HDR

[derinderinderinderin]

Viellecht bini chli late to the party. Aber ha vor churzem God of War gspiut, zersch ohni und nächer mit HDR ufem OLED. Jesus Christ, es gseht us wie next Gen. imho definitv en game changer.

Wie gseht dirs?

[abyss]

Welcome to zhe Club! HDR isch immer, IMMER geilooor!!!

[Master(G)]

wär eigentlich en technik post, aber ja OLED und HDR isch dream-team
wobi es hängt au vom spiel ab, wie HDR implementiert isch.
bi viele remastered games wo ursprünglich kei HDR gha händ und nachträglich HDR hinzuegfüegt worde isch, gsehts meischtens gaggi us.
die ganze texture und farbe müend äbe scho mit HDR optimiert werde, dass de bescht effekt hesch.

aber ja, grad die neue triple-ä spiel sind natürli eh all HDR optimiert.

ah ja, nits vo dim TV spieled au no en rolle, obs HDR würkli guet übere chunt. je meh lüchtchraft dini tv hett, desto besser eigentlich!

die erschte LG OLEDs sind no bitz dunkel gsi, aber die neuere sind tiptop.

[Herr Rossi]

Shadow of the Colossus Remake uf de Pro, Le pr0N

[Master(G)]

stimmt, gitt natürli usnahme.


bim Crysis Remastered isch HDR z.b. schlächt. hani grad müesse deaktiviere...

[derinderinderinderin]

Mastler, wie gsehts mit HDR uf der nöie Box us?

[Master(G)]

inwiefern meinsch?
isch ja gliich wie uf de one x. also da hett sich jetzt nüt verbesseret oder verschlechtered...

[onion]

ha no nie hdr abgschalte zum vergliiche, evtl. mal mache.

ha en samsung qled 2018 grad de best gnoh dasi lang kene meh bruche.
han au lang überleit wäge oled aber mi dennoch füre samsung entschiede, warum weisi nüm.

[Master(G)]

wenns HDR schlecht implementiert isch, wirds bild meischtens zu dunkel. in dunkle bereich werdet denn details verschluckt/nöd sichtbar, wo eigentlich söttsch gseh.
denn hilfts au ned, helligkeit am TV ufezschruube, und das isch ja au ned de sinn vode sach. will suscht anderi, helli element wieder überlüchtet werdet.
darum hilft nur HDR deaktiviere.

ich han es paar settig spiel scho gha. erinner mich jetzt aber nur grad a crysis remastered, willi das erst grad chürzlich gspielt han. gseht ohni HDR viel besser us!


fazit: wenns gfühl hesch, sbild isch zdunkel mit HDR, denn a) HDR in-game settings prüefe/justiere oder wenn das ned hilft b) HDR deaktiviere.


HDR hett au en ifluss uf input-lag, also ziitspanne vom druck uf de button bis zur aktion ufem schirm. mit HDR isch de input-lag bi de meischte TVs grösser als ohni.
bim C9 isch de unterschied jetzt glücklicherwiis im 1-stellige ms-bereich. also ned würkli relevant.
aber ich han scho TVs gah, woni das extrem gmerkt han... wos 30-40ms unterschied gsi isch. was grad bi competitive spiel scho ifluss ha chan (shooter, racing games, fighting games).

huere philosophie das ganze

[Mastler(P)]

Welcome to zhe Club! HDR isch immer, IMMER geilooor!!!

ja voll. resi 2 remake hät guet usgseh. müsst mer mal s 3 holle.