Black Mirror

[zwirrlibatz]

Mir isch no keis happy end ufgfalle.. Eu scho? Han aber nüm all Teil im Chopf

folge 1, 4 & 6 i de staffle 4.

[resuscitation]

letscht Episode gseh.. wirklich geili Serie.. hät mr mega guet gfalle.. hoffentlich gaht sie wiiter..

[Master(G)]

ok, ich has jetzt au agfange... und scho 8 episode glueget. mega, würkli! besser als 95% vo allne hollywoodfilme wo ich ide letschte jahr glueget han

[thaeye]

chunt dis hollywoodweichgspuelte hirni nah mit bi was aspruchsvollem mit inhalt?:) eifach immer wiiter like und chli instagramle. bald wird wechat in china als social engineering tool igsetzt. aber bösi amis! amis bös , trump bös, das isch s wichtigst momentan.

alles wird dir under em stichwort "convienence" verchauft, s ziel isch aber es anders.

[Master(G)]

es haltet mir - oder vielmeh eusere gsellschaft - de schwarzi spiegel vors gsicht! und es macht mir angst!

wunderbar! hütt lueg ich wiiter.

[resuscitation]

die zwei neuschte Episode sind au rächt starch

[Xinobrax2]

Ich fühl mich jedes Mal beschisse nachdemi e Folg glueget han


D Gsellschaftskritik isch super, aber jedi Folg endet im Sinn vo "find dich demit ab du Trottel".

[Jones]

isch ja o so... lol

[Xinobrax2]

Das mag so si, aber es stört mich i mim Luftschloss.

[thaeye]

den gasch halt hüt chli geg de trump/patriarchat/weste go demonstriere! chli luft ablah

in schwede gits scho en firma wo sich d mitarbeiter freiwillig en rfid chip ipflanzet, inehaue tuends die anere mitarbeiterparty wott den natürli au d getränk chasch über de chip bstelle und badge haet sich au grad erledigt, convenience. marketing macht das guet. "es wird alles eifacher" "spar ziit i de hektik vom alltag" blablablalla

[Moff]

isch doch als warnig denkt, denn bruchts am endi ned meh als das

[resuscitation]

Season 5: 3 Teil a jeweils ungfähr 70'

Hät mir persönlich nüm so guet gfalle. Chünt Eu nöd Mal genau säge, a was ich mich dänn gstört han. Möglicherwiis d'Längi.. mr chan nöd no gschnäll ä Episode luege, da scho fascht Spielfilmlängi.. Viellicht aber au, well d'Teil irgendwie nöd dä gliich Pepp händ, wie vorher E1 bis E4.

[Herr Rossi]

Ja d episodene in s5 sind zlang, sie hättet alli problemlos i 45 Minute chönne verzellt wärde. Mich hed de Aspekt au gstört. Inhaltlich hani si okay gfunde, aber au nid meh. Kei Wow Effekt meh wie I bisher gfühlte 10 episode.

[thaeye]

bitte wieder de brite geh, jetzt gats bergab. schad.

[Master(G)]

mit abstand schächtschist season bis jetzt... obwohl de writer isch doch immer no de gliich, ned?

[thaeye]

mit abstand schächtschist season bis jetzt... obwohl de writer isch doch immer no de gliich, ned?

han gmeint de brooker macht nömm so vill. chli supervision oder so. uf jede fall müll gsi, villz fröhlich.

[thaeye]

Quelle

[thaeye]

luege grad die erste 2 staffle widr, eifach nume guet gsi. öpis vom beste.

[Master(G)]

ah cool, endlich en neui staffle!

[thaeye]

Quelle

[Master(G)]

geil! endlich!