V: Philips 65PUS7600/12 (65" (164cm), LCD

[Skeletor]

Verchaufe min Philips 65 Zoll TV.

UHD, 1400Hz, LCD/LED, 3D, WLAN, Ambilight3, Android, etc. Wiiteri Specs gfindet ihr guät im Internet.


Kauft im Februar 2016. Also nöd mal es Jahr alt.

Grund für Verchauf? Ich han en OLED müesse ha uf eimal. :typej:

Damals kauft für CHF 2'700.-- (inkl. 5 Jahres Garantie, was beinhaltet das en techniker verbi chunnt, s'grät aluegt und versuecht zrepariere. falls das nöd klappt, wird dä tv mit gnah und mä bechunnt gratis es ersatzgrät, bis dä tv zrugg isch).

TV muäss abgholt werde, isch also rächt gross. Für en Kombi isch es wohl zknapp mit dä schachtle. D'Standfüess hani nöd abmontiert, will diä sautumm zum montiere und abmontiere sind und d'schruube scho rächt in mitleideschaft zoge worde sind.

Pries: CHF 1'500 (inkl. 5 Jahres Garantie wo no meh als 4 Jahr gilt)
Abholig: Altendorf SZ

Und ja, ich weiss, dass ich dumm bi.

Im Moment hät eine Interesse agmolde, hät aber no nöd definitiv zuegseit.

[mr.raw]

top Priis, top Grät!!!!
edit: was für en oled hesch denn im visier? Was wettsch denn do no toppe?`

[Skeletor]

Ich weiss, isch nöd immer clever. En lg oled, siehe tv topic.

[Zoran]

Am Beschte häsch en Oled und en top suhd LCD so wien ich ...beides hät Vor- und Nachteil

[Marco_in_motion]

Min Nachber isch au intressiert, bruucht aber no d'Absägning vo de Regierig.

[mr.raw]

(i hätt en sofort gno, wenn mine nid a dr Wand wär und ich es gschiss hett mit abmontiere - jetz wart i emolle, bis er de geischt uffgäh hett und denn lueg i witter)

[Skeletor]

Up

[TypeJ]

Am Beschte häsch en Oled und en top suhd LCD so wien ich ...beides hät Vor- und Nachteil

SUHD

[Zoran]

Han de Samsung UE65JS9580 hät gern sneuere Flagschiff UE65KS9580 kauft, aber hät kei 3D me

[Skeletor]

Isch wäg