FSC Holz

[meo]

http://www.fsc.org/

cha me das label ärnscht nä? ha nen rächt gunschtige Gartetisch gseh, aber weiss nit öb me dam label würkli cha vertrouä, isch me no rächt wichtig das es nit rägewald holz isch oder süsch holz wo i irgendwelche dubiosä kondtionä isch gfällt wordä.

[Acid]

Also öbs jetzt hundertprotzentig unproblematisch isch chani nid sägä (isch jo bi fascht alnä Labels wo eigentlich für guets stoh wänd so, dass do und det öpis halt evtl. doch nid so ufgohd), aber i dem Bereich isches glaub s Einzig Label womer würklich meh oder weniger chan ernscht neh. Also sicherer chasch glaub nur bi iheimischem Holz goh.

Edit: Oder richtig gseit, ich känn gar keis anders... und wen d Alternativä gar nid zertifizierts isch, gosch mit dem sicherlich de besser Wäg.

[Schummelschumi]

was isches dänn für holz? es chan ja iheimischs fsc-holz sii, oder ebe au urwald-fsc-holz ...

allgemein isch das label glaub scho vertrauenswürdig.

[meo]

es isch eukaliptus holz.

Chunnt gloubs meischtens us em asiatische rum

[damian]

aber i dem Bereich isches glaub s Einzig Label womer würklich meh oder weniger chan ernscht neh.

das hani ebä au gmeint...

[zwirrlibatz]

das cha me da ine frööge oder au de greenpeace husch es mail schicke.

[meo]

das cha me da ine frööge oder au de greenpeace husch es mail schicke.

gueti idee

[Acid]

Also de WWF isch voll debi wenns um FSC god... de WWF macht aber au no vil Kompromiss... vo dem her isch das au keis klars Stäitment.

[meo]

greenpeace find me chönns niä 100% bi holz us asiä wil me vo hie us nie würkli chönn säge was dört apssiert. FSC machi zwar kontrollä, aber diä sige eher sälte und meischtens wüssets t liferate ou wenn das isch... also nit würkli super. Isch nit würkli verwunderlech 260.- für en balontisch + 2 stüehl...

[zwirrlibatz]

tja, dänn halt en tisch us schwiizer zuchtbueche.