Soundstorm -- Update 3: Simplifiziertes Gamesplay ohni Schüsse

[damian]

Spiels da direkt im Browser:
https://soundstorm.uhx.ch



Updates ufgrund vo oirem feedback:

Revision 3:
- Komplett neus gameplay. Ohni schüsse, alles nur no mit em schild.
- Tutorial
- Ending und Gameoverscreen

Revision 2:
-Neuer Soundtrack in Level 1. Rythmus ist nun ein simpler 1-2 rythmus

Revision 1:
-Langsamere iistig mit erklärige
-Weniger und langsameri gegner -- weniger verwirrend
-Shield ladet schneller wieder uf
-Shield canclet nur no lüchtendi schüss


Quelle

Untertitel iischalte für erklärige.

Spiel chasch gratis im Browser spiele!

Uf YouTube finsch dä link derzue und meh:
https://www.youtube.com/watch?v=w-QY-Lihgqs" onclick="window.open(this.href);return false;

[The Sheep]

Im Link zur Website fählts 'd'

[damian]

Merci vielmal. Jetzt gahts.

[onion]

verchaufe das züg mit bötterfly-plüsch ir collector's

[damian]

Schön wärs

[The Sheep]

Findes es cools Spielprinzip. Allerdings hani Müeh, die Momänt womer d'Chugle chann shielde zfinde. Grad in de erschte Level wärs villicht nit schlächt, wenn das bitz eifacher wär, bzw wenn d'Musik eim da es bitz e besseri Hilf wär.

Bitz cooler wärs no mit Joystick zgame. Aber mit mim Arcade Joystick woni normalerwis für MAME verwänd, chunnt er nit zschlag. Chann keini Taschte mappe und im Hauptmenu laufet de Cursor eifach dure

[damian]

Findes es cools Spielprinzip. Allerdings hani Müeh, die Momänt womer d'Chugle chann shielde zfinde. Grad in de erschte Level wärs villicht nit schlächt, wenn das bitz eifacher wär, bzw wenn d'Musik eim da es bitz e besseri Hilf wär.

Bitz cooler wärs no mit Joystick zgame. Aber mit mim Arcade Joystick woni normalerwis für MAME verwänd, chunnt er nit zschlag. Chann keini Taschte mappe und im Hauptmenu laufet de Cursor eifach dure

Merci fürs feedback. Han au scho gmerkt dass für neu iistieger sehr schwierig isch d'musig zum sound z'mappe. Wirde denn irgendwänn mal sonen rythmus balke a la guitar hero uf d'siite tue. demit mer immer gnau gseht wänn weli farb blinke wird. Han aber kei ziit defür im moment.

Au weissi nonig so recht wie en eifache tutorial iistiegerlevel gaht. Han vorher es tutorial drin gha, das hät aber meh verwirrt als gnützt, drum hanis wieder usegno. Wänn ä gueti idee häsch: Just tell me!

Das mit em controller isch au chli müesam, di einte gönd di andere nöd. Zerst mal muesch en chnopf uf em gamepad drucke, bevor ers echänt. Das isch HTML sicherheitsding. D'achse sind scho automatisch gmapt, demit funzet vielei controller scho. Bi dä einte isch aber au öppis komisch. Das isch übrigens eine vo dä Gründ zu unity z'wechsle. Das gamecontroller zügs i brwoser isch total uneinheitlich und fehleraafällig.

Als notlösig chasch au Antimicro verwende, zum gamepad chnöpf uf tastatur z'mappe. Also das links = A isch und rechts = D usw...

[Marco_in_motion]

Schlüss mi am sheep ah aber han au no paar chllini Sache:

- Rächts dä Balke für Shield wo sich uffüllt, ich fänds geil wänn dä grösser wär und flashier - irgendwas macht wänner ufgfüllt isch. Han rächt vill z'früeh druckt und bin verreckt.
- Es Speed upgrade wär no cool, sowiä Läbe womer sammle chönnti.
- Bim erste Boss findi gseht mer tiptop wämmer d'Schüss shielde chan, de optischi Input hilft det mega.

Gsamthaft findi s'Spielkonzept au cool, jedoch isches für mich ahsträngend d'Music mittem shielde z'verbinde, villicht bini eifach nur tumm. Aber de Ziska Ballon isch herzig

[damian]

Merci

Das hani meistens scho vermuetet, aber guet wänns namal explizit schriibsch.

Ich glaube ich mues s'Leveldesign namal simplifiziere. Es isch im moment würkli no z'wenig iigängig.

Am liebste hetti en balke wie in guitar hero wo gsehsch wänn weli farb blinkt. Für das hani vorübergehend kei ziit.

Und irgend en effekt wänns shield wieder voll isch würds wohl mega bringe. Und au wänn immer chli alli farbe uf em bildschirm währet. Denn würds de rythmus wohl au besser iipräge.

Ich lueg mal dassis mal aapasse wänni ziit han.

