Was spielsch grad retrigs?

[m.o.terra kaesi]

So, jetzt äntli weder mol zom Game ond Züügs teschte cho. Mitem FADE zäme.

Tower of Rubble - Atari 2600
Genau so cool, wini ghofft han. Wird a minere nächschte Game Night sicher en Hit werde. Schnell ond eifach eis zocke mitteme Maximum a Fun. Nor söttis no en "pass through" option ha för d'Spielfigure im 2-Player. Wertung: 9/10

Policenauts - Saturn (Englisch Hack)
Wau, es stimmt tatsächlich, de Higashi im Forum häd rächt gha. Policenauts esch immer no absolut unterhaltend als "cinematisches Epos" obwohl scho bald 30 Johr alt (cha mer vo mängem SF Film ned säge). d'Musig esch geil, d'Grafik, de Stil, d'Story... esch halt Point'n Click ond det getz halt paar Abzög wo halt typisch sind: es geht Paterns wo mer muss genau nocheklicke, damit de Abschnitt wiiter goht. Dasch mängisch ätzend ziitfrässend ond au ned logisch uufbout. Ond Chorz findis eigentli au no: Händ die erscht Disc schnell dore gha. No 2 Discs chömid no. Froi mi druuf! Wertig: 8/10

div. Fussball Games:
Fifa 2008 - PS2: scheissgame, viel zkompliziert, amel för en rasche Zock. Schlächti Übersicht. Bestimmt au im Multiplayer en Mischt. Wertig 3/10
PES 2006 - PS2: grad omgekehrt. Sehr geil. Super Grafik au im 2021 no. Im 2-Player sehr intuitiv. 8-Player Option! Super balanced mit Offsides, Outs, Goalie-Anteil, Schiri sehr balanced im Ihsatz. Wertig 7/10
Fifa 2001 - PS2: komisch, finde d'Ps1 Version besser, cha au ned säge werom. Grafik sehr schlecht för PS2, logisch zo däm Ziiitponkt. Wertig 5/10
Fifa 2001 - PS1: zemlich balanced, 8-Player Option! Wertig 6/10
Fifa 2000 - PS1: Esch de Höheponkt vo de PS1 gsi fuessballmässig. Im Multiplayer anere Game Night bisher s'Balanced game womer je gschpillt händ osserhalb vo de 16-Bit Ära. Nor d'Musig goht of d'Nerve (Robbie Williams), aber die chamer zom Glöck abstelle. D'Grafik os höttiger Sicht notürli Augechräbs, aber häd kä Ihfloss of de Fun. Wertig: 8/10

[Fade]

Yeah! Policenauts esch en Öberraschig gsi, chilligi Sach för en Obe, froimi au of desi beide Discs!

Thunderforce V hesch vergässe! Crazy schnell, denn lieber s'4i, händ zwar geschter ned eso bess kha …

[m.o.terra kaesi]

Stimmt...
Thunderforce 5 - Saturn:
Esch es solids Game. Typisch betz zschwerig wie immer bi de Technosoft shooters, mängisch fasch betzt zu onöbersichtlich, aber grafisch beihdrockend... s4i bliibt au min alltime favorite.
Wertung: 7-8/10

[Doraemon]

^^^ Thunderfoce 5 fingi näbem 3 ds eifachste vo aune TF. Mit der richtige Waffe isches scho fasch zu easy. Aber wie immer bi Technosoft isch der Istig zersch hert.

Ig spile immer no Dark Souls Remastered uf der Switch. NG+ hani gschafft, gli gits es NG++, aber zersch machi no e run miteme Sorcerer. Aui säge das sig der easy mode, aber mi tünkts viu schwieriger aus mitm Warrior

U zwüschine gits no e rundi Arcade. Immer no Shienryu, dert schaffis iz bis is letschte Level und i ha der 1cc vor Ouge Süsch ono gspielt hani Growl, R-Type Leo, Parodius und Raiden. Ds R-Type Leo gfaut mer auso no guet o wes nid es typisches R-Type isch. Grafik fingi fantastisch guet u spielerisch isches o nid übel.

[joe_higashi]

@m.o.terra kaesi
schoen zum lese gsi, d erscht idruck zum policenauts woner gha hend ..git ja au viel wo gar nuet mit point&click afange choend und dadurch gar noed erscht in gnuss choemed vo dere perle. d parts wo d gun support zum isatz chund sind au frisch gmacht..und sganze setting spricht eim a oder halt gar noed. das merkt mer relativ schnell. wenns durre hesch und e saturn-gun hesch..chasch den namal chli ufm schuesstand zsau use la ..ps. na en tipp fuerd ps2, wenns nanig gamet hesch muesch dr mal s cold fear ghae..isch was womer guet au szweite chan game. mir hets damals sehr guet gfalle.

[m.o.terra kaesi]

@m.o.terra kaesi
schoen zum lese gsi, d erscht idruck zum policenauts woner gha hend ..git ja au viel wo gar nuet mit point&click afange choend und dadurch gar noed erscht in gnuss choemed vo dere perle. d parts wo d gun support zum isatz chund sind au frisch gmacht..und sganze setting spricht eim a oder halt gar noed. das merkt mer relativ schnell. wenns durre hesch und e saturn-gun hesch..chasch den namal chli ufm schuesstand zsau use la ..ps. na en tipp fuerd ps2, wenns nanig gamet hesch muesch dr mal s cold fear ghae..isch was womer guet au szweite chan game. mir hets damals sehr guet gfalle.

danke för de tipp.
en saturn gun hamer voräne extra au gholt gha. mer händ sogar zerscht ofem schüüsstand güebt. hämer fasch länger gschpillt als s'game sälber.
155 Pönkt bim "moving target"

Point & Click esch nie mis Lieblings-Genre gsi, aber zwöschedorre esch es scho geil. Zom chli abefahre und chille eschs eifach perfekt. Ech glaub, ech finde Policenauts sogar cooler als Snatcher.

