Was spielsch grad retrigs?

[turntablism]

geschter hollywood poker 1 (winuae)

@terrakaesi
de zweiti vo links uf dim 2te föteli heisst nöd zuefällig richard ?

[m.o.terra kaesi]

@terrakaesi
de zweiti vo links uf dim 2te föteli heisst nöd zuefällig richard ?

Nope

[LuiStyle]

Dragon Crystal, nach gfühlti 24 Jahr endlich fertig gschafft! Ufem RG351m ohni speicherfunktion ufem GameGear unmöglich zum schaffe!

Ich finds immerno es guets rouge-like Game ufem GameGear

[joe_higashi]

last bronx - ps2 ...fetzt huere ine...scho ewigs nuem gamet gha
motor storm arctic edge - ps2..macht genau soviel laune wie uf d psp damals..hans am we zum erschte mal uf d ps2 gspielt fuer e längeri ziet..top
resident evil - code verionica x - ps2...krass, wie schwierig das isch..hans noed schwer in erinnerig gha

[Doraemon]

@Mr. Heli: Freut mi dass der ds mahjong gfaue het. Stimmt, me cha d Steine o ufe Tisch chlepfe, aber das hani o nid usegfunge was es bringt, ussert me Realismus. Muesch de luege, we de iz es normals Mahjong spielsch denn fehlt der ds Bschisse grad

I bi geng no chlei am Mega Drive spile. Geschter fertig worde mit Sorcerer Kingdom. Bitz es komisches RPG gsi. Viu Mechanisme wo nid zämepasse und zum Teil o nid richtig usgfüehrt si. Aber glich hets no Spass gmacht für 1x.

Itz bini dran am Sword of Vermilion und das gfaut mer guet, abgse dervo dass es sehr, sehr langsam isch. Evtl. wächsleni de när uf Emu zum witerspile, de chame chlei spuele.

[turntablism]

maniac mansion (amiga) scho zweimal müse afange. es dritts mal spiel ichs aber glaub nüm. lueg defür es longplayvideo

[m.o.terra kaesi]

Das do esch glaubs sbescht Topic ever im Gforum. Bsonders wenn er no öpis zu de Games schriibet

[turntablism]

Point n click hani ja paar gspillt gha aber MM nie.
Es macht wider mal spass sowas spile, flashback, aber ehrlich gseit hani nümm so vill geduld wie früehner. Bin denn schnell mal am lösige sueche im netz. Früehner häsch das eifach us heftli gno und vo fründe i de schuel etc. Zum glück gitz no so files online. Zum bispiel de code für d stahl türe. Eine hät die ganze blätter ufeglade sektion 3, h 15, code =........ wenns nöd original häsch und kei crackti version, wärsch schnell am arsch.
Bim another world bruchsch au sone tabelle.
Classic kopierschutz
MM isch lässig aber wo ich zwei karakter im keller gha han und denn gmerkt han dass ich mindestens zwei karakter bruch zum e türe ufmache und wider vo vorn afang, häts mi grad agschisse. Savestate hani au nöd gmacht :typej:

Anyway geils genre. Herusfordernd und retrig.

Min senf derzue. Bi nöd so guet im senf schriibe.

[Mastler(P)]

Savestate hani au nöd gmacht :typej:

big mistake

[joe_higashi]

die einzige wuerkli point and click games womer immerna wuer ghae waer indiana jones and the fate of atlantis, snatcher, blazing dragons, policenauts...det het eifach alles gstumme...uf d ps1 hani damals s baphomets fluch fascht usm fenschter gworfe..hans unbedingt welle fertig spiele ohni lösigshilfe..aber han den schnell d luscht dra verlore..isches kools genre..aber bruchsch viel geduld.

ich wuer gern chli meh games im stil vo secret of evermore game..aber bin ueberhaupt kein rpg fan..respektive hani fruehner gamet woni na viel ziet gha han

[Mastler(P)]

vom blazing dragons artstyle chrieg ich wand of gamelon flashbacks.


was isch den geil ah dem game?

ich wür vorallem bitz spöters vo lucas (indy atlantis, curse vo monkey island) wieder mal iehebe.

[joe_higashi]

mitm blazing dragons verbindi e gueti ziet, han das mitm nachbar jewils am mittwuch namittag gspielt nach oder vor d winning eleven sessions ..isch noed es top game aber ebe..mittwuch namittag bonus

monkey island isch natuerli au top...geile style und gueti story..

[m.o.terra kaesi]

die einzige wuerkli point and click games womer immerna wuer ghae waer indiana jones and the fate of atlantis, snatcher, blazing dragons, policenauts...det het eifach alles gstumme...

wörd i onderschriibe. Indiana han vor öppe 7 Johr s'lätscht mol dorezockt ond esch fasch genau so guet gsi wie s'erscht mol!
be mer ernschthaft am öberläge d'fan-translation ofem Saturn vo POLICENAUTS z'hole. Jetzt grad nochli meh, wo du findsch, es sig of augehöchi mit Indiana.

