Legend of Zelda: Breath of the Wild

[thaeye]

Wer holts eigentlich für dä WiiU? Sind d'unterschied gross? Glaub nöd würklich oder, isch minim, vorallem wenn mä eh uf em TV spielt.

ich glaub dswitch chan bi mir ebä no lang warte, aber s'zelda reizt mich uhuerisch.

ich wii uu. logisch. gib kei 400 stutz füren konsole uus wo mir kei zuesätzliche mehrwert büüütet (mobile gaming isch nöd mis). bim mario überleg ichs mir den. will isch halt mario.

[Jones]

gitt praktisch kein underschied zwüsche de versione. was ich persönlich äbe no dumm find.

wieso sötts o besser usgseh, wenn d'konsole glich starch (bzw schwach) uf dr bruscht isch?

i bi am 9i is gschäft cho und z'päkli vom digitec isch scho parat gläge... würd am liebschte grad wieder hei...

[derinderinderinderin]

Wer holts eigentlich für dä WiiU? Sind d'unterschied gross? Glaub nöd würklich oder, isch minim, vorallem wenn mä eh uf em TV spielt.

Ig. Nintendo hett gseit es gseht besser us ufem Switch aber das säge nur wüu sie die nöi Gonsole wei verchoufe.

[grappagott]

d ladeziite, s display, für d zuekunft parat... ich will au hei go!

[Skeletor]

Wer holts eigentlich für dä WiiU? Sind d'unterschied gross? Glaub nöd würklich oder, isch minim, vorallem wenn mä eh uf em TV spielt.

Ig. Nintendo hett gseit es gseht besser us ufem Switch aber das säge nur wüu sie die nöi Gonsole wei verchoufe.

ich glaub dä unterschied isch eifach zminim.
und nur wäg em zelda dä switch chaufe findi chli übertriebe. wenn ja scho d'möglichkeit bestaht, s'game uf dä wiiu spiele.

[zwirrlibatz]

Chamer vorstelle dass es per switch stüürig agnähmer isch. Han ken procontroller für de wiiu. Komisch dass de tabletscreen für gar nüt bruucht wird...

Bin gspannt öb das riese open world spiel no irgendwelchi patches wird ha. Ich bhaupte mal nei, it's teh nintendo polish.

[zwirrlibatz]

Gitt paar unterschiedvideos im netz. Sind nöd würkli gross.

[zwirrlibatz]

Ich würds würkli lieber fuchtle, isch eifach s'intuivschte.

[Jones]

du huere fuchtler du!

[zwirrlibatz]

Intuition ftw

[Gurgelhals]

Wer holts eigentlich für dä WiiU? Sind d'unterschied gross? Glaub nöd würklich oder, isch minim, vorallem wenn mä eh uf em TV spielt.

Ig. Nintendo hett gseit es gseht besser us ufem Switch aber das säge nur wüu sie die nöi Gonsole wei verchoufe.

De Switch understützt im Gägesatz zum Wii U systemsiitig d'Full RGB Range (ändlich ). Wänn me es entsprächends Display hätt, wird das wohl scho en Underschied mache. Und dänn halt die höcher Uflösig im docked Modus und d'Ladeziite (läck du mir, isch de Wii U diesbezüglich schlEmm gsi Ich han glaubs effektiv au nöd eso viel uf dem Teil gspielt, will's immer so eländ lang gange isch, bis me würklich im Spiel drin gsi isch ).

Es sind sicher kei grossi Underschied. Aber da das Ding im Lauf vo de nörchschte 12 Mönet sicher nöd billiger wärde wird, spielt's underem Strich dänn doch kei Rolle, öb me das Ding jetzt chauft oder erst wänn s'Mario und s'Xenoblade da sind, drum han ich doch scho jetzt zueglanget.

[Jones]

mi het dr wii U nie greizt. ha gnue anders gha aber itz hani so richtig bock uf nintendo wie sitem GC nüme!

