Anbernic Handhelds

[Master(G)]

merci @Mr. Raw für de Tipp. Sackstarch das Ding! Ha also megafreud, meh als a minere Switch


Quelle

[Herr Rossi]

Welcome to the club

[m.o.terra kaesi]

Gseht geil uus. Wenn mers jetzt no an TV chönnt hänke, dä wärs snon plus ultra!

[sirarthur]

Gseht nice us, aber es isch trotzdem öppe s'tuusigschte Grät wo die immer gliche alte Games emuliert, i zwei Wuche isches nur no Staubfänger...usserdem isch bi all dene Grät spötischtens bim Dreamcast Schluss...ich würd es kompaktes Emu Grät cool finde, wo au Playstation 2, Saturn etc. ohni Problem abspielt, aber für das bruchsch immer no en PC oder evtl. e Xbox Series X/S...

[m.o.terra kaesi]

Wieso gnau loht sich eigentli es n64 oder Saturn schlechter emuliere als en 128-bit konsole?!

[sirarthur]

komplexeri Hardware, bim Saturn muäsch z.B. die verschiedene Zusatzchips emuliere, drum isch de DC und PSX eifacher. Bis zu den PSX und zum Teil sogar N64 chasch ja ufeme Snes Mini emuliere. PS2 ghat bis jetzt nur ufeme PC würkli guet, uf de Xbox Series X sölls au ga, aber da hani nüt meh ghört, ob dött d'entwicklig wiitergaht...

[Master(G)]

Wieso gnau loht sich eigentli es n64 oder Saturn schlechter emuliere als en 128-bit konsole?!

es vorgängermodell vo dem hett en hdmi out! isch aber leider bitz schwächer uf de brust. öppis für an tv hani ja. min pc

[Master(G)]

sfalsche quotet :facepalm:

[LuiStyle]

Weg dem Video hani gad luscht uf Ridge Racer übercho
S‘Grät isch sicher guet

[m.o.terra kaesi]

Loht sech das alles eigentli ned au grad so guet mitme ghackte SWITCH mache?
De hani grad de TV Ahschloss dezue + Wireless Multiplayer!

[Master(G)]

sött gah. doch. ich hacke halt originalgrät ned gern. aso eigentlich nie. xD plus ha i da bim rg351 grad en aleitig gha und alles. weniger ghetto.

[mastercello]

Gseht witzig us!

Hed öpper en PowKiddy RGB10 Max?

[Master(G)]

PowKiddy isch qualitativ ned so das was mer so ghört. da spielt Anbernic scho inere andere liga.

Ich finds Alu-Ghüüs so geil

[Herr Rossi]

D Sticks, s Chnöpf und s Digipad sind au fantastisch. D Schultertaste sind s einzige Manko findi, aber super hends 4.

Findes die perfekt Grössi für 8 und 16 bit stuff. PS, DC & neuer schpili eh ufem TV. Einzig GTA & GTA London machi underwägs.

De metallig isch nice, mir hed aber de wiissi P besser gfalle.

[onion]

sind all "The Legend of Heroes: Trails in the Sky" vor PSP druff?

Die wetti wieder spiele. Würs denn grad chaufe.

[Master(G)]

PSP games sind keini druff, au kei Dreamcast und Atomiswave... die han ich all selber druuf gspitzt, zäme mit eme neue Betriebssystem (ARKos).

für PSP games würd ich de RG351 aber ned empfehle. PSP games laufed ned suuber, da müesst en schnellere chipsatz ane. vielleicht ime Nachfolgermodell...

[onion]

ok merci für good info

[m.o.terra kaesi]

Wasch schätzt mer so goht a Leischtig verlore bim Emuliere? 40%?
Technisch mösst das Teil do jo enere PSP überläge si.

[Reinforced]

PS Vita FTW wobi dört lauft N64 au nid

[Master(G)]

n64 isch es riese problem. scheiss system architektur

[Master(G)]

Wasch schätzt mer so goht a Leischtig verlore bim Emuliere? 40%?
Technisch mösst das Teil do jo enere PSP überläge si.

ja hochhuus überläge sogar!

aber lieht äbe ned nur ade leischtig... da spielet huere viel faktore mit. äbe: systemarchitektur.

dc und psx sind viel nöcher am pc, atomiswave und naomi au. drum laufed die au problemlos.
xbox au...

xbox 360 brucht eifach meh power, suscht würde die emus au guet laufe.

und saturn, das isch au sones "n64" problem. de hett eifach au en saublödi systemarchitektur. darum gitts dette au kei gueti emus.

[LuiStyle]

So han jetzt über din link ändlich eine bstellt! Hoffe nur das er au dä weg zu mir find, han en chline seich gmacht bi dä bstellig :typej: sött jetzt aber klärt sie

Ä grösserI SD Karte hani det aber nöd bstellt

Ich hoffe das mir da chli support bechunnt, falls nöd alles klappt zums Betriebsystem installiere.

[Master(G)]

ja sicher, fragsch mi. mir chönt au über discord video-chat mache oder so, ha sicher mal ziit

[LuiStyle]

Ich glaub dä wird bi mir nie bi mir acho nach dem mail woni gad vorher becho han.

[Herr Rossi]

Ich glaub dä wird bi mir nie bi mir acho nach dem mail woni gad vorher becho han.

Nid.so kryptisch bitte. Was hesch gmacht?