Während de Entwicklig hesch am Afang oft zviel Effekt und Objekt im Spiel. Wenns denn langsam gege s Endi vo de Entwicklig gat wird das alles optimiert demit s Spiel bi de Mindestaforderige stabil lauft. Psunders bi VR Projekt isch das wichtig. Wennt unter 90 FPS gheisch wird s Spiel unspielbar. Während dem Prozess wird jedes einzelne Frame analysiert...
Du gsesch, wo dasd no zviel Objekt hesch, wos zviel Effekt het, wo s Post Processing zviel Ressource verschlingt...oder churz gseit, du gsesch was d Framedrops verursacht. Bimene guete Spiel wird alles so igstellt, dases uf s Frame genau passt. Darum verschlingtmer während de Entwicklig oft me Ressource als letztendlich tatsächlich notwendig sind. Bimene normale Spiel chentmer no sege "egal, denn ruckleds halt"...aber in VR nervt das enorm wennt s Spiel all paar Minute muesch teste...