US Wahle 2016

[zwirrlibatz]

aber namal was tribt en maaa mit 70 jahr aaa, jede verdammti tag 3-4 rallies z mache es jahr lang, wenner chli chönd d sau uselah (er und c a. 10 generatione vo ihm) bis zum endi vom lebe. da muess was bsunderigs dehinder stecke. ich wär viillllll z lazy für sowas.

das drhinder isch zimli guet dokumentiert. superchurz: er isch en pathologische narziss wo nie det akzeptiert isch worde wo er's wele hett (spoiler: im establishment). viel länger: zbsp usfüehrlichi PBSs dokus im internetz.

[Moff]

sow ies usgseht isch die korrekt antwort zude umfrag d'hillary?

[zwirrlibatz]

11/9

[Xinobrax2]

sow ies usgseht isch die korrekt antwort zude umfrag d'hillary?

Offiziell sinds 59'413'445 vs 59'229'191 Stimme vo de Bürger für d Hillary bzw. 228 vs 276 Stimme vo de Wahlmänner für de Trump. Mal abwarte, ob das vo offizielle Stelle na hinterfragt wird, aber so wies im Moment usgset isch de Trump di richtig Antwort uf die Umfrag.

[Moff]

iets chumi ned ganz drus, die 200k stimme meh het hillary oder trump?

[Overdose]

hilaaati

[Xinobrax2]

Vo de Bürger het d Hillary zum Zitpunkt vo de Entscheidig me Stimme gha, aber die sind i de USA in letzter Konsequenz ja nid würklich relevant. Ich glaube di endgültige Zahle gits gar nonig....sobald die 270 Stimme vo de Wahlmänner amigs erreicht worde sind isch s Spiel verbi.

[Moff]

demfall han ich dini umfrag falsch verstande, ich bin devo usgange, dass du ebe de popular vote meinsch und ned s'electoral college wo schlussendlich zellt

[Xinobrax2]

D Umfrag het sich eigentlich uf beides bezoge. E Diskrepanz isch eher unüblich...aber wie gseit, d Stimme sind nonig komplett uszellt worde. Die endgültige Ergebnis gits glaubs erscht im Januar...und denn wird de Trump wahrschinlich au bi de Bürger me Stimme ha...

[resuscitation]

Isch es nöd so, dass nur d'Elektore (oder wie die heissed) massgebend sind? Und dört hät dä Trump jetzt 300. Also meh als gnueg.

[Moff]

ja logisch, de trump isch präsident, defnitv

ich han ursprügnlich ebe gmeint i dere umfrag gahts um ebe de umstand hezwise, dass effektivi stimme und d'elektore stimme unterschiedlich sind, und i dem fall ischs en recht beachtliche underschied, will d'elektore sind en rechte landslide victory für de trump, und das obwohl meh us bürger d'hillary hetted welle

[Moff]

da na für de lulz

[Xinobrax2]

Isch es nöd so, dass nur d'Elektore (oder wie die heissed) massgebend sind? Und dört hät dä Trump jetzt 300. Also meh als gnueg.

Insgesammt gits 538 Wahlmänner. Mit anderne Wort, wer 270 Stimme kriegt het me als 50% und wird somit President. Dass de Trump insgesammt uf ca. 300 Stimme chämt isch nur e Hochrechnig...es spillt aber kei Rolle me. S Spiel isch verbi.

[sam]

Das verlauft ez doch na es biz andersch als erwarted...

irgendwie ja aber irgendwie au nöd... die umfrag da im topic isch au 50/50 gsi

[Jones]

ääääääänldech isch dä zirkus verbi! isch ja nid zum ushaute gsi die letschte wuche! :typej:
und es het sich einisch meh zeigt, dass die sogenannte "experte" im prinzip nüt anders als glas-chugle läser si.
o d'vorhersag, dass d'börse hüt abstürzt, het sech offebar nid erfüllt...

i stah däm ganze locker gägeüber. bi weder füre trump no für d'hillary gsi. simer beidi zu suspekt aber itz isches haut so wie's isch... hoffe mer z'beschte...

