Legend of Zelda: Breath of the Wild

[XYBOT]

vor allem chasch en nöd bruuche zum schneller zu star fragment glange :typej:

für was isch denn de töff überhaupt? zum mats schredde?

[Herr Rossi]

Zum bim loading screen blöffe, suscht für nüt

[evo]

Gimmick, oder wemme no züg kompletiere wot am schluss kunt me mim döff nones birebizi schnäller durchd wält.
Mi dünkts aber eh chli fehlkonzipiert das dlc züg. Fast als wärs für lüt wos zum erschtemol game und eifach chli en starthilf wän mit de ganze extramaskene usw. Au s ufgladnige masterschwärt oder töff macht viel mehr sinn zums wärendem erste durespiele zhole als als post end content.

[Herr Rossi]

Gimmick, oder wemme no züg kompletiere wot am schluss kunt me mim döff nones birebizi schnäller durchd wält.
Mi dünkts aber eh chli fehlkonzipiert das dlc züg. Fast als wärs für lüt wos zum erschtemol game und eifach chli en starthilf wän mit de ganze extramaskene usw. Au s ufgladnige masterschwärt oder töff macht viel mehr sinn zums wärendem erste durespiele zhole als als post end content.

De Töff macht null Sinn, schneller bisch eher mit de Combo teleport und es guets Ross spawne. Die 12 bzw 13 zuesätzliche shrines vom dlc 2 findi aber ok als dlc an sich, s Hauptspil elei bietet schliesslich gnueg Inhalt. De dlc 1 isch doch eh nur für hc zocker.

[evo]

Wieauimmer. Wemmer en neue spielstand macht füegt sich de dlc imo besser ins spielgefüge ih als wemmer scho alles gmacht het unds eifach am schluss ahhängt.

[Herr Rossi]

Das hani nonig usprobiert, gseh bisher au no kei Sinn dehinder. Bi glii bi 200 Schtund und entdecke immer no Nöis

[Herr Rossi]

Krass wie mich das Schpil no immer motiviert und mir Fröid macht. Glii bi 250 Schtund und das ohni Farme. Mache mir jewils e Session woni irgendwo woni nonig gsii bi die 5 Lüchtmarker setze und bi nur zfuess underwegs. Es gid immer no Züg z entdecke und dank de fantastische Schpilmechanike nonstop fun.
Outfits chasch so praktisch vo elei uf maximum levle.

[Master(G)]

hätt ich damals bim switch-wechsel min save ned verlore (wills nintendo bis dett nonig anebracht hett mit de cloud-saves), de würd ich wohl au no spiele. aber nomal vo vore afange hett mi denn doch agurkt.... schad.

[evo]

Es isch ebbe scho massiv geil. 250h hani au versänkt.

[Mr. Heli]

han nomal neu agfange gha, da ich d DLC nonid gspielt han. jez bim Kamel aber wieder ufd siite gleit will viel anders dezwüsched cho isch. erste durchlauf isch au irgendwo 80-100h gsi.

[Reinforced]

ha fang ca 20h id WiiU Version investiert. fragt dich bi neubeginn grad mit dr Switch Version afah!?

[evo]

Us technischer sicht eigentlich nur nötig wenn unterwägs game wilsch. Glaub no birteniz besseri ladeziite.

[Herr Rossi]

So, de 3. Trial of de Sword endlich au gmacht. Hani irgendwie vergesse. Ich glaub itz isch gnueg, Korok Seeds hani alli wo sinnvoll sind (bis all Täsche uf Max sind).
Sidequests hani glaub all, mues de mol luege.
Guets Timing, Links Awakening chund ja scho I drü Wuche

[Gatchan]

ha geschtr ono mau agfange lohnt sechs dr DLC grad vo afang ah ds hole?

[Herr Rossi]

Ja, unbedingt!

[Gatchan]

de machi ds doch

[Gatchan]

Irgendwelche tipps zum DLC? (schüsch hani ds game schomau düre, aber itz komplett neue run)

[agestuffer]

Hey Gatchi... Wie laufts...
agestuffer

[Gatchan]

Hey Gatchi... Wie laufts...
agestuffer

Hey Pitsch.. super, dankä bi dir o?

[Gatchan]

Irgendwelche tipps zum DLC? (schüsch hani ds game schomau düre, aber itz komplett neue run)

Gibdr Müä! Grüner Zauberer ist es jetzt!

merci viu mau :typej:

[Ribit X Titan]

Ich versteh die Zelda-Jünger zwar nicht aber Nintendo hat Bünzli-Bonus, deswegen sitz ich mal mit geradem Yoga-Rücken hier und tue so als ob ich mich beteiligen würde.

[onion]

Brunz in the Wild

[Ribit X Titan]

So würde ichs nicht nennen, es ist schon ein gutes Game, allerdings hat es für mich nicht die nötige Komplexität und die typische Shounen-Zelda-Art die ich weniger mag.

[Herr Rossi]

Hesches gschpilt oder bisch eifach chli am trolle?

[Ribit X Titan]

Hat hier jemand etwas gefragt? Jesses nei...