thaeye hat geschrieben: ↑01 Dez 2021 14:06
grossi emotione und so, "sin" erste mech und "sis" erste richtige auto.
weisch na wie gsi bisch mit 18ni?
Also mis erschte Auto mit 18ni isch so eine do gsi:
Ich ha kei Ahnig gha, was Heck- oder Frontatrieb isch und ha au nonig sälber gschrubt. Min Mech isch guet gsi, es wär mer jedoch nie in Sinn cho überall use z'posaune wie toll er doch isch. Ich ha au nie s'Gfühl gha, s'beschte Auto oder so z'fahre ...
Es paar Johr spöter isch denn so e G60 cho:
- G60.jpeg (9.1 KiB) 1098 mal betrachtet
Da hämmer (ich und mini Fründin) primär gkauft will er halt mit Chiptuning und chlinem Laderrad 197 PS gha het was damals (ca. 1995) zämme mit däm Drehmoment us em Chäller e ziemlichi Asag in däm Segment gsi isch.
Mit däm hani denn gmeint ich sig dr King bis mi nach dere 180°-Kurve bi Trimbach en Porsche 911 Turbo so dermasse verblose het, dass ich au mit dr dreifache Leischtig nid hinterhär cho wär. Ersch denn hani mi mit dr Thematik vo de verschiedene Atriebsarte etc. afange usenandersetze wills mi wundergno het, was denn bi däm Porsche so andersch isch.
Ich lieb hüt no min G60 wills halt für mich dr perfekti Mix us günschtigem Unterhalt und einigermasse Leischtig isch. Vor allem chasch mit some G60 abem Gas gho und dr Lader hült denn eifach witer. Die allermeischte Autos sind eifach relativ ruehig sobald ab em Gas gosch.
Mir würd aber nie in Sinn cho, sonen G60 mit "richtig sportliche Autos" wie emene 911er oder ebe emene M3 z'vergliche. Drum verstand ich halt nid, wenn Honda-Fans das mit somene frontatriebene alte CRX VTEC mached, so eifach ...
:
