Leider viel zwenig sprachusgab. ich meinti, im erste teil hets meh sprachusgab gha. de erst teil isch super gsi weg de synchro, vorallem s tröpfli mit em osaka dialäkt. das het em spiel sehr viel charme geh, wo ich jez i dem usmass nonid wiedergfunde han. s charakter design isch aber wie im erste teil schön.
S spiel isch ganz anders wie de erst teil. di einzig gmeinsamkeit bis jez isch s land wo s spiel spielt, ni no kuni. d map isch aber nid di glich. susch schiints kei grossi gmeinsamkeite zha. kampfmodus isch ganz anders, nüme mit dene pokemon klon wo meh het chöne fange und ufelevle/entwickle. defür gits viel verschiedeni waffe, kampftechnike und möglichkeite, die z verbessere. meh chan für jede kampf spezifischi iistelige mache wie element-resistenz.
s game unterteilt sich eigentlich in 3 teil. normale storymodus wie im erste teil, vorallem viel erands wo meh vo a nach b rennt und en gegner besiege mues oder es item ergattere. denn gits so taktischi kämpf mit iiheite, wo meh wie im odama oder dene arcade charte spiel über d map bewegt und d gegner abemetzlet. denn gits no s königriich, wo meh lüüt awirbt (git über 100) wo denn en lade ufmachet wo meh sache kaufe oder ufelevle chan.
wie im erste teil laufts druf use, dass meh s spiel entweder gern het oder nach paar stund uf d siite leit, wills eim z langwillig isch. mir gfallts bis jez, obwohl d story nid an teil 1 anechunt. wird sich wohl au nümm ändere.
achja, krähdit
