Apple Touch Bar

[damian]

Di neust "Erfindig" vo Apple isch d'Touch Bar. Anstatt dä F1 bis F12 Taste isch det etz es touch oled display wo je nach aawändig andersch uusgseh chan. Ich weiss nöd so rächt öb ich das etz guet finde söll. Ich meine mer chan au mit dä muus uf em bildschirm sache aaklicke, wieso namal es extra display für das. Oder es git au laptops wo voll touch fähig sind. wieso nur di chlini leiste... Mal luege.

http://www.apple.com/macbook-pro/" onclick="window.open(this.href);return false;

[Shadow]

ich finds no cool, wills ja app-spezifischi funktione selber iblendet und chasch alles selber konfiguriere. mega innovativ findi das jetzt au nöd, git ja scho keyboards wo ähnlichi features händ, wo aber selber fascht scho soviel choschtet wie es macbook pro.

ich hätt huere gern es macbook pro zum filmli schniide vor allem (final cut pro), han kein andere laptop private und wott au kein win laptop meh. bin mer sogar am überlegge, de billig pro ohni touch bar denn mal zleischte, aber irgendwie wotti die bar glich, wennschon denn schon. zudem isch de gross mit de bessere spec die besser investition für öpper wie mich wo nöd all paar jahr neue pc / mac stuff chauft.

[Acid]

De gross hed vor allem no en dezidierti Grafik...

[Gurgelhals]

Mit Apple isch es bezüglich Mac-Hardware inzwüsche nöd müehsam, sondern eifach nume no ärgerlich: Entweder lönds d'Produktpalette vergammle (Mac mini, Mac Pro und inzwüsche eigentlich au de iMac) oder sie mached konfusi Scheisse (Laptops).

S'Tumme isch halt eifach, dass ich Mac OS nach wie vor als Arbets-Betriebssystem extrem schätze und kei Luscht han, da uf Windows z'wächsle. Ich chan drum grad froh si, dass leistigsmässig i de letschte Jahr eh nöd viel ta hätt und drum kei dringendi Hardware-Upgrades astöhnd. Trotzdem: Wänn Apple nöd glägentlich wieder mal en Mac mini bringt (und zwar eine mit ere 4 Core-CPU, bitteschön!), mues ich wohl ernsthaft d'Option "Hackintosh" i s'Aug fasse. Und bi de Laptops wirds dänn wohl ehner schwierig (die sich abahnendi Donglescheisse macht mich jetzt scho hässig ).

[BrainBug]

S'Tumme isch halt eifach, dass ich Mac OS nach wie vor als Arbets-Betriebssystem extrem schätze und kei Luscht han, da uf Windows z'wächsle.

[Acid]

leider heder au uf mich bezogä rächt.

Sie macheds eim würklich überhaupt nid eifach. Ich bin so öpis vo Startklar gsi zum es neus MBP z bstellä. Jetz standi allerdimgs wider vor luter Fragezeichä. Wär nid s OS, und dezuägehörigi Software wo das OS bedinged (bzw. wenn das au uf andere Maschinä wür laufä) würmer glaub nid grad de Chopf zerbräche, sondern hät scho lang öpis anders.