit 3 wuche uf skandinavie, anes par festivals und süs no usflügli, und immer top zfride mitem auto. kasch sogar in de städt penne wenn ganz normal parkiersch, seht jo kein das hinte dinn öper isch wils kei fänster het. kunt glaub einiges günschtiger als e richtige wohnwage.

[Overdose]

hani mir das au scho mal überleit. Ha en mini van wo ziemli viel platz bütet. Mit em Wohnwage hesch halt eifach s problem vom parkiere. Darfsch glaub ned länger als 1 Nacht amene ort bliebe. Wenn überhaupt. U i ha kei Bock uf Camper reise uf em Camping platz. Spiessiger gahts ja nüme.

[Herr Rossi]

ha em kolleg ghulfe mit sim vw t4 umbau. hed e chüelschrank und e tisch/sitzbank-kombo dinn womer cha ines doppelbett umfunktioniere mit paar Handgriff. e chline Monitor zum abeklappe und e DVD Player. e Stromaschluss im chüelergrill und sitlich e halterig für es Vorzelt woner e tisch, grill und stüel cha ufschtelle. hend recht vil ziit inveschtiert.
ich würd au eher so öpis welle ha als es Wohnmobil. d Vorteil überwieged. hesch überall platz, zahlsch weniger für fähri, Autozug, bruggezoll etc. für elei oder s zwöite isches perfekt. choche im vorzeltund s gschäft verrichte muesch halt dusse oder ufem Campingplatz.
wenn nid uf Luxus chasch verzichte denn aber eher womo

[Acid]

Mir händ welä für de Summer en VW California (isch glaub vo derä T Serie wo de Rossi erwähnt hed...mitlerwilä irgendwiä T6) Miete oder en Mercedes Marco Polo... sind au so Van, aber chasch s Dach ufäfahrä, und denn heschen Doppelstöcker wod obä drin chasch pennä. So chöntet theoretisch no meh drin schlofä wiä 2 (unnä chasch au es Bett machä), oder ebä 2 dobä Schlofä, und denn muesch unnä nid jedä Obig umruumä.

Vo Ford gids au es ähnlichs Modell, mitere minim andere Innäirichtig, wo irgendwiä au no praktisch usgseh hed.

Erfahrigsbrich hani aber leider aber keinä, will bis ich gwüsst han wenni chan Frei neh simmer d Spot gsi für wasmer wellä händ...

aber mich dunkt das de Wäg wemer max 2 Lüt isch, und ehnder Roadtrip Mässig will unterwegs sii. Vorallem wiä scho gseit wordä isch wäg de Grössi (de Mercedes isch minim tüüfer, was vo Vorteil chan si. Bi derä höchi chunds denn plötzlich uf d cm druf a), chunsch fascht überall hi und durä wo miteme normalä Mini Van au chasch, und zum fahrä isches au chli lockerer als miteme Riisä Teil. Aber chund halt druf a wasmer will. Gid aber eigentlich no mängi wo diä Dinger vermietet, chasch natürlich eifach mol ein miete, denn gfindetmers denn scho usä.

[feeshlee]

Quelle

[Avenger]

Der Chris Hülsbeck isch so am umetrampe in Amerika. Bi grad chli niidisch uf de Tpy.

[geosnow]

Trampe oder campe?