android werbe blocker bi spieli ?

[turntablism]

hesch sicher au mal es gratis spieli fürs handy gladde. mit de ziit chunsch ja vögel über well nach all paar minute spile, werbig muesch luege :typej:

chammer das nöd irgendswie umgah / blockä ?

[Astroboy]

Me cha de Entwickler Gäud für ihri Arbeit zahle, we me ds Spieli guet fingt! Oft gö so d'Ads när weg. Komisch eigentlech, dä Zämehang.


*Oder: Handy roote und AdAway installiere.

[turntablism]

aso gaht das nur mit roote ?
ha grad usegfunde dass ich chan zahle und denn werbefrei bin

[Herr Rossi]

Flugmodus ine und guet isch

[Jones]

Richtigs ad free idR nur mit root... Je nach Spiel geits aber o, wenn eifach offline zocksch und de werde keni ads glade...

Gesendet von meinem EML-L29 mit Tapatalk

[turntablism]

Flugmodus ine und guet isch

offline zocksch und de werde keni ads glade

this is it

bi nümm so intelligent hani grad gmerkt :typej:

[Mastler(P)]

gitz eich uf androids wie im windows s host file, wo ich sitene und server blackliste bzw. is leere leite chönt?

ah und hey, dä turn hät mal en guete avatar. super!

[Astroboy]

gitz eich uf androids wie im windows s host file, wo ich sitene und server blackliste bzw. is leere leite chönt?

Ja, AdAway macht im Prinzip genau das. AdAway als App chasch aber nur nutze, we dis Handy grooted hesch.

[XYBOT]

chasch ja es raspi als adblocker neh, eifach all werbeserver sperre. pi-hole oder so.. isch denn eifach nur im heimnetzwerk

[fifi]

gitz eich uf androids wie im windows s host file, wo ich sitene und server blackliste bzw. is leere leite chönt?

ah und hey, dä turn hät mal en guete avatar. super!

da android ja linux isch sötts /etc/hosts sii per default, evtl händs aber bitzli eigeti struktur. prinzipiell ghört das aber is /etc directory.
e wiiteri möglichkeit wär vlt en pi mit pihole ufsetze. PiHole = Custom DNS Server mit blacklist. Muesch den halt ufem tel dns server neu istelle.

[feeshlee]

hät bi mir nur eis game dä wäg ufem händy gfunde und das isch pay-2-win - also kei werbig.

3 jahr vo mim läbe, will nöd pay mache wott