R.I.P. Fernseh-Antenne (DVB-T)

[damian]

Antänneempfang wird am 3. Juni abgschalte. Somit chammer nur no über Internetz oder Satellit Fernseh empfange. Die guet alt Zimmer oder Dachantenne gits somit nümm.

Ich weiss, ussert mir brucht das niemert, aber trotzdem schad. 100 Jahr lang hät mer überall i de CH chöne Fernseh empfange ohni es Abo zha oder sich mit Computerproblem umenand zschlah, das isch etz verbi

[Grisu]

Schad drum..

[geosnow]

min Gamegear lauft nümme. kei TV empfang meh.

[evo]

Scho chli schad. Andersits hani sit guet 3-4 johr glaub kei minute tv me gluegt. Usser irgendwelchi tv inhält häns uf youtube gschafft. Gits wirkli no lüt unter 40 wo sich s „normale“ tv programm gönne?

[Marco_in_motion]

Dokus luegi no gern, aber eifach dete hocke und das verdaue wo halt grad lauft, nei. Es chunnt ja nur no Trottelzüüg.

Next Top-Model: irgendere Fauz zueluege wiä sie brüelet will ihri Haar abgschnitte werded. 8/10 uf de Hässig-Skala.

Irgend es Land suecht irgend es Talent: De Severin Hügepüggel tanzt und singt aber sini Fründe hänfen nöd gseit wiä scheisse das er isch und d'Jury speuzt em is G'sicht.
8/10

Bachelor: 20 Fauz verliebed sich scho bevors de Typ überhsupt gseh händ. Jedi seit Gäld spillt kei Rolle.

Ich schlah drih / 10

[turntablism]

Arte / 3 sat / orf FTW
Rescht chasch lösche uf de senderlischte.

[evo]

Dokus luegi no gern, aber eifach dete hocke und das verdaue wo halt grad lauft, nei. Es chunnt ja nur no Trottelzüüg.

Next Top-Model: irgendere Fauz zueluege wiä sie brüelet will ihri Haar abgschnitte werded. 8/10 uf de Hässig-Skala.

Irgend es Land suecht irgend es Talent: De Severin Hügepüggel tanzt und singt aber sini Fründe hänfen nöd gseit wiä scheisse das er isch und d'Jury speuzt em is G'sicht.
8/10

Bachelor: 20 Fauz verliebed sich scho bevors de Typ überhsupt gseh händ. Jedi seit Gäld spillt kei Rolle.

Ich schlah drih / 10

Hässig-skala, mega

So promi klatsch news sin bi mir 11/10.

Bim topmodl und em suprstar hani chli hoffnig dass alles gscriptet isch und sich t protagoniste freiwillig zum aff mache für e chli kohle. Drum nur 7/10

[Marco_in_motion]

Ja promiklatsch macht au rasend, oder Teleshopping.
Und bösi Zunge behaupted dases bald mal Werbig gäh söll, wo mer nümme spuele chan.

Ich glaub nöd dass das gscripted isch, in tat und Wahrheit git's sehr vill wo ganz sehr fest (was mi au hässig macht) tumm sind ...und wart ab wänn diä wo ihres hauptsächliche Allg.-Wüsse us söttige Sendige ziehnd, mal erwachse sind und Chind i d'Wält stelled. Ich wird Eremit und ich schlah drih.
Nur scho wänni de Teenie-Lüt zuelose im Zug was diä so useblääbered (logisch nöd alli, aber d'Mehrheit). Chömmeds in Zug, null Körperspannig, gheied in Sitz wiä so Pläder und motzed dass de Chef hät welle dass mal ahständig d'Hose ufeziehnd bim schaffe. Und däzue macheds so Gangsta-Bewegige mit ihrne chrüpplige Cervelat-Strüss. Glaub mer, tumms Fernsehpprogramm erschafft tummi Lüüt.

[Herr Rossi]

Sich über Hartz4 TV ufrege macht mi hässig. Zitverschwenig

[damian]

hey, SRF isch guet. Hät hocgstehendi Informationssendige für alli. Und gueti Unterhaltig. Und Sport.

[mr.raw]

Arte / 3 sat / orf FTW
Rescht chasch lösche uf de senderlischte.

Ich loh no viel Deluxe Music laufe...

de Klassischi NBC vermiss i immer no sehr.
Giga und Jay Leno...beschti TV Zitt gsi.

[Xinobrax2]

hey, SRF isch guet. Hät hocgstehendi Informationssendige für alli. Und gueti Unterhaltig. Und Sport.

[Mastler(P)]

Ja promiklatsch macht au rasend, oder Teleshopping.

Quelle

[thaeye]

hey, SRF isch guet. Hät hocgstehendi Informationssendige für alli. Und gueti Unterhaltig. Und Sport.

hochstehendi informationssendige? wtf, wirsch vo ihne gsponsort?