[Master(G)]

[evo]

s isch also schono rächt geil

[zwirrlibatz]

Ich wirds mir dorum gar nid zue tue, da ich überhaupt kei Zitt ha für so grossi Games.

chasch dir ja es jahr ziit näh. machi immer so. und schlussendli 1 spiel à 100h = 10 spiel à 10h.

it's all in teh mind

[zwirrlibatz]

Es sind sicher kei grossi Underschied. Aber da das Ding im Lauf vo de nörchschte 12 Mönet sicher nöd billiger wärde wird, spielt's underem Strich dänn doch kei Rolle, öb me das Ding jetzt chauft oder erst wänn s'Mario und s'Xenoblade da sind, drum han ich doch scho jetzt zueglanget.

hrzzgnnn fasch überzügt...

Uff....

Gitt aber dänn wohl es Xenoblade böndel o.ä. Und susch chauf ich en em (G) ab für 150.-

[zwirrlibatz]

s'kampfsystem isch scho schier darksoulsig

[Gurgelhals]

Ich glaub ehner, de Aonuma hätt sehr viel Gothic gspielt

[zwirrlibatz]

Die erschte ca 5-7 Stund han ichs so no hübsch und ok aber nöd grad woahwoah gfunde im Gägesatz zu anderne Überspieli letschthin und hamer fasch chli Sorge gmacht, öbs doch en Retrofanboyüberhype isch, aber dänn plötzli hetts klickt. Sobald me s'Gadget chan update, göhnd d'Spielwält und -idee wie uf. En zimliche Langsamstarter.

Muess endli mal usefinde wie me zu detaillierte Charte chunnt... (edit: :alzheimer: :typej: )

[Gurgelhals]

Muess endli mal usefinde wie me zu detaillierte Charte chunnt... (edit: :alzheimer: :typej: )

Bi de Türm

S'sinnvollschte Vorgah pro Region isch wohl immer z'erscht mal zum Turm go d'Charte hole und nachher sowiit möglich bzw. sofern's grad am Wäg lieged d'Shrines z'mache (wäge de Warp-Pünkt). Und isch glaubs au rächt empfehlenswärt, gwüssi Sache manuell uf de Charte izeichne, will so viel macht s'Spieli da automatisch nöd und ich han längschtens de Überblick verlore über die Pünkt wo ich tänkt han: "Oh, interessant, da gang ich dänn viellicht spöter namal verbi..."

Es erinneret insofern ebe scho am meischte as allererschte Zelda. D'Spielwält isch nach em Plateau komplett offe, es gitt praktisch kei Handholding (für Nintendo-Verhältnis fast scho schockierend) und s'Spieli überlaht's praktisch komplett am Spieler, was er wie wo und wänn wott go mache. Eifach mal chli umeirre und luege, was eim so über de Weg lauft. Findi so eigentlich rächt krass für Nintendo im Jahr 2017.

Was mich momentan umhaut, isch wie das Spiel einersiits es für Nintendo-Verhältnis scho fast unvorstellbar offes Spieldesign hätt, aber dänn doch jedes einzelne Spielelement unglaublich durchdacht und mit de vo Nintendo gwohnte Präzision implementiert isch. Normalerwiis isch es bi so Open World-Titel (egal öb GTA, Gothic oder Witcher 3) ja doch so, dass verschiedeni Spieldesign-Element ehner chli ungschliffe und häregwurschtlet überechömed. S'Zelda haut mich grad um, will jede einzelni Aspekt vom Spieldesign bisher extrem wohlüberleit und au stimmig implementiert isch.

