Ich liebe Nüss, sie sind en super Energie-Spänder und hend sehr viel wichtigi Närhstoff dinne wome brucht, usserdem sinds praktisch zum esse und (fasch) immer fein.
Mini Nüss-Top 5:
1. Pecannuss: Oder wie ig sie nenne, die "besseri" Baumnuss. Nid so grässlech bitter, und sogar no besseri Närhwert. Es isch vode Nährstoff her die wervollschti Nuss überhaupt, und isch sogar als Wältrum-Nahrig als ideal befunde worde. Gschmacklech hanni gwüssi Nüss no chli lieber, aber ihri perfekt abgstimmti Nährwert macht se zu mire Nr.1!
2. Cahewnuss: Ich liebe si. Super zum knabbere, leider sind gsalze 1000mal besser als nature..
3. Macadamianuss: Gschmacklech min. genau so geil wie d Cashew, wenn nid sogar no chli geiler. Leider bini liecht allergisch gäg se, bechume immer en liecht gschwulnigs Halszäpfli..
Wasmi vorallem geil dunkt bi dere Nuss, isch das nid jedi glich schmöckt, gwüssi schmöcke richtig fruchtig, während anderi widrum zimmlech neutral und dezänd schmöcked. 4. Pistache: Gschmacklech eini vode beschte Nüss übrhaupt. Leider ds vil Carbs, und au nur gsalze würklech guet. Super findi die usem Migros wo scho gschält sind.
5. Erdnuss: Klassiker. Super zum mampfe, au wenni mittlerwile zimmlech schnell mol gnueg devo han. Leider hani no nie ungsalzni gse ussert halt die unbehandlete, aber das ischmr denn doch ds blöd.
Gid natürlech no vil gueti, Mandle sin au super, aber au dört hani leider en liechti Allergie, bsunders bide ungschälte. Baumnuss chani nümm ha, das bittere Nachgschmäckli isch eifach zum chotze, au wes saugsund wäred.
Ajo, wer hed scho Paranuss gha? Und wo chame die chaufe? Suechi scho lenger und würdi sehr gern mal probiere!
