de HELM!!!!

[Bejita]

Sony arbeitet ja scho are neue PSVR, würd mir ja huere verarscht vorcho hät ig so e VR kouft. Vo mir usgeh wird VR so schnäu wieder ir versänkig ände, wie das Move zügs, Kinect etc

[PlanetHarrieR]

PS: gute besserung!

thx. in ein paar matches bf1 werde ich heut abend wohl trotzdem mal reinschauen - aber nicht labern, stimme ist voll im arsch.

[Xinobrax2]

Vo mir usgeh wird VR so schnäu wieder ir versänkig ände, wie das Move zügs, Kinect etc

Lueg, VR isch keis Spielzüg sondern s nögscht Interface. Dasmer demit au chan Spili spile isch en nette Nebeteffekt. Als nögscht chömed HMDs mit 4K Screens, denn gömer uf 8K...und irgendwo dezwüschet wird VR na mit AR verschmelze und au d Kabel werded bald mal verschwinde. Es wird so guet, dasd d Simulation visuell und akustisch nüme vo de Realität chasch unterscheide. Wer die Zuekunft nid gset isch imo biz ignorant.

[Bejita]

I gseh d Zuekunft vo däm scho i früechstens 10 Jahr, intressiert mi aber nid, i läbe im hie und its. Fakt isch grad bir PSVR isch s Bild Unscharf d Grafike längwilig und aues arbeitet nach em gliche Prinzip, du schwänksch mit dim Chopf über d Brülle eifach e Kamera bis zu 360 Grad. Das Zügs mit 4K oder sogar 8K und Kabulos? Viel Spass bim zahle vo 5000.- und em warte vo mindestens no 10 Jahr. Das zügs wird eim schneller längwilig aus mä cha säge : "Scheisse i hät mis Gäud vorersch lieber verbrönnt"

[Xinobrax2]

10 Jahr findi ziemlich optimistisch...wohl eher 20...aber ja, bim Rest würd ich dir sogar zuestimme. PSVR isch imo knapp unter de Grenze wo VR würklich bruchbar wird...leider...s Vive und s Rift hingege sind knapp drüber. Ich weiss nid, ob ich au als reine Konsument es Interesse a dene Grät het, aber grad bi de Entwickler sinds halt scho ziemlich beliebt. Allerdings hend die im Gegesatz zu de Konsumente au Zuegriff uf di neuschte Prototype, Rechner wo schnell gnueg sind und grossi Rüüm um das alles z teste...

[Bejita]

Vive und und Rift si agäblech ou nid viel besser, ha es paar lüt gha bir VR Promo wo hei gseit das sichs nid viel nimmt. Eh ja für Sony isches gloub e gueti glägeheit die Bestäng vo denä scheiss Movecontroller und derä scheiss billige dräcks Kamerä wäg z bringe.
VR wär für mi intressant wenn aues vor Brülle s tracked wird, arme und bei, ohni controller ir hang etc, und Grafik müest wäsentlech besser si. Das its im Momänt isch nume es Gimmik, äbe wie move, wii zügs oder kinect, nid me, nid weniger. NO nid.

[Xinobrax2]

Si sind nid viel besser...aber das Bizeli machts halt ebe us. S macht en Unterschied, obd de Text vom Interface chasch lese oder nid, ob alles zu 100% korrekt trackt wird oder halt ebe nume zu 90%...alles nume Details, aber si mached insgesammt de Unterschied us. Wenns drum gat d Realität z simuliere chaschder so Blödsinn nid leiste...

[Bejita]

Si sind nid viel besser...aber das Bizeli machts halt ebe us. S macht en Unterschied, obd de Text vom Interface chasch lese oder nid, ob alles zu 100% korrekt trackt wird oder halt ebe nume zu 90%...alles nume Details, aber si mached insgesammt de Unterschied us. Wenns drum gat d Realität z simuliere chaschder so Blödsinn nid leiste...

Ja aber schins grad bim tracke mache vive und ocolus ar VR nüt vor, ha gmeint, oder mir isch gseit worde, dases würklech fasch nume ums Bild und d Grafik handlet, i weiss es aber nid säuber, ig ha nume VR uf dr Bire gha. Aber die paar Lüt wo Vive oder Ocolus scho hei testet, oders sogar däheim hei gha, si ächt begeisteret gsi vor VR, hätti nid dänkt.
Was mä sicher cha säge isch das d VR was s Pris & Leistigsverhäutnis ageit, die beide angerä Konkuränte zerstört

[Xinobrax2]

Bi PSVR chans halt passiere, dasd s Tacking verlürsch wenn sich din Körper zwüschet de Move Controller und de Kamera befinded...isch ja au logisch. Ich weiss nid, ob das würklich zum Problem wird, wemer eh nur ufem Stuel sitzt....aber da wäredmer denn au scho bim nögschte Problem

Bezüglich Priis wird PSVR halt widerum vom Google Daydream zerstört...