Han z.B. tänkt, dass mich s'Weapon Degrading massiv wird aschisse. Isch aber gar nöd de Fall, will eim s'Spieli ja praktisch nonstop mit Ersatzwaffe überhüüft. Im Gägeteil: Ich finds inzwüsche sogar super, will's eim dezue zwingt, immer wieder verschiedeni Waffetype uszprobiere und so extrem viel Abwächslig in Spielverlauf ine chunnt. Ich meine, so guet mues me als Spieldesigner z'erscht emal si, dass me's schafft es universell verhassts Feature wie Weapon Degrading in en farking Pluspunkt z'verwandle

Und sogar für s'Respawning händs en perfekte Mittelwäg gfunde und liefered defür im Spiel sälber grad au no e stimmigi Lore-Erchlärig. Wie geil isch das dänn?

[derinderinderinderin]

Bis jitze findes recht enttüschend. Vieles chunnt mir vor wie "chores" zum biespiel türm ufechlettere. Ui, jitze e Turm mitemne Twist, es hett a Stachle, me muess Umwege mache :facepalm:. Und es isch scho längers nüt interessants passiert. Es chunnt mir vor aus hätti Stundelang nüt handfeschts gmacht (usser es paar Shrines). Openworld games si schienbar nid so mis Ding. Spieles mal witter.

[zwirrlibatz]

Muess endli mal usefinde wie me zu detaillierte Charte chunnt... (edit: :alzheimer: :typej: )

Bi de Türm

S'sinnvollschte Vorgah pro Region isch wohl immer z'erscht mal zum Turm go d'Charte hole und nachher sowiit möglich bzw. sofern's grad am Wäg lieged d'Shrines z'mache (wäge de Warp-Pünkt). Und isch glaubs au rächt empfehlenswärt, gwüssi Sache manuell uf de Charte izeichne, will so viel macht s'Spieli da automatisch nöd und ich han längschtens de Überblick verlore über die Pünkt wo ich tänkt han: "Oh, interessant, da gang ich dänn viellicht spöter namal verbi..."

ja ebe bi de Türm, ischmer nachem poschte grad wieder in Sinn cho, nachdäm ich stundelang ohne Chartedetails umegirrt bin. Han säb Cutscene, wo's klar zeigt gha hett, scho wieder vergässe. Zersch Shrines mache ftw, wobii de mit em Chuglebalanciere isch reinschti Höll.

Mittlerwiile isch mini Erstskepsis verfloge. Isch gar nöd eso (wie's de Inder meint) mit gang mal chli dethhi mach mal chli das wie i anderne, typische unterklassige OW Spieli isch. Es hett alles en Grund und Zämehang und e tüüferi Füehrig. Mit open world us Prinzip hett sich Anouma und co da offebar no lang nöd zfriede gäh. Sandbox isch es türli scho au, das elei chasch aber 2017 au nüme bringe. Es schiint ehner so als öb sie das Gameprinzip uf de übernöchschte Stufe fahre. Es duured halt es Wiili bis das klar wird, wäg em nöd-a-de-Hand-hebe. Öbs de Witcher schlaht halt ich für so unmöglich wie unnötig. Wär au no e völlig verfrüehti Ussag. Langt scho wenns ebebürtig wird.

[abyss]

Hetts ou Dungeons? Oder geisch eifach vo Shrine zu Shrine?

[Gurgelhals]

ja ebe bi de Türm, ischmer nachem poschte grad wieder in Sinn cho, nachdäm ich stundelang ohne Chartedetails umegirrt bin. Han säb Cutscene, wo's klar zeigt gha hett, scho wieder vergässe. Zersch Shrines mache ftw, wobii de mit em Chuglebalanciere isch reinschti Höll.

Nä-äh, de mit em Chuglebalanciere (im Shrine bim Dorf mit em Labor, odr?) isch en meischterhafte Nintendo-Troll (Eifach s'Labyrinth uf de Chopf stelle und d'Chugle hätt uf de Rücksiite freii Bahn

Mittlerwiile isch mini Erstskepsis verfloge. Isch gar nöd eso (wie's de Inder meint) mit gang mal chli dethhi mach mal chli das wie i anderne, typische unterklassige OW Spieli isch. Es hett alles en Grund und Zämehang und e tüüferi Füehrig. Mit open world us Prinzip hett sich Anouma und co da offebar no lang nöd zfriede gäh. Sandbox isch es türli scho au, das elei chasch aber 2017 au nüme bringe. Es schiint ehner so als öb sie das Gameprinzip uf de übernöchschte Stufe fahre. Es duured halt es Wiili bis das klar wird, wäg em nöd-a-de-Hand-hebe. Öbs de Witcher schlaht halt ich für so unmöglich wie unnötig. Wär au no e völlig verfrüehti Ussag. Langt scho wenns ebebürtig wird.

