Region Locked

[Mr. Heli]

Es topic für spiel wo nur in einere oder zwei regione usecho sind. Also z.B. PAL und NTSC U/C release aber nid z japan. Oder NTSC/J only usw.

Was kenned ihr da guets verteilt über all konsole?

Ha jez erst grad d schlümpfe, lucky luke und asterix games füre SNES PAL kauft, da die z japan nid usecho sind.

[sirarthur]

Battle Gear 3 und Initial D Special Stage, PS2 NTSC/J...absolut geniali Race Games us de guet alte Ziit "easy to enjoy, hard to master", ah ja 60fps natürlich, isch uf de PS2 fascht scho Standard gsii.
das Topic wird aber evtl riesig...es gitt viel i dere richtig...ab PS3/Xbox 360 evtl. dänn chli weniger, aber 8-, 16, 32- Bit isch sehr viel nur NTSC/J und es gitt natürlich auch einiges wo nur Pal oder NTSC/U isch...

[rebornkid]

Geils Topic:
Suechi gueti MD Games wo uf PAL noed usecho sind.
Z.B: Elemental Master, Golden Axe 3, etc.

Was gits da no fuer geils Zueg?

[m.o.terra kaesi]

Fasch alli PCE CD Games...es sind nämli nur 40 vo 380 i de USA usecho. In Europa gar käs

[damian]

Geils Topic:
Suechi gueti MD Games wo uf PAL noed usecho sind.
Z.B: Elemental Master, Golden Axe 3, etc.

Was gits da no fuer geils Zueg?

MUSHA Aleste
Pulseman
Twinkle Tale
Panorama Cotton
Thunderforce 3 (bi eus isch eifach d'US Version mit enere druckte dütsche aaleitig vetriebe worde)

[Mr. Heli]

MD:
Battle Mania 1 + 2

[Mr. Heli]

Panorama Cotton

Ischs guet?

[damian]

Ich find scho. Isch halt sehr speziell wills en 3d shooter isch. Aber echt beiidruckend was si mit diverse tricks alles für 3d wälte anebracht händ. isch ganz ohni extra chips und so...

[mr.raw]

Boah, do gitts TONNENWEISE wo so region Locked sinn.
Ellei scho bim MD gitts wahnsinnig vieli. Ich ha jo mol vor kha MD Games z sammle, aber bi dere Masse müesse uffgäh (wobii de Reiz ehrlich gseit wieder voll vorhande isch)

Pulseman wär jetzt eis wo mr grad dure Kopf tuet schiesse.
Au no Witzig: WORMS hetts zbs. nur Pal gäh.

[Mr. Heli]

Initial D Special Stage

du bisch ja glaubs fan vode serie, oder? kennsch di andere konsole umsetzige? wenn ja, isch das beste. ich has z japan am automat gliebt, au wenn ich nid würklich guet gsi bin. han immer no die punktecharte irgendwo umeligge.

[Mr. Heli]

Fasch alli PCE CD Games...es sind nämli nur 40 vo 380 i de USA usecho. In Europa gar käs

ja isch klar, ich glaubs d NTSC/J only kennt meh no eher als games wo nume PAL oder NTSC U/C usecho sind.

[Mr. Heli]

Geils Topic:
Suechi gueti MD Games wo uf PAL noed usecho sind.
Z.B: Elemental Master, Golden Axe 3, etc.

Was gits da no fuer geils Zueg?

da chönd dir de geosnow und marco in motion wohl am meiste empfehle. die sind sega fan boys. ich bi halt meh ufdr nintendo schine.

[rebornkid]

[joe_higashi]

Battle Gear 3 und Initial D Special Stage, PS2 NTSC/J...absolut geniali Race Games us de guet alte Ziit "easy to enjoy, hard to master", ah ja 60fps natürlich, isch uf de PS2 fascht scho Standard gsii.
das Topic wird aber evtl riesig...es gitt viel i dere richtig...ab PS3/Xbox 360 evtl. dänn chli weniger, aber 8-, 16, 32- Bit isch sehr viel nur NTSC/J und es gitt natürlich auch einiges wo nur Pal oder NTSC/U isch...

so isches. battle gear 2 spieli au na oft..geile arcade racer..

[Grisu]

MUSHA Aleste
Pulseman
Twinkle Tale
Panorama Cotton
Thunderforce 3 (bi eus isch eifach d'US Version mit enere druckte dütsche aaleitig vetriebe worde)

Die beide sind auno guet..