[Bejita]

Bi PSVR chans halt passiere, dasd s Tacking verlürsch wenn sich din Körper zwüschet de Move Controller und de Kamera befinded...isch ja au logisch. Ich weiss nid, ob das würklich zum Problem wird, wemer eh nur ufem Stuel sitzt....aber da wäredmer denn au scho bim nögschte Problem

Bezüglich Priis wird PSVR halt widerum vom Google Daydream zerstört...

Auso d Lüt hei bi dr VR Promo aube vor Kamera wäg gluegt und es het sä immer no tracket, hinger het ja s VR Headset ou die tracking lights

[Xinobrax2]

S Headset scho, aber wie gsets us mit de Move Controller?

[Bejita]

S Headset scho, aber wie gsets us mit de Move Controller?

Wird öbe dr glich brunz si wie immer

[The Sheep]

Vo mir usgeh wird VR so schnäu wieder ir versänkig ände, wie das Move zügs, Kinect etc

vo mir us gseh nid. Aber wüsse wärde mers escht wenns sowit isch.

Obwohl ich mir schwer chann vorstelle wiemer vo VR nid chann begeischteret si, gits natürlich der eint oder ander wos eifach nid interessiert, bis zume chleine Prozäntsatz vo Lüt wo 3D gar nid so chönne gseh, bzw nid so chönne wahrnä wie anderi.

PSVR hani nonig teschtet. I hoff i wird in nächschter Zit Glägeheit ha (chamers eigentlich usprobiere im Mediamarkt wie Kinect damals ?). Aber i vermuet dass öpper wos quatsch findet (us wele Gründ au immer), ohni dass er Oculus oder Vive teschtet het, dä wird au mit de PC Variante nüt chönne afange. So gross chann der Unterschied nid si.

Wär de Unterschied zwüsche de PC Platzhirsche und em Sony interessiert, channi das Fideo empfähle:


Quelle

[Xinobrax2]

Ob d Lüt 3D chönd gseh oder nid isch glaubs nid psunders relevant. Letztendlich gats ja drum d Realität z simuliere. Wer au i de Realität kei 3D gset wirds in VR wohl chuum vermisse

[The Sheep]

naja, aber warum isch 3D ufem Bildschirm für Lüt wo 3D in ächt gsehn scho spektakulär, wenns nüt isch was sie nid scho kenne ?

[Xinobrax2]

Will Bildschirm idR 2D sind In VR isches aber scho nomal chli was anders will de 3D Effekt "oni Tricks" entstat (Anaglyph, Parallax usw.). Ich han au scho VR Zügs in 2D tested...z.B. s GTA V. S fehlt zwar was, macht aber dennoch Spass S Beschte a de HMDs isch ja letztendlich s Headtracking....s 3D isch eher e logischi Konsequenz und jede wos au i de Realität gset würds vermisse...

[Acid]

drum isch vr für eiaugigi au nur halb so hert

[zeromeier]

Obwohl ich mir schwer chann vorstelle wiemer vo VR nid chann begeischteret si

ich finds en riise kack. für 10 minute witzig, aber länger will ich de kack helm nöd alegge.

isch i 4-5 jahr denn mal guet evtl. so wies jetzt isch, isches wie de verglich:

so isches:


so wärs guet:

[Jones]

Bezüglich Priis wird PSVR halt widerum vom Google Daydream zerstört...

ihres headset meinsch? und z'pixel Phone drinn isch gratis?

[Master(G)]

also Oculus und Vive & Co. händ ja schomal kein Durchbruch gschafft, was vermuetlich ned ade Technik lieht, sondern am Priis. Bruchsch zudem noch en sautüüre PC, demit alles tiptop lauft. Es isch eifach (no) ned Massemarktauglich. Plus sind die meischte 'Games' äbe ned meh als besseri Technik-Demos oder Mini-Spiel. Sony hingäge hätti jetzt en Chance VR massemarktauglich zmache. Sie händ en User-Base vo Millione, en gueti Brülle wo halb soviel choschtet wie Konkurrenz und sie händ en Tonne Gäld für PR. Allerdings isch PS VR technisch paar Stuufe schwächer als Oculus & Co... aber wemmer no gar nie mit VR in Berüerig cho isch, langt das vermuetlich für en WOW-Effekt bim Otto-Normal-User.

Ich dänke ehrlich gseid au ned, dass VR jetzt scho en Durchbruch schafft. Es wird wohl meh sones Gadget für riichi PC-Gamer und die sogenannte 'hardcore' Konsole-Gamer bliibe... bis uuf wiiteres....

und da no en news:

Sony erwirtschaftet mit dem VR Headset PlayStation VR bereits Gewinn, das seit dem 13.10.16 weltweit erhältlich ist. Das sagte Shawn Layden, Chief Executive Officer und Präsident von Sony Interactive Entertainment America LLC, gegenüber Polygon.