[Xinobrax2]

SRF isch chli wie Schlager. 90% vo de Zielgruppe isch über 80i, alli klatsched zum gliche Takt, d Melodie chan jede miteme Funke Fantasie erahne und selbst de Text isch nach de erste Strophe bekannt.

So spontan falled mir nur 3 Sendige i wo mich im Jahr 2018 halbwegs interessiert hend. Eimal de Walter von Lucadou bi de Sternstunde...en Spuk Forscher...und obwohl ich sini Theorie für bescheuert halte het mich seb chli inspiriert und het hoffe la, dass d Redaktion au mal es paar Querchöpf is Studio holt...denn na de Steven Pinker, ebefalls bi de Sternstunde...und eimal het Kontext im Radio mal na de Markus Berger befragt.

S würklich trurige debi isch aber, dasmer zu dene 3 Theme/Persone innerhalb vo 30 Sekunde bessere Content im Netz findet wemer denach suecht...also WTF? Was genau isch d Dienstleistig vom SRF? Vom Lucadou chani mir ganzi Vorträg inezieh, vom Pinker ebefalls nebst em mehrstündige top Interview bim Joe Rogan....und de Berger het sowieso na zwei eigni Podcasts bim Nachtschatte Verlag. Bim SRF kriegi lediglich en abgspeckti Version devo nebst all dem andere Schrott wo si susch na so präsentiered. Die Filterblase womer im TV & Radio präsentiert kriegt isch genauso eng wie die uf Social Media. Ich glaube di Einzige wo das nonig gmerkt hend sind die wo das Zügs produziered und die wo sich das täglich ineziend...

[Moff]

Arena isch recht guet speziell abstimmigs arenene

[hitparade]

Oh scheisse... erscht jetz gsee... han im Graubünde grad vor Churzem bi 3 Hushällt e Sat-Schüssle für Astra installiert und de Lüüt gseit, dass d'Schwiizer ja eh über DVB-T chömed... jetz jetz lueget sie i d'Röhre ab em Summer.... und nomal zuesätzlichi Schüssle für Hotbird mit neuem Receiver und Sat-Charte choschtet dänn scho es paar Hundert Fränkli...
Sauerei, zmindescht ide Berggebiet söttets wiiterhin DVB-T abüüte.

[damian]

Ich glaub ebä dass das illegal isch das abzschalte. Will s'geltende gsetz gseht ganz klar verbreitig über antänne vor. Ich sött si aaklage...

[Mastler(P)]

mach.

[Avenger]

Oh scheisse... erscht jetz gsee... han im Graubünde grad vor Churzem bi 3 Hushällt e Sat-Schüssle für Astra installiert und de Lüüt gseit, dass d'Schwiizer ja eh über DVB-T chömed... jetz jetz lueget sie i d'Röhre ab em Summer.... und nomal zuesätzlichi Schüssle für Hotbird mit neuem Receiver und Sat-Charte choschtet dänn scho es paar Hundert Fränkli...
Sauerei, zmindescht ide Berggebiet söttets wiiterhin DVB-T abüüte.

De luege si nid über Astra? I dem Fall sött au e Doppel-LNB funktioniere, die liege ja praktisch näbenand. Aber e Sat-Karte für 50 Stutz müesse sie natürlich go poschte, über Satelit wirds Programm nur verschlüsslet übertreit.

Abschalte dörfe sies aber scho, wenn me sich die schöne Gsetzesartikel aluegt:

https://www.bakom.admin.ch/bakom/de/hom ... g-ssr.html" onclick="window.open(this.href);return false;

Art. 20 Drahtlose Verbreitung
1 Die Radioprogramme nach Artikel 16 werden wie folgt verbreitet:
a. über Digital Audio Broadcasting plus (DAB+): die ersten Programme und das Programm für die rätoromanische Sprachregion in der ganzen Schweiz,die übrigen Programme und die Regionaljournale mindestens in ihren Sprachregionen beziehungsweise in ihren Regionen;
b. über Satellit: mindestens die ersten Programme und das Programm für die
rätoromanische Sprachregion;
c. über Ultrakurzwellen (UKW) im Ausbaustand Ende 2018.
2 Die Fernsehprogramme nach Artikel 17 Absatz 1 werden wie folgt verbreitet:
a. über Digital Video Broadcasting – Terrestrial (DVB-T): in den jeweiligen Sprachregionen, wobei je ein Programm in der ganzen Schweiz verbreitet
wird;
b. über Satellit, in der Regel verschlüsselt.
3 Das Fernsehprogramm nach Artikel 17 Absatz 3 wird nach Möglichkeit über DVB-T und in der Regel unverschlüsselt über Satellit verbreitet.

Art. 42 Übergangsbestimmungen
Das Recht und die Pflicht der SRG, Fernsehprogramme gemäss nach Artikel 20 Absatz 2 Buchstabe a und Absatz 3 über DVB-T zu verbreiten, erlöschen spätestens am 31. Dezember 2019.

[damian]

ja nei, dä hani nöd gläse