Monsterworld 4
Arcus Odyssey

[Panther]

Ui do gits sehr viel...so sopontan,

NES
Kickmaster (Nur US)
Arkista's Ring (Nur US)
Flintstones 2 (Nur US)

Gameboy
Balloon Kid (Kei JP, nur als Nintendo Power)
Joe and Mac (Kei JP)
Flintstones (Kei JP)
Skate or Die (Kei JP)
Bettlejuice (Kei JP)
Kid Icarus (Kei JP)

Mega Drive
Tiny Toons (Kei JP)
Joe and Mac (Kei JP)
Mega Turrican (Kei JP)
Flink (Kei JP)

SNES
Parodius (Kei US)
Terranigma (Kei US)

Sowieso extrem viel JP only uf em SNES, Rendering Ranger, Cotton 100%, Melfand Stories...die ganze RPG's...

[DeftOne]

Wils grad aktuell isch da s Sequel erschiene isch. für Playstation 1 wär no Brigandine. Au no viel anderi JRPG's wie Thousand Arms, Dragon Quest 7, Threads of Fate chamer no dezue zähle. Git natürli au sust no massig games wo nur i de USA und Japan erschiene sind, aber nöd be üs.

SNES gäbs no Sonic Blastman 2, aber nimm mal a, dass da a sich nöd so s empfehlenswertest wär. Earthbound, Chrono Trigger (wobi das durch de DS Port sich erledigt het).

N64 wär no Bomberman Second Attack und Ogre Battle

Mega Drive nenn i jetzt nur Warsong, denk da gits meh als gnueg, wo da meh grad ifallt spontan.

Viel gueti Games wäret natürli au no die vo Working Designs. Elemental Gearbolt, Thunder Force V, Magic Knight Rayearth, Lunar 1 + 2, Arc the Lad Collection, Popful Mail.

[sirarthur]

Initial D Special Stage

du bisch ja glaubs fan vode serie, oder? kennsch di andere konsole umsetzige? wenn ja, isch das beste. ich has z japan am automat gliebt, au wenn ich nid würklich guet gsi bin. han immer no die punktecharte irgendwo umeligge.

Vo Initial D bini scho chli Fan, isch halt rächt en guete Arcade Racer, wo leider bi eus zwenig bekannt isch, kunschtück isch ja au kei Version im Pal/US erschiene. Leider isch Inital D Extreme Stage uf de PS3 chli entüschend, es isch Umsetzig vo Initial D Arcade Stage 4 und das gilt als de schlechtischti Teil vo de Serie. Zum Glück chasch hütt alli Teil ufem PC entweder emuliere (Demul)oder miteme PC Arcade Loader (Teknoparrot) game. Ab em 5 sind Initial D Games wieder super, sehr umfangrich und im Detail au unterschiedlich. De Umfang vo Teil 7, 8 etc. würd locker für es Konsoleumsetzig lange, isch aber nie passiert. Die Initial D Games uf Saturn und PSX sind ok, aber Initial D Special Stage isch definitiv s'bescht us dere Ära, wills e sehr gueti Arcadeumsetzig isch. Meh sötts aber unbedingt miteme guete Lenkrad spiele, susch isch nur halbe Fu. Battle Gear 2 und 3 sind au sehr guete Arcade Umsetzige und sind für mich genial zum Drifte, s'4 hätt zwar en riesie Umfang a Strecke etc. isch aber vo den Physik irgenwie so richtig Gran Turismo driftet. Immer no guet, aber bitzt troche...han alli Driftracer uf de PS2 mal gha, aber die meischte sind scho eher so Budgetproduktione...es hätt füt obskuri Racer es guets Forum gäh, rolling-start.com, isch leider siit es paar Mönat down, aber evtl. chamer no irgendwie druf zuegriffe. Sind am Schluss nur no e handvoll Nutzer weltwiit gsii, aber sind sehr viil unbekannti Race Games beschriebe gsii...
ah ja, was au nur in JP gäh hätt isch Rally de Africa und Rally de Europe, isch en guete Sega Rally Clone für PSX...

[joe_higashi]

ufm saturn fallt mer grad na s hissatsu i..japan exclusiv..wo na laune macht..simpel aber kool. s deep fear isch glaubs pal exclusiv gsi..git jedoch e us version mit 60hz..wo nie released worde isch..jedoch chamer di fix fertig version abelade.

[DeftOne]

Wenn du Deep Fear erwähnsch, dörf mer natürli au nöd D2 vergesse, wo in Europa nöd usecho isch aber i de USA und Japan. Japan het aber ohnehin au relativ viel exklusivi Horror Games. Yuuyami Doori, Mad Panic Coaster mal no so als Bispiel für Playstation 1.

[m.o.terra kaesi]

wie nöch a Resi 2 chond Deep Fear änne wenn Resi es 10ni wär?

[joe_higashi]

max. 7

[Mastler(P)]

wie nöch a Resi 2 chond Deep Fear änne wenn Resi es 10ni wär?

ich has nie fertig gspillt, aber 6-7?