KINECT

[damian]

Ich han s'erste mal es Kinect-tauglichs Zimmer und bin so endlich mal in "Gnuss" cho all dä Kinect-Shizzle z'teste. Da mini Reviews:

Kinect Adventures 8/10

4 Funktionierendi minispiel wo würkli Spass machet und recht vielsiitig sind. Schluchboot fahre mit uswiche und Sammle, Schieneparcour mit uswiche, Breakout/Squash, Löcher stopfe (höhö)... Leider hät mers dänn doch schnell gseh wills kei grafischi oder spielerischi steigerige git bi däne Spiel. Aber ganz guet.





Kinect Sports 1 & 2 8/10

Sportsammlig vo 10+ Spiel, nach em vorbild vom Wii Sports. Es hät durchuus gueti Spiel debi wo au funktionieret (Fuessball, Football Skifahre), vieles isch aber au chli verchrüplet. Defür häts en sehr grosse umfang.

[damian]

Fighters Uncaged 6/10

Es Prügelspiel nach em Schäre-Stei-Papier Prinzip. Es erchänt 70 verschiedeni Moves, di meiste devo relativ zueverlässig. S'spiel wär eigentli recht guet, aber sobalds komplexer wird, werdet d'moves nümm zueverlässig erchannt was es chli müesam macht. Aber d'stüürig funktioniert viel besser als i reviews behauptet, ich glaubs da isch später mal es update usecho. Grafik, Sprachusgab und Umfang isch recht mager.

[Reinforced]

kinedreck. It's officially dead!

[PlanetHarrieR]

ja, produktion wurde eingestellt. thank god

[damian]

nei würkli? kinect gits nümm?

[Buccaneer]

[damian]

[sirarthur]

wie isch das von Sega mit de Zombies? und Star Wars hätts doch auc Kinect geh. Han kei Kinect, finde so shizzle aber no guet, fuchtle und so, immersion...

[damian]

Fable Journey 9/10

En ernsthafte Versuech es Action-Adventure mit Kinect zmache. Es besteht hauptsächlich us 2 Spielmechanike:
Es Rännspiel wod Zügel hebsch zum dä Wage länke
En Lightgunshooter wod mit dä Händ magie würke chasch.
Zudem no diversi minispiel wie s'ross streichle, demits wieder gsund wird oder truhe öffne, Rätsel löse, etc.

Für en erste Versuech gar nöd schlecht. Ich dänke wänns devo Fortsetzige mit me zuesätzliche Spielmechanike gä het wärs wohl öppis genials worde. So ischs dänn doch chli eintönig mit dä Ziit, aber doch ganz guet.