de HELM!!!!

[Goran]

ich han geschter de ganz abig spielt, mit nur immer churze pause zwüsche de games. und ich muess säge, ich han nur 1x churz en laue mage gha, bim rollbrett downhill dings, bim sprung... suscht isch alles ohni problem gange, sogar driveclub vr hani chöne spiele ohni zchotze, erstuunlich!

aso de erschi WOW-effekt isch enorm, wenn zum erschte mal vr worlds startisch und die liechter und bölle um dich umeflüget, super. ziemlich schnell hett mich denn aber gstört, dass alles so unscharf isch. grad bim driveclub isch alles absiits vom lightning katastrofal pixelig. natürlich isch es cool wenn dich im cockpit chasch drehe und alles aluege, aber wenn nur knapp ufem tacho zahle chasch läse isch es scho dumm. london heist isch vode interaktion no cool. ich han 2 fuchteldinger, isch lässig sini knarre lade, magazin i die link hand, knarre ide rächte und denn das mag une ine stecke, isch witzig. oder aludose umerüere... ziele klappt wunderbar. headtracking isch top. aber au da, alles recht unscharf.

am beschte hani das mit dem alien i dem krabbel-roboter gfunde, mit de beide guns ade siite, huere gflasht isch mir das im weltall umejumpe und dur rummschiff laufe und so. grafisch isch das super gsi, aber au bitz unscharf. vor allem alles was bitz wiiter wäg isch wird schnell unscharf. wemmer so a sich abe luegt, händ, körper, das isch no ok, aber was wiit hine isch, isch unscharf. aber underem strich find ich das sbeschte game bis jetzt. hani grad a eim stuck duregspielt (gaht ca. 1 std.) - und das sogar ohni pause. gaht also scho.

ich han aber no es anders problem. ich muess duurend mit em options-button nahjustiere. nach eme wiili verschiebt sich dsicht entweder nach links oder rächts und ich sitze denn plötzlich nüme grad im cockpit. ich han kamera calibriert und a 2 verschiedene ort ufgschtellt zum teschte. aber das problem hani nach wie vor. muess fascht im minutetakt mit options chnopf nahjustiere. das gaht zwar schnell, närvt aber enorm findi. riist eim jedesmal use.

ja, was sölli säge. es isch witzig, hett durchuus sini momänt. aber ich find au, dass es no paar jahr bruucht, vor allem bide bildschirme. evtl. hilft ja ps4pro, so dass mer duflösig chan ufeschruube... mal luege.

ich wird aber sicher gärn hin und wieder demit umespiele.

mit de ps4 pro wirds VR sicher nochli besser

[Goran]

Han d'Oculus Touch Controller bstellt.

199.- EUR + 19.90 für Gebühre für Zoll, Import, Porto etc.

Wänn mers bis zum 27. Oktober preordered chunt mer zwei Games gschänkt über:

VR Sports Challenge
The Unspoken vo Insomniac

Freu mi wie es Chind

[OlDirty]

Wo hesch dini Touch den bstellt?

[Xinobrax2]

Gameblog het ebefalls es ziemlich usfüerlichs Review gmacht:


Quelle

[Goran]

Wo hesch dini Touch den bstellt?

http://www.oculus.com" onclick="window.open(this.href);return false;

[OlDirty]

thx. Ha ebe nur nix gseh vo wege Gratisgames

[Goran]

thx. Ha ebe nur nix gseh vo wege Gratisgames

Ich au nöd. Aber und andere News Site staht das. Mal luege.

[Goran]

thx. Ha ebe nur nix gseh vo wege Gratisgames

https://www.oculus.com/blog/oculus-touc ... -now-live/" onclick="window.open(this.href);return false;

da stahts. Meinsch das langed? Ich frög bim Oculus Support na.

[Xinobrax2]

Quelle

Ladeds abe, JETZT





Quelle

[The Sheep]

ich weiss ja nid wie schlächt s'um de Vive bschtellt isch, aber bime simple 360 Grad Schiessstand Ballerspiel regt sich bi mir nid viel. Gseht visuell nätt us, aber au irgendwie längwilig.

[Xinobrax2]

Hani au denkt....han mich girrt...

Wennt zmizt i de Action bisch chunsch gar nid erscht uf d Idee ume z laufe. S isch sürklich super

Nomal es Video:


Quelle

[The Sheep]

Villicht hesch du rächt

[Drachenherz]

Serious Sam VR isch soooooo geil! Fläshed mija sowas vo krasS!!! :schock:

[Xinobrax2]

Ich finds super, dass di de Oculus Exklusiv Deal mit Facebook abglehnt hend. Ire Kommentar dezue isch sinnegmäss "Fuck You". S isch immerna Early Access, aber de jetztig Priis beziet sich uf s fertige Spiel. Wers jetzt chauft kriegt au sämtlichi Updates.

[Master(G)]

wers interessiert, da min 'sänf' zu PSVR - jetzt no offiziell:

http://www.thegnet.ch/article/1219/Play ... VR-im-Test" onclick="window.open(this.href);return false;

Review vom Rush of Blood folgt...

[The Sheep]

guet gschriebe, das Review

[Xinobrax2]

Verzichted ihr eigentlich bewusst uf Video Reviews, Podcasts und so Zügs...? Oder hender eifach kei Lust/Ziit?

[Jones]

si die 960 x 1080 wo d'PS VR pro oug bringt generell z'wenig? isches wäge däm pixelig?
oder eher wiu d'PS4 nid ir lag isch, die uflösig z'bringe?
sprich, wär die gliche VR hardware mitere stärchere PS (pro) besser oder müsst meh sowieso es höcher ufglösts headset ha?

[geosnow]

das nimmt mi au wunder.

[geosnow]

Verzichted ihr eigentlich bewusst uf Video Reviews, Podcasts und so Zügs...? Oder hender eifach kei Lust/Ziit?

lese gäh 100x schneller.

[Master(G)]

Verzichted ihr eigentlich bewusst uf Video Reviews, Podcasts und so Zügs...? Oder hender eifach kei Lust/Ziit?

isch ganz klar en Ziitfrag.... mir schaffed alli, und sonen text schriibe duured mit bilder und korrekture au nomal guet 2 Stund...

guet gschriebe, das Review

dankeeee

PS: da no mis Rush of Blood Review: http://www.thegnet.ch/article/1220/Play ... h-of-Blood" onclick="window.open(this.href);return false;

[Xinobrax2]

Vor es paar Jahr hendsene mal s Rift DK1 zeigt...hier s Update:



Quelle

[Goran]

thx. Ha ebe nur nix gseh vo wege Gratisgames

https://www.oculus.com/blog/oculus-touc ... -now-live/" onclick="window.open(this.href);return false;

da stahts. Meinsch das langed? Ich frög bim Oculus Support na.

De Occulus support hät zruggschriebe:

As for your question regarding the free games bundled with preorders of Oculus Touch, I can confirm that any Rift that is preordered before December 6th will receive these games.

The October 27th deadline is just for Rift preorder customers to claim their priority status for Oculus Touch.

[The Sheep]

Macht mi etz grad es bitz giggerig. Leider isch Oculus Touch nid kompatibel mit mim DK2. Also äntwäder i wart bis Januar 2017 und hoff mini bi Microspot vorbschtellti Brille denn ändlich zbecho, oder i bschtell d'Brille vorhär namal bi Oculus.com, zäme mit de Touch Controller und verchauf die zweiti Brille später wieder. Dilemma dilemma ...

[Xinobrax2]

Wat? Die Dinger sind immerno usverchauft?