Was spielsch grad retrigs?

[Doraemon]

^^^ das hani düregschpiut, fingi no es cools Game. Das hani aus goof immer wöue choufe wägem Cover, aber die höchst mittumässigi Wertig ir VG het mi denn dervo abghaute.
Wichtig isch die richtigi uswahl und aordning vo de Töggle, und se ide Shops upgrade, für ihri Special Moves richtig chönne ds isetze. D Ressource ufboue und spare füre richti Moment, isch sogar biz strategisch.

Näbem Tetris 99 louft bi mir geng no R-Type Delta, chume iz fangs is 6. Level. Und am Tetris DX im Ultra Mode bini ono dran, die si da chlei am scorle im ne dütsche Forum. Isch aber hert, der eint isch fasch so guet wie ig

[Doraemon]

Viu Arcade gschpiut, vorauem Highscorejagd im Shienryu, aber mir si nid a üsi aute Scores härecho. Es mues wieder meh güebt wärde. Es isch so nes super Spiel findi.

und

California Speed fingi d Krönig vo däne ganze Midway Racer. Viu besser aus aui Cruising und San Francisco Rush, da d Level eifach fätze und d Musig super isch. Dür ne Computer dürefahre oder ufem Golfplatz Lüt überfahre und Golfwägeli umeschubse macht schono Spass, ha paar mau grinset.

Space Gun vo Taito aka Alien ohni Lizenz und sogar Predator ähnlechi Viecher chöme o vor. Fägt extrem mit de verschiedene Wäge und der ganz Splatter isch eifach toll. Da wirdi no lang freud ha a däm Spiel!

Tetris the Grandmaster 2 - schono hert isches, vorauem wes nüm längt zum d Stäb umdräie i da ganz höche Levels. Und ds Lock verhaute vo de Blöck isch am afang gwöhnigsbedürftig. Normal mode cleareni easy

U süsch no gschpiut: Ketsui bini (no) schlächt, Tetris (Atari), Dr. Mario (mit 1 Credit chani 1 Std. spile ) Raiden & R-Type

[turntablism]

geschter abig fasch e stund...

Quelle

[turntablism]

uf de pce - noned, nei

ha no welle disaster report spile aber das stürzt mer ab.

[Mr. Heli]

Tengai Makyou 2: Manji Maru PCE mini

wieder mal chli wiiter gspielt

[Doraemon]

Hehe Ring Rage Der Scheich isch der Bescht!


I spile im Moment Panzer General vo SSI uf der PSone. (Ufem 3DO isches aber o guet ) Polen hani scho eroberet und iz isch Norwegen dran bim Unternehmen Weserübung. Zum Gamer-Karma usgliche spili zwüschine ono Medal of Honor, ds erschte uf der PS.

[Doraemon]

Medal of honor uf der PSX düregmacht. Es isch auso immer no erstunlech guet! Vorauem d Stimmig chunt sensationell übere mit der Musig und was me im Hingergrund aues ghört. Erstunt bi i gsi dasses sehr eifach isch gsi, obwou i aus nümme gwüsst ha.
Aus nächstens machi äuä Alien Trilogy, blibe grad chlei bir PS. Panzer General bini o geng dran aber dasch es Spiel wo eim äuä ds ganze Läbe lang wird beschäftige.

[Mastler(P)]

ja di si no guet gsi, di erschte medals. has zwar jahre nach release ufm pc gspillt, aber no positiv ir erinnerig.

[turntablism]

schach (simple 2000 series /ps2) meingott bin ich schlächt :typej: 5 schnell partie gspillt und all verlore.

Shin Bakusou Dekotora Densetsu (ps2) ganz schöni levels. ich schnalls aber nöd ganz was da muesch mache...nur im windschatte vom gegner fahre ? und denn mit em geld din truck pimpe ? crazy japaner spiel.

the king of route 66. zersch chli enttüüscht aber nach paar levels fangts ah spass mache.

[zeromeier]

Geschtr mitm Kolleg no paar Schtund Gekirindan und RayForce ufm Outomat. Ganz vrgässä wiä schön RayForce eigäntläch isch.
Dr Kolleg wott itz ämu o ä Outomat

Jede will eine, niened gids aber eine. Seisch wenn eine hesch.

[damian]

Ds Gekirindan wird immr bessr wemäs zockt... am Afang ischs chli "komisch" abr nächr chunnts guät.

Ich finds ebä au chli unterbewertet. D'grafike sind extrem detailliert und abwechsligsriich. Isch halt eher simpel vom gameplay, aber alles sehr guet gmacht. Ich find die szene am geilste wo es schiff di andere schiff rammt und durchbricht.

[turntablism]

ich finds eigentlich au nöd schlecht aber de sound stört mi irgendswie. wenni's immerwider spiel uf score, denn löschts mer ab. :typej:

[damian]

als scoreshooter isches halt zu simpel. au dä sound isch eher simpel.
saturn version hät bessere sound.

[Doraemon]

Mir gfauts eigentlech ono guet, vorauem wüus chlei Toaplan Feeling het, abgseh vom töifere Schwierigkeitsgrad. Hebet mau öi scores ine.