Oiri feedbacks helfet mer mega.

[damian]

Han s'feedback mal versuecht umzsetze. Besser?

[The Sheep]

Es goht in die richtigi Richtig. Aber ich find de Afang immer no confusing. Jetzt gits zb gar kei Drums bide erschte Schüss.
Wichtig isch dass de Spieler vo Afang a es Gfühl fürs Spielprinzip bechunnt. Eifache klar definierte Takt. ufem erschte Schlag vom Takt en Bass drum, schüss flashed un denn isch alles klar.

Ach ja, und de Pilz Boss isch viel zu eifach. Ich dänk es brucht no Schüss wo sich überhaupt nit shielde lön. so dass bim Boss einersits muesch luege dass die shiledbare chasch wäg becho und bi de andere muesch uswiche. Aber kei Ahning. villicht isch das no zfrüeh bim erschte boss

Hesch scho öppis g'änderet wäg de unterstützte Joysticks? Falls nit, kei Stress. Ich bin uf XBox Joypad uimgschtiege. Damit isch scho die alt Version gloffe - wenn au nur mit default button belegig.

[damian]

Das isch immer sone frag mit dä schwierigkeit. Dä erst level sött eigentli nur derzue da si s'spielprinzip kännezlerne. Ich denke dä Pilzboss sött scho eifach si. Ev. chani no es paar flüge inetue, demits eim nöd langwilig wird debi...

Di erst musig isch verwirrend, will s'grüsch nöd mit em takt überein stimmt. ev. wär guet wänni nur eifach dä takt nimme und d'schüss abwechsligswis mappe. für das müesti d'musig aber no ändere...

finsch de 2. level intuitiver?


Gamepad isch alles bim alte. Grundsätzlich sötts ja mit allne pads funktioniere, aber es paar zicket ume. isch leider nüt woni so schnell behebe chan, will das müesti mit em entsprechende pad go debugge. Mit all dene browser ischs au nöd eifach. Mer merkt dass internetbrowser nöd für gamepads gmacht worde sind. Drum hani dä Link vom Antimicro ineta, wo s'pad chasch uf s'keyboard mappe. Mit dem söttet alli gamepads ga.

[damian]

Han dä Soundtrack im erste Level dur en viiieeeel simplere ersetzt.

So sötts iigängiger si alles...

[The Sheep]

Ich han s'Gfühl es ligt dra, dassmer d'Bassdrum chuum hört, und dass wäg der churze Frequänz zwische de Flashes nur sehr wenig Zit isch zum shielde. Jedefalls triff i jetzt am Afang prozentual no viel weniger als in de letschte zwei versione.

Möglicherwis bin ich au nit wirklich e gueti Referänz. Was sage denn anderi?

[damian]

hm, ok, mues mal chli umefräge. es isch sehr schnell jetzt, ev. wärs besser wänns viel langsamer wär.

frage: spielsch du bemani spiel, also so dance dance revolution, guitar hero, etc...

ich han recht lang brucht zums rythmusgfühl überzcho bi dä tanzspiel.

[The Sheep]

Nei Tanzspiel nit, aber Beat Saber im VR

[damian]

ok, denn häsch scho rythmusgfühl

ich tuens mal abchecke mit andere lüüt. isch halt extrem schwierig sones neus gameplay intuitiv zmache.

weiss selber nöd was dä optimal iistieg wär. vermuetli en simple 1-2 takt aber viiiieeeeel langsamer.

[damian]

PS. Welä browser benutzisch? Firefox hät Problem mit de Musik-Synronisation. Am beste isch Chrome oder Edge.

[The Sheep]

ich benutz Firefox. denn probieri mol Chrome

[damian]

Denn chöntis würkli (au) a dem liege. Mit Firefox macht er ganz komischi sache was s'ziitläse vom soundtrack aabelangt. Eine vo dä gründ wieso ich mues uf unity wächsle... Hans vorher grad uf firefox gspielt und s'gfühl gha, dass im 2. teil s'timing nümm stimmt. Dä 2. Level isch im Firefox komplett broken.

[damian]

Und? Namal probiert?

[The Sheep]

Ja, churz mit Chrome. Han aber keini grosse Unterschied festgstellt

[damian]

hm, ok. luegs denn namal aa.

[damian]

Hm, ich find es isch perfekt synchronisiert. Aber es isch chli schnell dasses ebä doch verwirrt.

Was findet di andere? Häts sust niemert probiert?

[Marco_in_motion]

Für mich isches immerno z'ahsträngend und diä Popup Erchlärige chani amigs nöd fertig läse bis sie wieder usbländed.
Ich han am Ahfang nöd checkt, das de ersti Act en Trainingslevel isch. Es fühlt sich für mich nöd wiä en shooter ah will ich mich so fest uf s'Audio konzentriere mues und was ich jettzt genau mache mues.
Villichts liihts au drah, dasi todmüed bin.