[mr.raw]

Lettscht Sunntig Kings Quest 4 gspielt. Has chli anderscht in erinnerig kha. Vor allem ha ichs nid checket, dass me gwüssi Rätsel nur in de Nacht kha löse.
Sam & Max isch isch drfür um einiges lockerer gsi. Ha no vieles vo damals gwüsst kha. De Humor isch halt scho grandios. Wenns am Wucheändi wieder beschisses Wätter isch, denn kunnt einisch meh mis lieblings Game Monkey Island dra.
De Indi ha ich leider nie zocket.

[Mastler(P)]

wenn monkey island geil findsch, muesch scho mal es indi game wenigstens azocke
beid seriene sind eigentlich im gliche zitruhm gstarted. bim indi isch eifach früehner schluss gsi.

gitz nöd dä läderjagge witz au im ne monkey island?

[joe_higashi]

@m.o.terra kaesi
policenauts isch wienen sehr guete sci-fi film..went uf sowas stahsch isches was vom beschte wo je usecho isch..zeichnige sind super schoen und d atmosphaere einzigartig..als tipp wueri na d lösige usdrucke..went noed witer chunsch, dasd chasch luege..will d spielfluss macht einiges us..went stunde mit umherirre verbrate tuesch nervts..muesches choene gnuesse

[m.o.terra kaesi]

@m.o.terra kaesi
policenauts isch wienen sehr guete sci-fi film..went uf sowas stahsch isches was vom beschte wo je usecho isch..zeichnige sind super schoen und d atmosphaere einzigartig..als tipp wueri na d lösige usdrucke..went noed witer chunsch, dasd chasch luege..will d spielfluss macht einiges us..went stunde mit umherirre verbrate tuesch nervts..muesches choene gnuesse

geil. ech hol mers. esch jo au dräcksbillige reprint!
https://www.retrorepro.games/product/se ... h-patched/

[LuiStyle]

Per zuefall bi mine Eltere gfunde und ä Rundi zockt
Kei ahnig wie dä Game & Watch clone heisst aber han gueti kindheit mit dem verbracht

[damian]

@m.o.terra kaesi
policenauts isch wienen sehr guete sci-fi film..went uf sowas stahsch isches was vom beschte wo je usecho isch..zeichnige sind super schoen und d atmosphaere einzigartig..als tipp wueri na d lösige usdrucke..went noed witer chunsch, dasd chasch luege..will d spielfluss macht einiges us..went stunde mit umherirre verbrate tuesch nervts..muesches choene gnuesse

geil. ech hol mers. esch jo au dräcksbillige reprint!
https://www.retrorepro.games/product/se ... h-patched/

han au det bstellt.

d'qualität isch aber scho nöd so guet. d'labels sind mit tapes drufkläbet (kei selbstchlänendi labels oder direkt print). d'cds sind schlecht brennt, bi grandia hani immer wieder läsefehler gha, d'druckqualität isch au scheisse. ussertdem bruchsch en umboute saturn wo brennti cds liest. aber ja, er lieferet und d'spiel funktionieret. priis findi au ok.

[m.o.terra kaesi]

Tönt chli scheisse. Mit Replay pro Modul langet nöd?

[sirarthur]

verstahn ich jetzt echt nöd, wieso ihr 30 Stutz für brännti CD-Rs usgäbed. Aber easy. De Saturn chan Backups auch mitem Pseudosaturn vomene Action Replay abspiele, isch für Backups die eifachscht Methode.

[m.o.terra kaesi]

verstahn ich jetzt echt nöd, wieso ihr 30 Stutz für brännti CD-Rs usgäbed. Aber easy. De Saturn chan Backups auch mitem Pseudosaturn vomene Action Replay abspiele, isch für Backups die eifachscht Methode.

Grund 1: policenauts english patched ohni Ufwand för mech. Kä loscht zom shit downloade geschweige bis de kack de lauft.
Grund 2: kä Budget ha, aber trotzdem of Originalhardware wälle zocke. (Ond kä loscht ha zom shit downloade)
Grund 3: Saturn games gehts ned emuliert. Dromm häd er i sim Shop au 70% SAT Games.

[sirarthur]

ok, de Download vo dem Game ghat hütt no höchschtens es paar Minute, bränne chasch uf jedem PC. Saturn Emulatore gitts eigentlich scho. SSF isch scho vor Jahre sehr guet gsii, mittlerwile gitts au Android Emu. Aber Emulatore sind e anderi Gschicht, verstahn i scho. Ich mein für de Priis müstets en Reprint abüüte wo prässt isch und nöd eifach CD-R Kopie und ohni Mod lauft.

[m.o.terra kaesi]

ok, de Download vo dem Game ghat hütt no höchschtens es paar Minute, bränne chasch uf jedem PC. Saturn Emulatore gitts eigentlich scho. SSF isch scho vor Jahre sehr guet gsii, mittlerwile gitts au Android Emu. Aber Emulatore sind e anderi Gschicht, verstahn i scho. Ich mein für de Priis müstets en Reprint abüüte wo prässt isch und nöd eifach CD-R Kopie und ohni Mod lauft.

jo. geb ich der rächt. ha jetzt mol bschtellt. wenns wörkli sonen dräck esch, wirdi nömm bi ihm ond er wird au nid alt mit dämm Business.

[geosnow]

FFVII uf em Switch mit 3x.