esch corona esch problem

[Mastler(P)]

Fragsch füre kolleg gäu...

ich frög für dich, ja.

[abyss]

[Jones]

Fragsch füre kolleg gäu...

ich frög für dich, ja.

I ha gfragt ob füre kolleg fragsch...

[Avenger]

Schbannend

[Jones]

austria geit ab!
ungimpfti i lockdown..

alti fetti gimpfti hingege chöi a d'swingerparty gah...

wtf?? :typej:

[turntablism]

....und s schlimme isch, mer chan nix dergege mache.
schlechte Film.

Es Kafi und es Chrieg.

[Vyse]

Bin also geschter miini Eltere wieder mal go Bsueche. Uuf em Gründstück vor em Huus mehreri Plakat uuf dStrass uus richtet mit Oppositions-Sprüch. Dä Ahblick passt so absolut gar nöd ii das extremscht biedere Dörfli, wo jede es Vorzeigegärtli pflägt und so neutral wie möglich sich git. Irgendwie bini stolz uuf miini Eltere diesbezüglich, sind im höche Alter no voll zu Aktiviste worde.
Irgend e Nachbarin hät sogar es Plakat uusgrisse und mitgnoh, miini Mueter hät sie grad ertappt und zur Red gsellt.
Isch no interessant gsi, wie sie dänn iis Gspröch cho sind und miini Eltere ihre halt verzellt händ, wie sie i ihrem Läbe ächti Propaganda-Maschine under sowjetischem Iiflus erläbt händ und dass Durchschnittsschwiizer hützutags viel zu vertrauenseelig isch und dass es au wichtig wär dänne Ghör zschänke, wo würkli au Propaganda und Totalitarismus erläbt händ und mal härelose, was die dsäge händ usw.

[siralos]

@jones: gheit wohl mehr um die wiiter verbreitig....warum alt, fett, gimpft mehr mache darf. nid dass die gimpfti le corona nid wiiter verbreitet, aber i ne schwächeri form.


Quelle

de cartman ischne

[Vyse]

Wänn werdet jetzt genau all Massnahme uufghobe? Welli Bedingige müend erfüllt si? Was isch nötig, demit dä Bundesrat e verbindlichi Ussag diesbezüglch macht?
Mark my words: Iher gimpfte werdet bald i dä gliiche Situation si, wie mier ungimpfte. Eu Impfig wird irgendwänn ablaufe und eues Zertifikat wird ungültig si, dänn chönnt iehr eu entweder go teste (falls die Option nöd abgschafft wird) oder es wiitersmal go impfe lah. Das wird dä Normalzuestand werde!

Wieso bauets kei Erwiiterige bi dä Chrankehüüser für Corona-Patiente aber es riesige neus Gebäude für Impfstoffherstellig? Mier sind fucked, jetzt scho und iehr händ echt sGfühl, es wird irgendwänn wieder "normal" oder wie früehner? The lol, gar nüüt wird. Das isch es Trillione-Business, häsch sGfühl diini individuell Freiheit hät da no öppis zmälde?

[turntablism]

Ich schätze so im 25i wirds chli anders laufe

[Vyse]

Bis dänn sind all Mänsche psychisch broche, das heisst, ihne wird bis dänn eh alles scheissegal si, so machsch dMänsche eifach länkbar und hörig. Bis dänn mached all mit und dä Moneyprinter lauft uuf Hochtuure. Wie naiv chamme eigentlich si? (allg. gmeint, nöd uuf dich spezifisch bezogge).

[siralos]

Wieso bauets kei Erwiiterige bi dä Chrankehüüser für Corona-Patiente aber es riesige neus Gebäude für Impfstoffherstellig?

schwiiz het vor paar jahrene spitäler etc. abbaut, so vo wege choste, uslaschtig etc. nä isch corona cho und alli hei dumm drii gluegt. a spital irgendwo im kt. bärn wäri i a paar mönet zue gange, nä hei siis wiiter la loufe.

das problem liegt bii de spezialisierti pfleger. de maschtler wird jetzt cho und säge dass spitäler die pfleger wäge de fehlendi impfig entlasse het, das stimmt zum chline teil scho, aber vieli mache je job nüme, wöll es schlecht zahlt, gaggi schichtene het, körperlech anstrengend und extrem, stressig isch, jetzt erscht rächt.

pflegeheim vo de schwiigermuetter arbeite hauptsächlech alti omis, also alli zwisched 50 - 65 es het vereinzelt jungi um die 40gi. es fählt massiv a nachschub wo das o länger wei mache. schichtarbeit passt zu vielne nid i das familie läbe, scho gar nid wenns a nem fiirtage u wocheend mousch ga schaffe.

[Vyse]

Ich weiss, aber dänn Millione Staatsgälder verschlüüdere für riesigi Impfstoffchäuf und weiss dä Geier was suscht no alles.

Wieso nöd duur dä Staat es abgsägnets Spezial-Corona-Pflägeteam uufbaue, wo ahständig zahllt wird uus Staatskasse, 40-50 pro Stund als Ahreiz? Wieso nöd? Und falls zwenig Personal gäbt, en Intensivuusbildig ahbüüte, es halbs oder es Jahr (kei Ahnig, was da notwändig isch), i däm die Uusbildende nüüt anders als dä Umgang mit Corona-Patiänte lerned und ebbefalls ahständig entlöhnt werdet. Au saktuelle Pflägepersonal chönnt sich für Corona-Pfläge-Iisaätz mälde, es chönnt zuefällig oder plant uusgwählt werde, wer zum Iisatz chonnt usw. Wieso interveniert dä Staat da nöd?
Es gäb fucking Optione und das isch nur eini, wo em überarbeitete, müede Hirn vo mier entstammt. Me muen halt dä Lüüt mal zuelose, was suscht no für Ideeä uuf Lager händ anstatt sLäbe eme Massnahme-Regime vo paar wenige überlah und achselzuckend sich im Cherreim sälber iiflöse, dass scho alles wieder guet wür werde.

