Welchen Film oder welche Serie hast du gerade gesehen?

[Buccaneer]

Dredd, 2012: 8/10
Visuell und kompositorisch mega guet. Geile Cyberpunk-Vibe. Schauspieler super, Charaktere kreativ. dWält, wo etabliert worde isch, isch glaubwürdig und hätt Potential für wiiteri Film innerhalb devo. Super underhaltsam.

de isch würkli uhuere super! De Karl hed sicher Gsichtsmuskelkater gha. Immer sonoe Lätsch müesse zieh. Aber Kosequent durezoge!
Als hetti er gad ine Zitrone bisse...

[Doraemon]

Auso die erschte 2 wod hesch gluegt, bi däne häti o ghufe luege. Finge the Hidden (nur ds 1!) eine vo de beschte B-Movies wosi je hei gmacht. Mir gfaut die handgmachti Action, der Humor, und der Kyle McLachlan (vo Twin Peaks & Desperate Housewives) aus usserirdisches FBI, es chunnt sogar no chlei Buddy-Movie Stimmig uf.
Bim Leviathan bini bider, us däm hät si me chönne mache, ungerhautet aber OK und paar Effekte si ganz nett.
Dredd isch o fasch soguet wie d Stallone Version. Aber bi de angere 2 wäri när heigange

[Vyse]

Dä Gsichtsmuskelkater-Dude, er isch soo guet gsi im Film. Abkocht und mega grumpy. dDynmaik zw. ihm und siine Partnerin isch super gsi.

The Hidden trifft miin Humor überhaupt nöd, aber chann verstah, dass es bitz en Kultfilm isch.
Apropos The Abyss und "hätt me meh chönne mache": Underwater, 2020. Es isch zum Schreie. Sooooo viel Potential und alles händs versaut. sCreature Design, grossartig. Setdesign usw. alles beschtens aber sTempo isch viel z höch.

[thaeye]

the rain

zvill teenieproblem aber chame sich geh

[turntablism]

the rain

mama hät das au gluegt gha. ich nur zwei, drü folge.

[Mastler(P)]

ich find dä afang vo dä hidden so guet. fascht s einzige wo mer wükli bliebe isch vom film.

[turntablism]

ich find dä afang vo dä hidden so guet. fascht s einzige wo mer wükli bliebe isch vom film.

dä ?

Quelle

de film isch au so lala
s'1 isch au besser als s'2

[Mastler(P)]

Quelle ah jo

[Doraemon]

Eifach geil! Aber ig ha sowieso es Faible für so Filme mit Usserirdische, wo d Mönsche befalle. Body-Invasion. Abgseh vom unbestrittene König i däm Genre "Die Körperfresser kommen", empfihli no "The Borrower", wo ds Alien mönschlechi Chöpf brucht zum überläbe und sech die ufsetzt. Het paar ganz herrlech schwarzhumorigi Szene i dän Film!

[Mastler(P)]

ah cool, borrower känni nöd. luegi mal, danke.

ich hett susch nur eh trashigi empfelig:

Quelle s alien seid immer "i come in peace" bevor er eper umbringt.

[Doraemon]

Hehe ja dasch o e geile B-Klassiker! U vom Dolph luegi sowieso aues, dä gsehni eifach gern.

[Vyse]

Overlord, 2018. Wtf, das good shit

[abyss]

Quelle I‘m loving it...

[Mastler(P)]

dä chönti mal wieder luege. ewigs her.

[thaeye]

namal venom
8/10

[The Sheep]

Sicario (7.5/10)

[Jones]

dä chönti mal wieder luege. ewigs her.

sägs nid! sicher 20 jahr!

[Mastler(P)]

sägs nid! sicher 20 jahr!

chunt öppe anne.

[thaeye]

project power

3/10 scho widr pc müll. d obamas gstaltet glaubs fängs s ganze programm uf netflix de gummihandkampf s einzig luegbare.

[Vyse]

The Invitation 8/10

Ändlich mal en guete Film. Eigentlich rächt simpel und au eifach gmacht, es passiert gar nöd so viel aber dSpannig isch durchgehend und au so es latänts Gfühl vo Unwohlsii uufgrund dä bitz unstimmige, soziale Situatione. Me fühlt das Fluchtgfühl vo dä Hauptfigur richtig mit.

[Herr Rossi]

De hani au super gfunde, wenn mich au de Fokus uf de Hauptcharakter chli gstört het. Ich hätts guet gfunde chli meh über die andere z erfahre, drum isch mer ires Schicksal au eher egal gsii.

De John Carroll Lynch isch en!

[OlDirty]

Die neu Dokuserie übers Zocke uf Netflix. Eifach nur geil!

High Score 9/10


Quelle

[Reinforced]

EP 1+2 sind guet gsi, 3i eher mäh aber die 4 chönnt wieder guet wärde

[OlDirty]

Also wenn mir de gliech Film meined wo sich es paar Lüt zum Znacht treffed chämt dä vo mir höchstens 3/10 über. Hundslangwielig gsi

The Invitation 8/10

Ändlich mal en guete Film. Eigentlich rächt simpel und au eifach gmacht, es passiert gar nöd so viel aber dSpannig isch durchgehend und au so es latänts Gfühl vo Unwohlsii uufgrund dä bitz unstimmige, soziale Situatione. Me fühlt das Fluchtgfühl vo dä Hauptfigur richtig mit.

[Mastler(P)]

street fighter dä film 7/10 s letscht mal ih dä 90er im tv gse. ha dä trashig schlächt im sinn, debi isch er trashig guet. dä raúl isch grandios. cha sini szene immer wieder luege.
addams family & family values 7/10
bio dome 2/10 ich han en gar nüm fertig gluegt, was für en scheiss.