[m.o.terra kaesi]

aber namal was tribt en maaa mit 70 jahr aaa, jede verdammti tag 3-4 rallies z mache es jahr lang, wenner chli chönd d sau uselah (er und c a. 10 generatione vo ihm) bis zum endi vom lebe. da muess was bsunderigs dehinder stecke. ich wär viillllll z lazy für sowas.

egomanie? narzismus? grössewahn?

[Xinobrax2]

aber namal was tribt en maaa mit 70 jahr aaa, jede verdammti tag 3-4 rallies z mache es jahr lang, wenner chli chönd d sau uselah (er und c a. 10 generatione vo ihm) bis zum endi vom lebe. da muess was bsunderigs dehinder stecke. ich wär viillllll z lazy für sowas.

egomanie? narzismus? grössewahn?

Die Beschribig passt uf jede Kandidat. Ich glaube mer mues grundsätzlich en enorme Dachschade ha, wemer devo überzügt isch, dasmer unter allne 320 Millione Amerikaner de eini isch, wo das unzähmbare Biest chan kontrolliere...

[thaeye]

das isch es normals merkmal als fuehrigsperson. da gits ja au scho fakte dezue. d frag wird sie wie bi jedem präsi, wird er zumindest es paar verspreche chöne ilöse. a dem wird er gmesse. und da haeter d messlatte scho recht höch gsetzt.

[Xinobrax2]

Mich beschäftiged im Moment grad ganz anderi Frage...

Wird de Mr. Garrison jetzt für di nögschte 4 Jahr de President i allne South Park Folge? Die hend sich ja selber d Möglichkeit verbaut, de echti Trump id Serie izbaue, obwohler am laufende Band perfekti Vorlage defür würd lifere

[abyss]

Die Weltuntergangsstimmig überall ide Medie. Le lol...

Als chönnt er alles selber entscheide. Eifach so...

[Xinobrax2]

Weli Medie luegsch? Ich würd dene gern chli bim Jammere zuelose

Au super:

Quelle

Vo Wuche zu Wuche werded d Antworte für de Tilo abgnervter

[Herr Rossi]

Ich frag mich wie lang dases god bis er vergiftet oder suschtwie unschädlich gmacht wird.

[Xinobrax2]

Zersch mal chli abwarte...für di nögschte zwei Monet schwirred d Berater um ihn ume wienen nervöse Bieneschwarm um ihm irgendwelchi Gedanke izrede...und biser denn sis Amt atritt wirder wahrschinlich sogar glaube, dases sini eigne sind und d Politik vom Obama, Bush, Clinton...bzw. vo de Machtelite fortseze...

...falls nid chaner ja immerna verunfallt werde. Für s Establishment isches aber eher vo Vorteil, wemer iri neuschti Schachfigur als Usesiter betrachted.

S Ergebnis het mi zwar überrascht, aber ich glaube nach wie vor nid a Zuefäll i de internationale Politik. Niemert chan mir verzele, dass Datekrake wie d NSA oder Google das Ergebnis nid scho vorher kennt hend. Ich frag mich eher, warum de Masse bis zum Schluss genau s Gegeteil sugeriert worde isch.

Isches en gigantische Irrtum oder en geniale Schachzug?

[Xinobrax2]

Die sind grad biz unruig det ene

Quelle

[Moff]

S Ergebnis het mi zwar überrascht, aber ich glaube nach wie vor nid a Zuefäll i de internationale Politik. Niemert chan mir verzele, dass Datekrake wie d NSA oder Google das Ergebnis nid scho vorher kennt hend. Ich frag mich eher, warum de Masse bis zum Schluss genau s Gegeteil sugeriert worde isch.

Isches en gigantische Irrtum oder en geniale Schachzug?

es isch in irrtum, de glich effekt wie bi eus mit de minarett initiative, lüt hend sich eifach gschämt de trump z'nenne bi umfrage, au wenns anonym sind. das passiert wenn ein uswahl bide umfrag öffentlich extrem verpöhnt isch, nenntmer de bradley effect