Watch Dogs 2

[Master(G)]

ja gäll... schliiche isch eigentlich gar ned möglich i dem spiel. sie händ au sones 'hive-mind', sprich gseht dich eine, wüssed au grad alli andere SOFORT wo du bisch und de isch dkacke voll am dampfe. isch schad, hättsch doch so viel hacker-möglichkeite und gadgets für en stealth-run...

[geosnow]

voll dumm. bi MGS häsch wenigstens no es paar sekunde um de feind zum schwiige zbringe.

[resuscitation]

Also je länger ich das spiele, um so besser gfallts mr.. ich finde es jetzt sogar no besser, als Teil 1. Au d'Story vermag mich z'überzüüge

[Bejita]

Z geilste isch immer : "Täter Beschreibung ist raus!"
Und si hei eim no nid mau gseh

[Bejita]

Dr Patch 1.04 het anschinend d Performance söue verbesserä, aber uf dr Pro chunts mir so vor aus würds its me flimmerä und das si d Uflösig abe gschrubt hei...

[zeromeier]

insgesamt gseds eifach technisch langwiilig us. bin gspannt uf pc version, evtl. chamers denn spiele.

[Master(G)]

evtl. chamers denn spiele.

[Bejita]

insgesamt gseds eifach technisch langwiilig us

Äbe überhoupt nid! Es het vor däm Patch extrem Wunderbar geil usgseh, its dünkts mi lidet z Gsamtbild extrem unger däm Patch

[zeromeier]

evtl. chamers denn spiele.

[geosnow]

isch de doch s gliche verschissene gameplay.

[zeromeier]

isch de doch s gliche verschissene gameplay.

s'gameplay isch super, offesichtlich hesch du kei ahnig.
(usserd s'autofahre, das isch lächerlich)

[Master(G)]

aso jetzt mal stopp... grafik und technik isch suuber und sehr schön uf PS4(pro). ich find grad texture super, will schön scharf. framerate isch solidi 30. es flimmeret nüt, bis ufd schätte bitz... da chamer gar ned meckere!

ich han ehrlich gseid nöd erwartet, dass es so scharf und suuber usgseht und de no so guet lauft.

hütt abig spiel ich wiiter.

[geosnow]

isch de doch s gliche verschissene gameplay.

s'gameplay isch super, offesichtlich hesch du kei ahnig.
(usserd s'autofahre, das isch lächerlich)

[Master(G)]

krass wie schlächt d'xbox one version isch... hätti ned dänkt, dass das sone riese underschied isch

[geosnow]

so guet.

[Master(G)]

ROFL!

tag und nacht....

[geosnow]

jetzt wo ich d pro han, holli mir viellicht glich de wd2. grafik nutt.

[Mr. Heli]

ich finds no relativ schwierig guet, ich spiel so genre susch au eher selte. und meh merkt das es ums hacke gaht, mit ballere chunsch meistens nöd wiit. bis jez stört mich eigentlich nur das elendi geschnurre vo de bulle "halten sie den wagen an".

isch ja krass schlecht uf dr xbox one
ich spiels uf de slim, klar isch d grafik uf de pro und em 4k tv no es anders level, aber es isch so scho sehr schön

[Master(G)]

die bilder dett obe, die pro und xbox one screenshots, sind beid vomene 1080p TV gmacht worde... nix 4k.

[resuscitation]

Ich finde die Sprüch so cool Dä Wrench isch ja so zum gröle :)Bide Charaktere händ sie sich ächt grossi Mueh geh.. mis Fazit bis jetzt -> isch dütlich besser, als WD1 au wenn ä Mission nur no sneake praktisch unmöglich worde isch, händs däfür äs paar ganz netti Neuigkeite in Sache taktiere ibaut. Guet glunge!

[Bejita]

Es super game!! Sehr sehr schön zum aluege, wobi s mi dünkt das sit em Patch 1.04 d Pro Version liecht a IQ und AA verlore het..

[zeromeier]

die bilder dett obe, die pro und xbox one screenshots, sind beid vomene 1080p TV gmacht worde... nix 4k.

ich han en 4k tv.

[Master(G)]

ah, rofl!! no schlimmer. dh. die pixel-bilder sind vo dim 4k TV mit Xbox One S und die schöne, scharfe vom mim ur-alt 1080p samsung 55er mit PS4pro?

geil!

übrigens: ha grad vorig PC version gseh. Schärfer isch sie ned merklich, aber holymoly die rauch effektm, de näbel umd frisco bridge (!) und die liecht/schatte-spiili.... übergeil!

lueg:


Quelle

[evo]

lueg hünd zwei

[zeromeier]

G.E.I.L. spiel nur no pc version, alles andere wär ziitverschwändig.