the leftovers

[derinderinderinderin]

Houly shite, die Folg. Der Schluss

Warum d'Laurie zu de guilty remnant geit isch mir nid klar.

Mi nimmt am meischte Wunder was mit der Nora passiert, mir wüsse dank em Flash Forward dass sie niene häre geit.

[thaeye]

Houly shite, die Folg. Der Schluss

Warum d'Laurie zu de guilty remnant geit isch mir nid klar.

Mi nimmt am meischte Wunder was mit der Nora passiert, mir wüsse dank em Flash Forward dass sie niene häre geit.

scho sehr morbidi folg gsi. jede haet irgendswie de wunsch z sterbe scho immer i sich treit i dere serie, aber jede us andere gründ, i dere folg aber isches sehr dütlich worde (vom matt bis zum kevin bis laurie und nora) . bi de laurie ischs mir so inechoh das sie s erst mal kei wort meh gha haet füren patient und das haet halt de rest usglöst. chasch vill driinterpretiere, wie immer halt.

[The Sheep]

Episode 7

[thaeye]

international assasin II , aber patty eifach immer widr en gnuss. schizo isch er uf jede fall de kevin.

[The Sheep]

I finds stylisch und schön, aber ich han kei Ahnig was mir de Schriber möcht mitteile.
Und das macht mi es bitz hässig. Wil ich mir unsicher bin ob ich eifach zblöd bin de Plot zverstoh, oder obs gar nüt zverstoh git und die ganze Nerds wo jedi Folg als ganz grossi Kunscht fiere sälber kei Plan händ und sich eifach nur wichtig mache.

[thaeye]

es isch alles chli, das isches ja au bi lost gsi, weder fisch nah vogel. und das lat halt spekuliere. aber gmacht isch alles superguet und schön und es isch au sehr tüüf find ich. haet aber sicherlich au mitem würkli super guete soundtrack z tue. de cast isch au brilliant und die schnitt zum teil wie sie sache verschmeltzet, alles toll umgsetzt.

fürs finale gsehni clhi schwarz, wird wahrschiinlich richtig lost ga. aber isch mir egal, muess sege die 3 staffl sinds absolut wert gsi und isch en tolli reis gsi. nah ein folg.

[The Sheep]

ja, aber es chann ebe nur "tüüf" sie wenn unde öppis isch. Und da bin ich mir ebe nid so sicher.

Ich han damals LOST vergöttert und bin uf die gliche Symptom abgfahre. Wo bekannt worde isch dass LOST nüm witer fortgsetzt wird, het de Lindelof en Schluss anebrünzlet wo niemert für möglich ghalte het - aber nid wil er so genial gseh isch, sondern wil er Jahre vorhär scho vo Journalischte gfrogt worde isch, ob DAS s'grosse Gheimnis hinter LOST seg, und er het mit "nei" gantwortet!

Und leider isch de Schluss (mini Meinig) so saudumm profan und unwürdig dene Jahre gegenüber womer dr grosse Uflösig hinter LOST entgegegfieberet händ, dass ich mir gwünscht hätti es würdi en einmaligi Erfahrig blibe.

[thaeye]

ich chan verstah wemme bi ihm enttüscht wird, sött meh aber langsam auwüsse. was er aber sicherlich sehr guet macht ischs uszeichne vo de charaktere und halt au vorallem bi leftovers ihri abgründ und aber au ihri hoffnige. han das selte bimene seriemacher so guet gseh wo bi ihm, aber ich bin ja kein vollprofikritiker und gaff nur serie.

au gfallt mir halt die chli kontroverse theme woner aschnid wie bi leftovers de tod, religion-atheismus, suizid, kult und sini uswürkige etc. etc. das macht er find ich scho sehr guet und haet mich ab und zue dezue bracht, mal widr über sowas intensiver nahzdenke.

aber ja über sini art chame sicherlich au kontrovers diskutiere. gfallt sicherlich nöd jedem mit soviel fragezeiche zrugg zlah zwerde.

[derinderinderinderin]

#schwenisscanner

[grappagott]

[thaeye]

würkli vill penis i dere staffl.

god isch halt doch immer ume. findi also au nah spannend.

[The Sheep]

wow! Er hets tatsächlich gschafft die Serie so abzschliesse, dass i nid vor Wuet ins Sofa chönnt bisse wie damals bi Lost.
E03E08 (9.8/10)

[thaeye]

ich hans finale na vor mir, froi mich sehr! öpis vom beste wo je am tv glofe isch.

[derinderinderinderin]

Huere emotionali Folg. Guete Schluss, 1000x besser als Lost. Gäbet der Carrie Coon en Emmy.

[thaeye]

Gäbet der Carrie Coon en Emmy.

unbedingt, die wird eh bald abruume.

[thaeye]

nah chli truurig das es fertig isch aber ja schöns end gsi (nora und kevin) und d frag stellt sich halt generell was denket die uf de andere siiite? spannende asatz ala the others. was die serie usgmacht haet isch ihri ästethik und die gschicht wo immer widr um oisi menschlichi inneri zerrisseheit gat, find das alles sehr schön uf de punkt bracht.

wobiii eventuell lügt ja d nora au

[Herr Rossi]

Ich sett scho lang mal witerluege. So wie ihr schribed cha mi recht druf fröie =)

[derinderinderinderin]

Ig gloube nid dass d'Nora lügt.

[thaeye]

Ig gloube nid dass d'Nora lügt.

ich au nöd, aber trotzdem haet sie es paarmal chli "notlüge" lah liege lah. isch au chli ihres ding gsi.
sie haet ja im atombecki doch nah rasch luft gschnappt und chönt au sie das sie use isch und jetzt eifach en scheiss verzellt.

[derinderinderinderin]

Ig gloube nid dass d'Nora lügt.

ich au nöd, aber trotzdem haet sie es paarmal chli "notlüge" lah liege lah. isch au chli ihres ding gsi.

Jitze wos seisch...

[The Sheep]

machet mer das genaiel Ändi nid kaputt

Jedefalls stoht fescht dass es kei 4. Staffle wird gä.
http://www.christianpost.com/news/the-l ... ns-186638/" onclick="window.open(this.href);return false;