Denk e Musha Aleste findsch i Japan sicher no zum gwünschte Priis oder zumindest für 150 Fr. Han i ja selber au gseh im Ator in Osaka.
Priis verhandle in Japan han i e nöd gmacht, für da het mis japanisch nöd glangt.
Und joa, da gib der aber sust scho recht. Teilwiis sind Priise eifach so hoch, dass die Games au eifach nie en Chäufer finde werdet. Vilicht gits au meh dummi als mer denkt wo die Priise au zahlet. Aber vieles bliebt scho relativ lang döte. Gseht mer ja au immer wieder, wemmer mal so verglichs fotene vo vor paar Jahr gseht und wa hützutags i de entsprechende Läde gseht.
I ha ja mal im Potato gfrögt, wa mer mir für s Elemental Gearbolt Assassin's Case zahle wör, wa ja s seltenste Game uf de PS1 wär, Priisvorschlag wär 100'000 Yen gsi, ha denn nur gseit, da wird glaub eher nix. Guet Assassin's Case isch natürli für Japaner au eher mässig interessant wils ja e US-Release isch, aber ha denkt probiere chamers ja mal.
Da mit de Repros isch halt immer so e Sach. Git eifach mittlerwili au viel sehr gueti und mer mue scho relativ guet luege. Eifach so e tüürs Game chaufe ohni sich da gnauer azluege isch mittlerwili au e eher schlechti Idee. Dass es gnueg Lüüt git wo ein mit Repros bschisse wönt, mumer ja niemertem erkläre.
Im Endeffekt, finde tut mer denk i alles irgendwie, s Problem isch nur, mer mue au i de richtige Ortschaft si. In Japan han i so viel Musha Alestes gseh und da für die 150 ischs günstige gsi, wo i gseh ha. Für e LSD bin i i diversi Läde gange, de einzig wo's gha het isch de Potato in Nagoya gsi und drum au extra döt here greist. Wobi i au so gar nöd vom Potato atue bi, abgseh vom ab und a chli mit de Automate spiele und LSD chaufe han i döte nix gmacht.