[Fade]

Yeah! 155, even steven …

[Mr. Heli]

Ech glaub, ech finde Policenauts sogar cooler als Snatcher.

ich au, lueg eifach dass es de marco nöd gseht

[joe_higashi]

rechte revolverheld...guete score

[NRG]

Bomberman '93
Gradius (PC Engine)

[turntablism]

Giana sisters uf em amiga. Bis ich im ne level han obe dure welle (wie im super mario zu de 3 warp röhre) aber denn bini hange blibe well ich unlimited time igstellt han :typej:

Robocop 3, das isch mer aber schnell langwiilig worde.

Und schlussendlich widermal leisure suite larry. Ha scho ghüratet - spile no fertig wenn i wider ziit ha.

[turntablism]

C64
-Scarabaeus
-Wintergames
-Worldgames

[Mr. Heli]

Am wucheend gspielt:

Tiny Toons SFC
Super Star Wars SFC, grad mal is zweite level
Ninja Warrios SFC, de endboss hani nüme packt

[Mr. Heli]

Need for Speed Hot Pursuit uf der Switch. I ha süsch nid gärn Rennspiel aber das het mi packt. Cooli Chäre und vorauem d Polizei Missione mache Spass! Fasch chlei Chase HQ Feeling Und d grafik fingi tiptop für Switch, i bruche gar nid me...

ha jez ps4 version am wucheend chli gspielt. es isch super, vode bulle abhaue oder mit de bulle jagd uf raser mache. mega. bin no recht am afang, aber d missione sind teils scho chli schwierig. vorallem bi de ziitrenne han ich immer nume bronze gholt.

zum teil find ich d streckene chli unübersichtlich. gseh vorallem ide nacht d strecki nid so guet resp. d reaktion isch z langsam. has gfühl bim teil 2 hani das besser im griff gha.

[Doraemon]

Ja gäu es isch erstunlech guet, aber je nach Level auso no knackig die Zite oder vordere Plätz ds erreiche. Aber meistens wenns eim unmüglech tüecht, fingt me no e Abchürzig irgendwo. Ämu i has recht lang gschpiut, aber weme när mau aues freigschaute het isches nüm so motivierend. Aber zwüschine machi schono e Rundi.
Für besseri Nachtsicht würdis uf der Switch (OLED) spile

[NRG]

Bare Knuckle
Final Fight (Arcade)

[turntablism]

Colecovision

-Tarzan -
-Pepper II - immer wider guet
-Boulder Dash - classic super game
-zaxxon - spill i am liebste uf dere console
-Looping - ganz tolli idee vom ne videogame shooter

[m.o.terra kaesi]

Colecovision

-Tarzan -
-Pepper II - immer wider guet
-Boulder Dash - classic super game
-zaxxon - spill i am liebste uf dere console
-Looping - ganz tolli idee vom ne videogame shooter

colecovision häd wohl chum öper gha do im forum. debi esch di konsole scho no geil.
grad BOULDER DASH gseht genau so cool uus wie ofem C64, wenn ned besser.

[turntablism]

Ja coleco isch lässig.

[damian]

Shining in the holy Ark -- Ich het nöd dänkt dass en dungeon crawler so guet chan si...

[Doraemon]

@hanf: Das woti uf jede Fau de o mau dürespile. Scho ds Shining in the Darkness uf MD isch meeega guet gsi. Hesch das o gschpiut? Genau so mues sone Dungeon Crawler si, ha gloub ca. 60 Std. denn gschpielt zum aues hole. Äuä fasch mis Lieblings RPG für Mega Drive.

[damian]

nei, muesi demfall au mal aaluege. gseht recht guet us. viel schneller als d'saturn version. det isch alles rächt langsam.

finde die 3d wält vom saturn no cool. es hät rächt viel wiitsicht. gwüssni dungeons sind wälder wo durd gebüsch duregsehsch. oder ebene. es fühlt sich teils scho fast wie es moderns first person rpg... ok, das isch etz übertriebe, aber es hät sehr gueti aasätz wo damals no neu gsi sind.

[Doraemon]

Ja d Langsamkeit isch leider bi viune 32-bit Ära RPG e grosse Kritikpunkt. Chrono Trigger würdi gern mau ono uf der PS dürespile, aber es isch sooo müehsam die huere Warterei. O wes bi jedem Kampf oder Special Move nur sehr churz isch, aber das stört der Flow extrem.

Check it out ds Shining in the darkness, dänke das wird dir o gfaue.

[Mr. Heli]

Mit Dungeon Crawler chani nüt afange, obwohl ich JRPGs oder au TRPGs liebe. es isch eifach langwielig durch katakombe laufe, oftmals sogar au ohni gschiedi charte. Shining in the Darkness uf MD het ich grad als NTSC/J z verchaufe.

[damian]

das hani ebä genau au dänkt. in shining the holy ark laufsch denn aber plötzli dur wälder, hüüser, fiedhöf, ebene, see wo alli spezielli element drin händ... au sind d'wäg nöd immer rechtwinklig und es git jensti dörfer zum bsueche oder rätsel zum löse etc... hät mi recht erstuunt...