Wie Röhrefernses rechtig lagere...

[Genfer]

Salut,
Han am samschtig grad öpe 7 Röhrefernes kauft. Natürlich hani ned fel platz und han sie jetzt mol in mini garaschbox gschtellt.
Garaschebox isch im cheller, Wintertemperatur öpe 2-7 C°, im summer dänk öpe 15C°. Dä cheller isch eigentlich sösch troche.

Mini Frage?
Chönd die fernseh kabut go durchs lagere?

Wän ich im winter ä gamesession mach, raumtemperatur dänk öpe 22C°, + ich lon die Fernseh öpe 5 h laufe und nach dr sessions
ställ ich die fernseh weder in chäller, also zrug in 2-5 C°, chön die dän kondänzwasser entwickle?

S'glich im sommer, 5-6h im gamesessionraum bi öpe 30-35 ° und nachher in chäller bi öpe 15-20 C°

Märsi, gruess,
Genfer

[Tatsujin]

ja die chönd sicher kabbot gha. ich denk da mal in erschter linie a korrosion uf de platine, uuströchne vo elkos (wiel zwenig gebruucht und doch schochli älter), staub und anderi dräck ablagerige uf de platine, chäferli und spinne wo sich drin iimischte und bim aalah en churze verursache (R.I.P. chäferli etc.).

ich würds uf jedefall so guet wie möglich hermetrisch abschirme.

[O_O]

[agestuffer]

hermetrisch abschirme.

7 TV kauft - 100 Frengg
7 TV hermetisch abschrimä = 10000 Frengg!!!

7 Tage, 7 Köpfe!!!!

agestuffer

[Tatsujin]

[Genfer]

Jo, märci schomol för die erschte infos.

Eigentlich plant hani di fernseh so öbe 3-4 mal im johr zbruche, isch hold ned grad vel.
Ich chönts natürli in plastikfolie ipacke (hushaltsplastikrolle), isch hold dän glich weder ufwändiger wien i dänkt han!

Und dä temperaturunterschied vo äbe zbs. 25°C zu, sägemer mol extrem 3°, inerhalb vo 30 min? isch schlim?

[Genfer]

hermetrisch abschirme.

7 TV kauft - 100 Frengg
7 TV hermetisch abschrimä = 10000 Frengg!!!

7 Tage, 7 Köpfe!!!!

agestuffer

Hey, han 150.- eier zahlt und's häretisch abschirmä schiesst mi scho a, weiss nöd öbi
en anderi lösig fende, muess eifach saugünschtig si oder no besser gratis

[Astroboy]

Hey, han 150.- eier zahlt und's häretisch abschirmä

Besch en rächte Häretiker!

[h4xX0r]

(R.I.P. chäferli ).

OBERKARTOFFEL!

[SinGinSmith]

Schint bis jetzt de vernünftischti Vorschlag z si

[Reinforced]

es gitt immer meh scanline emulatore und d scaler wärdet besser... grad 7 Röhre Fernseh z lagere findi übertribe aber wenn so wosch ok!

So richtig oldschool feeling hesch äbe würkli nur mit röhre aber zocke fasch nur no mit xrgb.

[Genfer]

Röhrefernseh send hold günschtig. 7 fernsehs hani well ich en game klub wot grönde. Ide garasch box hani gnueg platz zom lagere (aber nur wän mer die sieche ned kabut gönd). En anderi lösig (gratis lagere) hani nonig. Alles anderi isch no ztür. Die andere wo au im klub wänd mitmache händ fascht kei platz dihei. In Genf es depot oder en rum zfinde (im hobbyzahlbareberich) isch paraktisch unmöglich. En kolleg wo warhämmer schbilt häd grad ä wonig gmitet für sin spilklub. Die send z'9te, jede zahlt 200.-. isch dän aber scho luxus, däför händs ihre friede!

[putzfrau]

wännds i folie iipacksch packsch au grad d'luftfüechtigkeit mit ii. das würi nid mache. problem mit kondenswasser häsch mee wännds vo de chälti a d'wärmi nimmsch. wännd das machsch wartisch am beschte es paar schtund, bis die füechtigkeit wieder trochnet isch und hänksch de fernsee erscht dänn an schtrom. vilicht eimal im jahr ufmache und de schtaub mit druckluft useblase. schtaub und füechtigkeit --> churzschluss. wännd no rauchsch um d'fernsee ume, muesch no hüffiger useputze. im aldi händs im momänt so bütel wo luftfüechtigkeit ufnähmed. chasch no soöpis zu de fernsee legge, dänn isch d'füechtigkeit im bütel.

[agestuffer]

Frühner het mini Muetter mal sonien Vakkummaschinä gha... HEsch chönä in Sack inäthue, denn es Röhrli inesteckä, luuuf uusugä und denn am Schluss so zueschweissä.... Hani amigs tonnäwiisä Huener und Hasäfleisch wo min Vater früher gha het vakumiert... Sauglatt isches gsii!!!! Ab und zu hani us Jux au no anders Züügs vakumiert.. En TV allerdings hani nid probiert...

De Michael Jackson het sonen Suurstoff Zält woner jetzt nümä brucht, dett bringsch glaubs 7 TV inä... Machsch mal es Mail as Managment!!

agestuffer

[Genfer]

problem mit kondenswasser häsch mee wännds vo de chälti a d'wärmi nimmsch.

Däne gäbtis im Winter kei Gamesessions...

[Schummelschumi]

muäschs eifach scho gnuäg früäh id wohnig ufenäh.

[Tatsujin]

De Michael Jackson het sonen Suurstoff Zält woner jetzt nümä brucht, dett bringsch glaubs 7 TV inä...

suurstoff = oxidation = unguet

[Genfer]

muäschs eifach scho gnuäg früäh id wohnig ufenäh.

Ich game dän aber ned ide wonig! Ich werd jewils s'quartier hus miete. Drum chani d'fernsehs ned scho 3-4 stund im vorus
aufstelle. Mol luege öb ich en anderi lösig fende. Teil fernseh send dänk öpe 40-50 kg liecht.

[geosnow]

chasch alli in chübel rüehre. SLG3000 und upscanner und LCD 19'. Fair und liecht.

[Genfer]

chasch alli in chübel rüehre. SLG3000 und upscanner und LCD 19'. Fair und liecht.

...isch z'tür...

[damian]

lcds händ scheiss farbe, weiss jede. -> au mit scanlines kei ächti alternative...

ich würd gar nöd zviel überlege, sondern eifach wänn eine kabutt gaht en neue chaufe, chost ja eh nüt...