[Herr Rossi]

Während de sogenannte Pandemie sind Stelleprozent ide Intensivpfleg reduziert worde und nid ufbaut (vor allem wäge Chündigunge vo beide Siite). En vernünftig denkende Mönsch dörft erwarte, dass wenn das Virus tatsächlich so gfährlich isch wie vermittlet und d Massnahme vermuetet, entsprechend id Usbildig vom Personal investiert wird.

Leider printet das aber kei money, ergo gits au kei Lobby.

De Vyse chund drus.

[thaeye]

bern schiint recht volle zsiii

[siralos]

geld isch ja nid alles, dia meischte mache de job wäge de schichtene und dem stress nid. im pflegeheim vo de schwiigermuetter chöme ca. 1/3 usem usland und i de letschti ziit wei ja nid emal die de job mache.

https://www.pflegeinitiative.ch/

da wird sehr guet uf die probleme wägem pflegemangel ufglischtet. das mit dem pflegequalität jammert muetter o. sie cha nid x lüüt schnell, schnell betreue und dann zum nöchschte springe, da liidet ihri arbeit wou sii viil zwenig sind.
vo 10 wiihnachte, het muetter genau 1 wiihnachte nid muesse arbeite, wer macht sowas mit....oder 2 weekend hinterenand ga schaffe. sowas macht me us froid a de arbeit und kollegene oder wenn der lohn höch isch. die wo wägem lohn das mache, bliibet aber nid für lang.

als ob die spitäler freiwiellig wärend de gröscht pandemie das personal reduziert :typej: ....a denne intensivpfleg, verdiene sie eifaches gäld.
vo nüd a ahnig und immer hinter jeder egge a verschwörig gseh...lol

[Mastler(P)]

de maschtler

dä maschtler cha für sich sälber redä und häts nöd gern wenn anderi das für ihn versueched z'überneh. danke.

Wieso nöd..

will covit usgnützt wird und so wies jetz lauft länger gmälcht werde chan.

[thaeye]

under dene 120^000 "fachchräft" wo i dene 2 jahr i dere krasse pest igwanderet sind, würdet sich bi gueter stüürig halt den au die richtige lüüt rekrutiere la. aber tja, lieber masse statt klasse. tubelipolitik halt.

[siralos]

de maschtler

dä maschtler cha für sich sälber redä und häts nöd gern wenn anderi das für ihn versueched z'überneh. danke.

de maschtler het das einisch so als antwort wiiter gäh, also isches chei antwort vom maschtler, sondern eher a zitat vom matschler. danke.

fachkräft wei ja nid mal für jedes gäld schaffe, ämu nüme für die pfleg...ex kollegin vo de muetter, wo zuvor hier im ne 2 zi. wohnig gwohnt het, nid selber altglas het chöne entsorge, isch nach 60 wieder zurück uf die filippine und het jetzt a huusagstelti.

fachchräft vom oug schaffet alli im finanzwirtschaft.

[thaeye]

ne die schaffet vorallem mit mittlere management und wohnet im urbane. meistens us de/ita/fra, i letschter ziit fallt mir au uuf dases immer me fraue sind. mitti 30gi. erchenne tuesches das sie meistens inere e&y Kantine esset und fast alli glich agleit sind.

völlig ustuschbari lüüt wo aber wegem geld is land chömet und sust kein nutze bringet, sie merket nöd mal das sie eigentlich usgna werdet (die scheiss jöbs chönd au inländer mache, die andere werdet aber vo de "globale" konzern importiert, will billiger). da wäret mir tüüri chrankeschwöstere meh wert als staat schweiz.

ich verstahn eifach nöd das als so attraktive staat sonen scheiss iwanderigspolitik betribsch. will ja logisch, je attraktiver du bisch, je besser chasch uswähle.

en finanzspezialist chan au choh. das bruchemer i dem land.

und jetzt söll bern bebe. huere trychler gas geh.

[Waldschrat]

Wänn werdet jetzt genau all Massnahme uufghobe? Welli Bedingige müend erfüllt si? Was isch nötig, demit dä Bundesrat e verbindlichi Ussag diesbezüglch macht?

THIS

[thaeye]

er haets ja schomal gmacht und den nöd ighalte (jajaja isch alles vill schlimmer choh). was wottsch den na wüsse. ich will sötigi lüüt nur na weg vo entscheidigepositione ha.

[Jones]

Isch wieder mau samschtig vo de eifache lösige hüt!

[Vyse]

Was genau findsch eifach? Nüüt isch eifach. Gib lieber mal diin Standpunkt duure. Häsch nöd sGfühl, dass wenigschtens - als absoluts MINIMUM - dä Bundesrat mal offe, transparänt und ehrlich sött Stellig näh zu offene Frage? Zu dänne, wo ich gstellt han und zu dänne, wo anschiinend 30% vo dä Bevölkerig stelled? Das wär mal en Ahfang.

[thaeye]

er brucht zerst en studie vom bundesrat und taskforce bisers glaubt. eifachi lösig halt.