Outlast 2

[Master(G)]

...holyshit, was für es chranks game!

aso ich han da tuusig mal meh kack ide hose als ime resident evil 7.... ich spieles mit chopfhörer, brutal sägi!
spielt das da keine?
muesch spiele, aber isch nüt für schwachi närve oder lüüt mit herzproblem

ultra-sick was da teils abgaht... in australie isch es gar verbotte


Quelle


PS4pro lieferd bi dem Spiel übrigens 60 fps
gseht au sehr suuber uus! grafisch sehr guet findi.

[thaeye]

gegeüber em 1 en scheiss, nur nah devoooseckle und fast nix meh verstecke (uuserdem fallt d orientierig sehr schwer amigs). chli meh jump scares. das isches gsi, grafisch natürli scho es grosses spürli besser. aber s 1 isch klar spielerisch überem 2 aziedle. in australie isches weg einere szene verbote und ja die isch happig (wobiii was isch das hützutags scho).

[Master(G)]

"en scheiss"

lol naja, super spiel findi. en scheiss isch z.b. homefront evolution oder barbies pferdefarm...

[thaeye]

im ernst spielerisch en huere rückschritt. aber du lasch dich halt gern vo grafik blende:). s 1 gspielt?

[Herr Rossi]

Aso zwüsche en Scheiss und schpilerisch e Rückschritt gits scho es paar Nuance...

[thaeye]

oh ja sorry s differenziere.

[Master(G)]

im ernst spielerisch en huere rückschritt. aber du lasch dich halt gern vo grafik blende:). s 1 gspielt?

ja, hett was. ich bin grafickhuere!

aber:

ich han Outlast und Wistleblower gspielt ja. verschlunge gar. händ mir beid äbe sehr sehr guet gfalle damals. en überraschigshit gsi teil 1. whistleblower isch ja praktisch nomal genau gliich gsi wie teil 1...
ich finds darum erfrischend, dass es bitzeli andersch isch als die zwei. . nomal sgliiche mit so verstecke und so wär bitz langwiilig und wenig kreativ gsi, meinsch ned?

nei nei, ich finds outlast 2 genau super so wies isch.

[Skeletor]

doch kein scheiss? Fake news?

[thaeye]

häsches scho dure? häsch nöd gmerkt das eigentlich nur seklisch s ganze game? d sequenze i de schuel sind super, de rest eher mau. jumpscares ok, aber das isch ja fängs au standart.

ok vo völligem scheiss zu mediokrem scheiss. besser?

[Master(G)]

nei du, das akzeptier ich ned!

nei, ich finds geil, würkli¨... chami dem spiel ned entzieh. ich chan aber au ned länger als 1 stund am stuck spiele, es isch huere intensiv und "asträngend"

ich finds hillbillysetting witzig. bin afe im chapter 2 vo 6. stirbe jenschtes, vor allem ide schuel huere scary shit dette.

wasi cool find isch, dass es viel meh psychos gitt und serie-typisch au es paar, wodi ned agriifed. im chornfäld, läck geil gsi dette mit de taschelampe. panik.
und de die im wald, wo chrüchet und wenn sie aluegsch bliibets stah.

es hett au viel gueti idee in sache hüenerhuut. ich han ja hunderti horror-film gseh und spiel gspielt und trotzdem überraschts mich immer wieder mal. tiptop.

abgseh vo dem, devoseckle isch doch nix negativs.

es schiint au sehr viel länger zsi als teil 1 oder whistleblower. gueti 8 stund seid mer. ich han sicher länger, will ich probier alles zfilme und dfiles zfinde.

bis jetzt isch es also es solids 8/10. es müesst rächt abgäh, dass ichs nume no durchschnitt würd finde glaub.

[thaeye]

8/10 isch hütige durchschnitt, vorallem bi dir:) aber ebe gschmackssach, wenn ichs mit em 1 vergliche leider uusert grafisch und em umfang es schlechters sequel.

kei mueh mit de orienterig um de weg amigs z finde?, muesch ja gnau inen pixel fast ineschlüffe demit amigs wiiterchunsch.

[Master(G)]

naja, ich bin scho kritischer worde mit de jahre... durchschnitt isch bi mier 6/10 (eigentlich wärs 5/10 aber ich bin en liebe und wills allne rächt mache) LOL

nei, problem hani nie gha, ussert ide schuel mal, wo nur eine vo 600 spinds offe gsi isch und mich das vieh verfolgt hett. bini gfühlt 20x gstorbe dette bis ich das gseh han. aber suscht tiptop. finds guet, dass es bitz offner isch und mer au mal meh sueche muess, wos dure gaht. besser als eifach korridore mit türe links und rechts wie in teil 1 und whistleblower...

jänu, gschäcker sind halt verschiede.

[zeromeier]

chan sowas nöd spiele.