Das mit de sanfte Füehrig stimmt. Das isch wieder mal Nintendo-Designphilosophie vom beschte. Die neue Spielement wärded sukzessive und sehr diskret igfüehrt, so dass me als Spieler s'Gfühl hätt, als öb me's komplett vo ellei entdeckt hätt. Stimmt aber natürlich nöd, will d'Spielwält so strukturiert isch, dass me automatisch vo de richtige Pünkt azoge wird. Grad ganz am Afang, zum Bispiel, wo me us de Höhli usechunnt: Me chönnt zwar sofort links de Steilhang abe oder sogar d'Felswand ufechlättere, aber es isch absolut logisch, dass me als neue Spieler eifach mal am Wäg nahgaht und dänn trifft me unweigerlich uf de alti Mah (was im übrige es sehr schöns Zitat uf de alti Mah im allererschte Zelda isch, wo eim s'Schwärt gitt). Was im übrige au sehr beruhigend isch, will Nintendo vor es paar Jahr no komplett am Endlose-Tutorial-Wahnsinn verfalle gsi isch (Stichwort: Skyward Sword).

En Verglich mit em Witcher halt ich für nöd würklich sinnvoll. Witcher 3 hätt d'Mässlatte im World Building massiv ufegsetzt. Det hätt vor allem die stimmig und absolut logisch ufbauti Spielwält überzüügt ischlüüslich d'Quests, d'Charaktere, d'Dialög, usw.. S'Gameplay an sich isch aber wesentlich änger definiert und weniger offe gsi. Und genau bi dem Punkt setzt jetzt hingäge s'Zelda d'Mässlatte massiv ufe. Während bim Bethesda-Müll, de GTAs, usw. de Gameplay-Asatz "Da häsch e riesigi Spielwält; chasch alles drin mache, was wotsch; häve fön!" immer rächt beliebig, zämmehangslos und unmotiviert wirkt (und drum au schnäll langwiilig wird), chunnt mir das bim Zelda ganz anders ine. Da sind d'Designer nöd mit de "Eifach alles is Spiel ibaue, was halt irgendwie geil isch; egal öb's funktioniert oder nöd!"-Haltig dehinder, sondern händ jedi einzelni Spielmechanik klar durchdacht und au penibelst gnau implementiert. Nintendo halt.

Im Grund gno händ's die sehr improvisationslaschtigi Siite vom Open World-Gameplay gno und dänn aber konsequent bis uf 11 ufegschruubet. Das Spiel ermuetigt bzw. verlangt vom Spieler, dass er konsequent und möglichst immer improvisiert und z.T. völlig verruckti oder sogar komplett abwägigi Strategie usprobiert, aber - und das isch entscheidend - es belohnt de Spieler dänn au für eso Versüech. Bi de bisherige Open World-Spieli isch es ja dänn doch immer so gsi, dass Improvisation und abwägigi Ideeä oft nöd würklich zu bruchbare Resultat gfüehrt händ und me s'Spieli drum doch besser so gradlinig wie möglich gspielt hätt.

[zwirrlibatz]

Hetts ou Dungeons? Oder geisch eifach vo Shrine zu Shrine?

Shrines sind (bis jetz ömel) Puzzleminidungeons. Richtigi Dungeons häts glaubs gar nüm und das isch super. Finde Bumerang und lös den Dungeon damit gitts nöd. Isch ebe es anders Zelda.