Für mi isch dr Gamecube zunere ungünschtige Zitt uff e Markt kho. Neui Fründin...alles rosarot...lieber Zitt mit ihre als mit de Konsole verbringe...Doch unterem Strich (und dank ere Wucheändbeziehig ) ha ich usserordendlich viel Zitt mit em Gamecube könne verbringe. Natürlich mit em Luigis Mansion zämme kauft. Da mi liebglings Gametrader en verdammt guete schnuri isch, ha ich nebscht em Luigi no de NHL Hitz sowie de WaveRace kauft. e Zweits Pad sowie Memory Karte hend au nid dörfe fähle. Ich ha mi für e US Konsole mit JP Switch entschiede. Luigis Mansion isch in dere Zitt e komplett neui Wält gsi. Alles uss eim Guss, Zeichetrickfilm par Excellance. Ha das Game iihnetoh und erscht am Morge am 2 wo ichs fertig zögglet ha wieder abgschalte. Shett mir dermasse grossi freud bereitet, dass ichs am nöggschte Tag grad nomol aagfange ha zöggle. NHL wird hütt no a unserne Gameöbig zögglet (!) und WaveRace isch für mi Gschmack es 1A JetSki Game. Vieli Momänt au mit de Resident Evils (vor allem Resident Evil 0 und 4) sowie mit Pikmin verbrocht. Mario Kart DD hett mi total uss de Socke khaue wie au Rogue Squadron II Spiel i hütt no sehr sehr seeeeeeeehr gärn! Bomberman Generation ha ich durch die Legedäri (G) GameNight (wo s Schwiizer Fernseh kho isch) kenneglernt. Isch sitt denn mis Lieblings Bomberman worde. Die erschti Enttüschig ha ich mit Mario Sunshine erläbt (s erschte Mario Game wo ich eifach amene Punkt nümmi witter kho bi)....ohni gross witter zrede, mini 10 Fav.:
1. Luigis Mansion
2. Mario Kart DD
3. Bomberman Generation
4. Paper Mario
5. Star Wars Rogue Squadron 2
6. Resident Evil 0
7. Bomberman Generation
8. Day of Reckoning 2
9. NHL Hitz 2002
10.Wave Race: Blue Storm
Super Konsole gsi, viiiiiieli Stunde demit verbrocht...viele liebe Dangg!!
no kurz es paar Zahle:
-Knapp 22Mio mol übere Ladetisch gwanderet - wird daher als Flop aaglueget (PS2: 158Mio, Xbox: 25Mio, DC: 8.2Mio)
-Speichermedium: ähnlich e Mini DVD mit 8cm Durchmässer - kapazität 1,46GB
-über 350 Games sinn erschiene
und au do wie bi mim HB N64 Topic - es paar Filmli:
De Cube, für mich nachem SNES die bescht Konsole vo N.
Mini Hitlist
Mario Kart
Sphinx & the cursed Mummy
Twilight Princess
Resi 4
Paper Mario
Eternal Darkness
Ikaruga
Second sight
MGS twin snakes
Beyond good & evil
Herr Rossi hat geschrieben:De Cube, für mich nachem SNES die bescht Konsole vo N.
so isch au bi mier. wobi de GBA filicht none spüürli töller isch. aber cube isch eh au mega super. ämml sicher 100 mol sine diräkte konkuränte. ps2 xbox füre dc hani no biz sympatie übrig, aber eigentlich kanner au nit viel.
dörf i fasch ned säge do demfall, dass de Cube die einzig (oldschool) Konsole gsi esch, woni weder bsässe, no nor scho mol s'Pad i dä Händ gha han, geschweige denn öberhaupt je es Game droff zockt.
Esch komplett a mer verbi gange. Es häd mi aber au nor eis einzigs mol gwormt: nämmli det woni brecht öber rogue squadron 2 gläse han
Resi 4 hani dä ofem Wii gschpillt paar Johr spöter, wo eh vell besser gsi esch mit em Pointer-Controller.
Herr Rossi hat geschrieben:Cubepad Wavebird, bescht ever!
wavebird hät lag. d cube hät würklich s bescht pad voms welt.
Also lag problem ha ich nur, wenn d Batterie nur no e viertel a Energie hend...?!
Aber ok...Cube Original lieggt würklich sehr sehr guet in de Händ. Wenn de Grösseri Händ hesch, denn halt Wavebird.
GameCube hani leider nie gross gspilt, nur chli Mario Kart da, chli Sunshine det, weiss aber eigentlich gar nid wieso. Irgendwo dihei lid au no eine umi, vilicht wärs mal a de Ziit de vürezsueche
www.pcedaisakusen.net He could be my friend, if he weren't my enemy...
PCE Shmupscountown: 109/110 (1to go)
PCエンジン - シューティングゲーム読み秒:109/110枚 (1枚余る)
ah ja dr würfu, grosses kino gsi, denn no ds bärn bim alkijames bsteut ha, us mit jap switch, Rogue Leader 2, Luigis Mansion u Wave Race. Sitem DC denn nümme so gstuunet gha ab de grafik... hammer gsi, o schüsch, dank em würfu gits PIKMIN 1+2! paar vo mine absolute lieblingsgames.. Die ganze Resis wos het gäh u ds bis hüt beste: REsident Evil Remake vom 1. De natürlech ds freaky züg wie Viewtiful Joe, Killer 7, kurukurin, Doshin the Giant, Odama etc, denn heisi no experimänt gmacht
ha sicher öppe 200 Cube games hüt u bi froh hanis dennzumau dörfe erläbe. Cubus ROXT
Für mi isch dr Gamecube zunere ungünschtige Zitt uff e Markt kho. Neui Fründin...alles rosarot...lieber Zitt mit ihre als mit de Konsole verbringe...Doch unterem Strich (und dank ere Wucheändbeziehig ) ha ich usserordendlich viel Zitt mit em Gamecube könne verbringe.
...dänn hät ja alles klappt? lol...
geosnow hat geschrieben:du bisch eifach en guete mensch.
Mastler(P) hat geschrieben:du bisch eifach en guete mensch.