[ZOMG] Twin Peaks chunnt wieder!

[Moff]

geschter wo?

[zwirrlibatz]

übrigens standesgemäss mit kafi und chriesichueche gluegt, de hani geschter sogar ohni z'überlegge (?) poschtet.

[Herr Rossi]

geschter wo?

Showtime

[Moff]

ja aber das lauft bi eus ja am morge?

[Herr Rossi]

ide nacht

[Moff]

achso, ha scho gmeint mer chas irgendwie am sunntig luege
gaht zB bi american gods, das chamer per app scho am sunntig morge die USA luege

[zwirrlibatz]

Was mich freut isch wie's de alti Vibe 100% hebt und wie's völlig mühelos nöd nume im 2017 ahcho isch, sondern grad wieder neuii Masstäb setzt, wänn nöd sogar die aktuell Seriemachart grad mal so mit eim Handwisch is Klo spüelt. Die händ da gar nöd ersch e Retroromantik ufzoge, drmits e Serie gitt wo me gärn hett wie e alti Jagge. Das isch jetz scho nach de erschte Doppelfolg grad wieder obenuse wie damals.

[BrainBug]

kann man showtime irgendwie ohne proxy und zeuchs in deutschland gucken?

[Moff]

de franz kafka hanged im lynch sim büro

es isch gnau da, wo ich mir vor 20 jahr vonere dritte season gwünscht hätti, puri black lodge, sogar all charaktere usserhalb verhaltet sich wie ide black lodge, es isch die voll dröhnig lynch ganz ohni de postmoderi mix us soap, romanze, slapstick etc. wo die serie so erfolgrich gmacht het. ich weiss ned wie das iets bide masse achunt, und öb ich nur uf das luscht han en ganzi staffle weissi ehrlich gseit au nanig. aber isch scho guet, isch guete lynch.

[zwirrlibatz]

yep er isch sowiit kompromisslos. wahrschiinli mit en grund gsi für die lämpe wo's im vorfeld gha händ. quasi "ich machs so wie ichs will oder chappeschiisse" und hett sich duregsetzt.

im cole sim büro au no das luschtige andere bild a de wand

folg 3, völlig dure. die erschte 20 minute gnadelosi k0nscht.

[The Sheep]

Gfallt mer sehr guet bis jetzt (Folg 1 und 2)
Isch 3 und 4 eigentlich en Leak gseh, oder gohts nächscht Wuche grad mit em 5 witer ?

[zwirrlibatz]

Donut disturb! Rolf

[The Sheep]

Twin Peaks Season 3 Ep. 1-4 (9/10)

Atmosphärisch super. Bin überrascht dasses an die zweiti Staffle aschliesst, wo sich damals ines surreals Chaos entwicklet het, wo glaubs niemert usserem Lynch je verstande het und schliesslich zur Absetzig vor Serie gfüehrt het. Und es goht im gliche Stil witer

Als Gegesatz zum Lynch sine kafkaesque Visione hani an der Originalserie au die kitschigi Soap gschätzt. Das chunnt in de bisherige Folge vor 3. Staffle bitz zchurz. Und d'Charaktere sind no stärcher überzeichnet. Damals händ ja scho alli irgendwo en Schuss gha. Aber jetzt, 25 Jahr später hetmer sGfühl dass die überhaupt nüm läbensfähig wäre usserhalb vonere Anstalt.

Super au de Soundtrack. Mit Chromatics schint der Lnych en würdige Ersatz für Julee Cruise gfunde zha. Au die andere Interprete gfalle.

[zwirrlibatz]

kitschsoap chunnt vilech wieder meh, aber ebe, dasmal regiert de lynch alli folge und säb flair damals händ evtl meh die andere reschissöre driibracht. er hett sich letschthin bitzeli kritisch über die atmosfärisch vielfalt vo folg zu folg güsseret.

[The Sheep]

Schad isch der Michael J. Anderson nüm debi. Aber nachdäm was er über de Lynch useglo het uf Facebook vor 2 Jahr, irgendwie verständlich dass er nid gfragt worde isch.

[BrainBug]

kann man showtime irgendwie ohne proxy und zeuchs in deutschland gucken?

ich wills eigentlich nid räubern

[PlanetHarrieR]

ja, sky ticket gibts in d grad einen monat für 1€ für neukunden.

grad zwei folgen gesehen, xychot gut rum sehr cool

[PlanetHarrieR]

Spunk ist ein angemessenes Salzlakritz zur Serie.

[Moff]

die staffle isch ganz krasse shit, wow

[PlanetHarrieR]

Bin jetzt auch bei der momentan vorletzten Folge angekommen. Sehr geil! Nur Cooper könnte endlich mal erlöst werden und wieder etwas eloquenter auftreten statt als wandelnde Kartoffel

[PlanetHarrieR]

lulz, episode 8 ist full on giraffler xD

[The Sheep]

Ep.9 wieder eini vo de bessere Folge

[Unseen]

S03 alles gseh bes jetze, eifach e Dream. Eifach Wahnsinn, episch: https://www.youtube.com/watch?v=UTSyWoNVEsA
Wie send S01 ond S02?

[zwirrlibatz]

Wie send S01 ond S02?

zwingend! würdisäge. aso wenn dir 03 scho gfallt ohni 1 & 2 zkenne...

[The Sheep]

schwierig zsage wenn Season 1 und Season 2 nid gseh hesch.
Ich han Season 3 so empfunde dass es dört afangt wo Season 2 ufghört het. Aber nid nur storymässig, sondern ebe au vo däm här:

Season 1 het als Kriminalfall agfange ime Kaff wo alli bitz en Schuss wäg hän, aber dennoch traut mer ine zue irgendwie läbensfähig zsi. Es het au gwüssi Soap Elemänt wo am Lynch sine Visione es bitz Bode gä händ. Der Effäkt het sich vor allem in Season 2 dütlich gsteigeret (und het schliesslich au zur Absetzig vor Serie gfüehrt). Irgendwie het der Lynch s'gschafft dassmer ihm für Season 3 völlig freii Hand losst. Und das schint er voll und ganz usgnutzt zha.

Ich finds grossartig, dassmer so öppis abgfahres im Färnseh chann gseh. Aber es würd mi nid wundere wenn das für längeri Zit s'letscht mal gseh isch wo en TV Sänder s'ok gä het zume Projäkt in dere Art. Es isch eifach jensits vo jeder Kommerzialitet was de Lynch us der dritte Staffle gmacht het.