[Doraemon]

Alien Trilogy (PSX) - Hani früecher bim Release kouft gha aber denn nie wüki viu gschpielt. Jetz mau agfange und am Afang isch d Motivation no nid so gross gsi. Zersch mau d buttons aständig mappe und d Helligkeit ufeschrube. Und siehe da uf ds mau hets mi packt. Het viu intressanti Secrets zum usefinge und ds Leveldesign isch spannend! Mues auso scho jedes Level paar mau spile bis me d Secrets kennt und dank däm gnue Health und Ammo het. Jetz bini ir letschte Episode im 2. Level, mues ds Gipfeli-förmige Rumschiff erforsche, das wo die erschte Facehuggers si härcho im Alien 1. Wobi vilech isches o das usem Prometheus, wär weiss?

Und näbebi wird no chlei gshooterlet:

Aldynes (PCE) - hani bis jetz immer überluegt gha, aber dasch ja sehr geil, cooli Waffe und geili Musig da chunnt stimmig uf. Da blibi mau dran bis der 1cc klappet. Und oha - dasch ja zimli mitem Priis ufe das Game.

Soldier Blade (PCE) - Hani ono nie 1cc gmacht, isch jetz o fällig.

[Doraemon]

Geschter no witer gmacht im Alien Trilogy. Huere siech isch das geil, es het mi scho lang ke Egoshooter me so packt wie das Wüu me mues d Levels wüki lehre kenne und d Secrets sueche und när o taktisch vorga dermit d Ammo längt und me nid umchunt, wes im ne Ruum mau 10 Alien Warriors ufs mau het. Chunnt richtig Doom Feeling uf. Chlei e spektakulärere Afang hät däm Game guet ta, denn hätis nämlech äuä scho früecher gschpiut. Mau luege ob is hüt fertig schaffe, es söt nümme mängs Level ha, bi irgendwo gäge Ändi.

[mr.raw]

Alien Trilogy isch würklich en geniale Shooter. Isch eis vo de wenige PSOne Games wo ich no ha. Exhumed gfallt mr ebbe au eso oder Loaded.

[Doraemon]

Freut mi dass das ono öper angers so gseht! Exhumed hani denn verpasst, aber wirdes iz de ono mau aspile. Bi grad chlei ufem PSX Ego Shooter Trip. Aber teu gfauemer gar nid. Alien Resurrection z. B. oder Star Trek Dark Forces. Da stüürt sech ja Ken‘s Labyrinth no besser. Wasi sicher no probiere de isch Disruptor. Aber iz hani grad mau wieder paar Switch Spili kouft, vilech chunnt da no öpis derzwüsche. Kennt öper Kemco RPG Omnibus? Hani mau blind kouft, gseht hingerdruf no amächelig us.

[turntablism]

ha de mini vmac installiert und gester bitz gspillt.

Quelle
vor allem widermal das...

mines.jpg (119.38 KiB) 5146 mal betrachtet

[mr.raw]

Was no sehr witzig isch...klar, isch nid retro, aber uff Retro gmacht... wär Gatto Roboto


Quelle

[Doraemon]

Soldier Blade chumi jetz mit 1 Credit bis is letschte Level. Sobaud i der Ändboss ha dürschout ischer dran. Huere guet das Game! I due de mi Score när itrage sobauds klappet het mit 1cc.

[mr.raw]

Soldier Blade chumi jetz mit 1 Credit bis is letschte Level. Sobaud i der Ändboss ha dürschout ischer dran. Huere guet das Game! I due de mi Score när itrage sobauds klappet het mit 1cc.

Wo Soldier Blade? PcEngine? Isch es Traumhafts Game!
Ich bi in dene Shooters hütte alles andere als guet. Früecher no anderscht gsi. Do ha i Silpheed mit 3 Läbe duure gmacht. Oder Thunderforce uff em MD. Es isch soooooo ab gange.
Guet, ganz es anders Genre zbs Oddworld. D Levels praktisch usswändig könne und bi nur duuregrönnt. Hütt???? vergiss es!

[Doraemon]

Jäh uf PC Engine. Isch e richtige Kracher. Und ach was, du wärsch sicher geng no guet, muesch eifach biz dranblibe. I probiere wägem Gameüberfluss hützutags glich immer no so ds tue aus hät me nur paar wenigi Games, wie früecher, und blibe dert dran bis is düre ha. So choste ig ds Game voll us, äbe wie früecher, und ersch denn merksch bi gwüsse Games dass sie gar nid so guet si und verchouft chöi wärde, oder o im Gägeteil, paari wo lang si blibe ligge enpuppe sech als Kracher. Ha so i de letschte 2 - 3 Jahr über 500 Games fertigzockt.

[Herr Rossi]

Passt evtl bis da ine...

Ha grad recht Fröid am Williams Monster Bash ufem Pinball FX3 uf de PS4. Min absolut Lieblings Pinball Automat ever.

[Doraemon]

Metal Slug Advance het ja nid mau wisses Bluet u o kener brönnende Soldate etc. ganz aus wäremer no bi Nintendo i de 80er Jahr. Das het mi denn scho chlei enttüscht. Derfür isch der Replay Value nid schlächt wägem Charte sammle. Aus i auem es OK Game für portabel.

Geschter im Soldier Blade hani bim Endboss bi sire letschte Stuefe no ds letschte Läbe verlore. Jetz weisi aber wani muen drugge und hüt abe ischer hoffentlech dran. Chume ohni es Läbe ds verlüre bis is letschte (Boss-)Level. Und dert kennis jetz oscho rächt guet sit geschter. Gli chanis abhäggle, aber das wirdi vorauem wäg der Musig immer wieder inetue zwüschine.