Die Hardware wird vom ersten Tag an mit Profit verkauft, wie Layden bestätigt.

[Bejita]

Obwohl ich mir schwer chann vorstelle wiemer vo VR nid chann begeischteret si

ich finds en riise kack. für 10 minute witzig, aber länger will ich de kack helm nöd alegge.

isch i 4-5 jahr denn mal guet evtl. so wies jetzt isch, isches wie de verglich:

so isches:
[img]Dumms%20Game[/img]

so wärs guet:
[img]Sehr%20dumms%20Game[/img]

Gseh ig genau so.

[Xinobrax2]

Bezüglich Priis wird PSVR halt widerum vom Google Daydream zerstört...

ihres headset meinsch? und z'pixel Phone drinn isch gratis?

Ja und nei. Si werded na witeri Phones zertifiziere und i spötischtens 2 Jahr wirds wohl schwirig sich es High-End Android Phone z chaufe wo nid demit kompatibel isch...insofern wird de Priis für e ziemlich grossi Masse irrelevant.

[geosnow]

[zeromeier]

hands on review: ich has hüt bim Kolleg rasch uspackt und teschtet. Also zerscht mal sinds effektiv 284029348023 Kabel. d'Chopfhörer sind en Witz vergliche mitm Oculus. Guet ischs Kamera-Tracking hed wunderbar funktioniert. Ebefalls guet isch, dass chasch Sache mitm Pad / de Sau-Fuchtlers ufhebe und umerüere. Leider hemer nur s'Pad gha und das isch so so la la gange, Tracking hed nöd mega funktioniert, hed chil an Wii erinneret. Trotzdem isches klar besser für d'Immersion wenn chasch öpis "richtigs" ide Wält "ine" mache. Mit de hässliche Fuchtel-Controllers evtl. besser.

Überraschend au Technik. Gsed es spürli schlächter us als mitm Oculus, aber sehr wenig und ehrlich gseid chum bemerkbar. meh müssts evtl. grad nachenand bruche bzw. besseri Software am PC demit bruche, als ich brucht han.

Aber jetzt back to (virtual) reality: Es macht churz Spass, isch witzig und fön, nach 1-2h bisch froh, wenn die scheiss Brülle nümä am Chopf hesch. Aktuell verpsüri au absolut kei Luscht das Ding wieder azlegge. Liid einersiits am lächerliche Software Agebot und anderersiits am katastrophale Schwindelgfühl woni jetzt, nachere Stund, immer no han.

Ich han froid, hanis rasch chöne agügsle, bestätiget mich aber klar ide Meinig woni scho vom Oculus her gha han. Zersch extrem geil, aber de erschti bombastischi Idruck verschwindt glii dur en sehr rasch isetzende Gwöhnigseffekt, und denn bruchts halt gueti Software - die fehlt uf allne Grät komplett oder meh chan sie wägm Schwindelfark gar nöd länger als 5 Minute spiele :lolz:

Fazit: VR isch geil, aber ide Chinderschueh. Chum eine wird das wüki lang spiele wele. Zum dihei ha und all Monät mal es Churzfilmli vo 10 Minute luege isches toll. Wenn eim das 5-800.- Wert isch, de söll doch PS-VR, Oculus oder Vive poschte (die letschte zwei wohl besser, da dank PC meh Agebot). Zum Game i mine Auge zum jetzige Stand no nöd bruchbar.

[Moff]

ich finde d'grafik mit abstand s'gröschte problem am psvr

ich chanmer ehrlich gseit ned vorstelle, dass oculus nur es bitzli besser usgseht

die wenigschte games/demos ufem psvr bringed as aständigs scharfs bild ane (thumber zB, wo ich au susch s'bescht spiel gfunde han), das mues oculus ja immer schaffe nimi a mit genug gueter hardware?

es paar games (drivebluc zB) sind sogar totale matsch und gseht wie ufem wii us

ich verstahne natürlich, dass uflösig abe muess damit 2 (oder 3 mitem tv?) screens chönd in 60+ fps grenderet werded, aber ebe, denn isch en pc mit meh power oder eifach warte die besser wahl

finds trotzdem en interessanti erfahrug und im gegesatz zum zeromeier wirdi gern na chli meh zit demit verbringe

und nei mit de lücht dildos ischs tracking leider ned besser, es isch guet bruchbar, ide shooter trifft mer eigentlich immer perfekt, aber wennmer wot sini "händ" chli aluege chunts schnell zumene durenand und zappelanimatione

s'tracking vom helm (blickrichtig) isch allerdings makellos