Jetzt bini total erschlage abem Umfang vo dem Spiel. Es isch enorm gross! RIESIG! Nach 3 Stund chund afe de Titelbildschirm, die ganz erst Region isch quasi nur es Tutorial LOL.. Ich würd säge es hett durchuus Witcher 3-Dimensione. Und das isch au grads Stichwort: Es isch no meh "Witcher" als Origins. Sogar de Soundtrack erinneret starch a das Spiel.
Isch das schlächt, wills jetzt no weniger "AC" isch? Nei, ich find ned. Mer meuchlet ja immerno tonnewiis Lüüt, und das sogar jetzt no stylischer und no "flüssiger" dank em überarbeitete Kampfsystem mit besserem Chlättere und jeder Mängi Special-Moves.
Aus Riite isch besser, direkter.
Neu sind wieder Seeschlachte mit debi, usem Black Flag. Allerdings hetts im antike Griecheland no kei Kanone gäh, also isch alles bitz "Close-Quarter" mit Pfiil, Füür und Ramme. Mer chan sini Crew sälber zämestelle, Lüüt us de Spielwält rekrutiere. Mit em Vogel chamer Statuswärt vo de Gägner gseh, ähnlich wie im Metal Gear Phantom Pain und denn entscheide ob mer en will ufnäh. Denn darf mer en ned töde, sondern muess en KO schlah, de chamer en rekrutiere. Die fette Brocke händ spezielli Fähigkeite, wos Schiff verbesseret, wenn mer sie als Leutnand istellt. Bis zu 4 Leutnant chamer ha.
Natürl chamer sis Schiff wieder uflevle, verbessere.
Sie händ sich nomal bitz meh Müeh gäh als im Origins was die chliine Gschichte bi de Side-Quests agaht. Überhaupt findi dStory dasmal scho besser als ide letschte paar AC Games. Es gaht grob gseid um en Familieaglägeheit mit Twists und Turn und um dGründig vom Templer Orde.
Es gitt au wieder übernatürlichs und sci-fi mässigs.
Würd säge, dass Odyssey Ubisoft's grösschte und ambitioniertischte Game isch bisher und wer Origins guet gfunde hett, sött sich das unbedingt mal aluege.
Ähnlich wie Red Dead 2 wird mer das Spiel wohl au no ime Jahr spiele, es isch dermasse gross!
Grafisch findis sogar nomal es Stuck hübscher, was vor allem ade ächtziit Wulche lieht und de belüchtig dur die Wulche und Wätterbedingige. Wiitsiicht isch enorm und de HDR Effekt vorzüglich (gspielt uf ere Xbox One X uf 4k OLED TV)
![herzli :herzli:](./images/smilies/biggrinlove.gif)
scheisse isch eigentlich nur KI, die sind dumm wie Brot, aber egal...
![chchch :kicher:](./images/smilies/kicher.gif)
Geil, hämmer drüber gredt und ich han mini Mittagspause tot gschlage!
Wer spielts?