Intel Thunderbolt

[Guave]

Hütt offiziell iigfüehrt worde
Light Peak isch umbenannt zu Thunderbolt.
Es isch rund dopplet so schnell wie USB3.0 und es isch dualchannel.
Das heisst wenns voll usslaschtisch ischs im prinzip 4mal so schnell wie USB3.0

S erschte mol verbaut wird das ganze in de neue Macs.

http://www.intel.com/technology/io/thun ... /index.htm

[ritschi]

Lustig wie so öppis ersch uf Interässe stost, wenn Apple demit chunnt

[Gurgelhals]

:thönderbölt:

Scheissname. Lightpeak isch besser gsi.

Wird sich wohl leider nöd duresetze. Brucht ja wie Firewire en extra Controllerchip, wo d'PC-Hersteller sicher nöd bereit sind z'zahle. Wieso au? Es gitt ja s'ineffiziente, 100% CPU-abhängige USB Guet, im Gägesatz zu Firewire staht dasmal Intel dehinder...

[Guave]

Ich glaubs Intel wird das scho könne duuresetze.
Die wärde scho Argument finde damit d Motherboard Hersteller au no e TB-Controller iibaue, näbem USB.

[Acid]

Also ich gib dem au nid sooo schlächti Chance... klar, evtl. wirds Apple blibä, wiä biä Firewire. Aber na und... Firewire hed für gwüssi Sachä bis hüt Daseinsberechtigung. Zudem isch de Marktateil vo Apple nid grad chliner wordä i dä zwüschäzit. Und ebä, Intel.

[Gurgelhals]

Es wär z'begrüesse. Vor allem d'Protokollunabhängigkeit isch super. Han aber nonig ganz tschägget, wie das sött funktioniere. Also nähmed mer a am Laptop hätt's ein Thönderbölt-Aschluss und über dä chönnted jetzt ja theoretisch au USB-, eSATA, Firewire, etc. Grät agschlosse wärde. Wird's da so externi Adapterboxe gä, wo gäg hine use en Thönderbölt-Aschluss und gäg vorne viellicht 2, 3 USB & Firewire Aschluss hätt oder verstahn ich da öppis falsch?

[Gurgelhals]

Firewire hed für gwüssi Sachä bis hüt Daseinsberechtigung.

Uf jede Fall. Mini externe HDs sind sitt Urziite Firewire, USB chunnt bi so Sache bi mir prinzipiell nöd is Huus. Ich finds schad, dass es sich nöd besser duregsetzt hätt, drum fänd ich's eigentlich begrüessenswert, wänn's mit Thönderbölt besser chlappet.

[Shadow]

USB 3.0 wird d'Nase vore ha, wills eifach für alli eifacher isch... punkt.

[ritschi]

Es wär z'begrüesse. Vor allem d'Protokollunabhängigkeit isch super. Han aber nonig ganz tschägget, wie das sött funktioniere. Also nähmed mer a am Laptop hätt's ein Thönderbölt-Aschluss und über dä chönnted jetzt ja theoretisch au USB-, eSATA, Firewire, etc. Grät agschlosse wärde. Wird's da so externi Adapterboxe gä, wo gäg hine use en Thönderbölt-Aschluss und gäg vorne viellicht 2, 3 USB & Firewire Aschluss hätt oder verstahn ich da öppis falsch?

Has genau glich verstande und mi genau z'gliche gfragt wie du
Aber das Feature isch glaub o no nid ganz fertig, wieni mal gläse ha.

[Guave]

USB issch separat glaub ich.

Thunderbolt basiert aber auch auf der DisplayPort Technologie und damit auf dem Videostandard für HD Displays. Das bedeutet, dass jedes Display mit Mini DisplayPort direkt am Thunderbolt Anschluss angeschlossen werden kann. Und mit einem Adapter geht das auch mit Displays mit DisplayPort, DVI-, HDMI- oder VGA-Anschluss.

Me ka e Festplatte an Thunderbolt Aschluss hänge, me ka denn zuesätzlich e Bildschirm an die Festplatte hänge.
Denn kasch vom PC uss sozusage "durch" die Festplatte duure e Film uffem Display abspiele



Die neue Macs händ ja no USB Aaschlüss. Eifach nur 2.0
Das es Adapter wird gä wie der Gurgelhals sich vorstellt, würd scho Sinn mache. Isch wahrschins nur e Froog vo der Zitt.
Eher wahrschinlich wird wohl sii, das die neue Festplatte wo uusekömme, eifach beidi Aaschlüss händ. USB3 und TB.
Oder sie mache 2 Versione.
Aber macht TB nid erscht Sinn wenn me so oder so uff SSD schafft? Normali Plattene schaffe jo keini 10GBit oder?

edit: In dene Videos wo vo Intel vorgstellt wärde, sind so ca 800 MB in der Sekunde der Durchschnitt.
Aber 10GBit solls ja sii. Sind die Plattene eifach noonig so schnell? 10Mbit sind doch 1250MB/s?

[damian]

es gaht da au gar nöd in erster linie um d'dateübeträgigsrate, sondern um anderi vorteil wo ich allerdings zwenig drüber weiss zum die im detail chöne schildere...

[O_O]

: dragonerklärbär:

[O_O]

Zudem isch de Marktateil vo Apple nid grad chliner wordä i dä zwüschäzit.

wie hoch ischer? 6%?

[ritschi]

Rekordquartal im 2010 isch glaub mal 10% gsi. Aber normal scho bits tiefer und eher um die 5-7%

[Acid]

Zudem isch de Marktateil vo Apple nid grad chliner wordä i dä zwüschäzit.

wie hoch ischer? 6%?

Weiss nid. Aber sicherlich höcher als zu dä Zit wo Firewire igfüert wordä isch. Und mer mues au immer luege i welem Segment de Marktateil bestohd. Im Berich vo Lüt wo mit Grafik, Video oder suscht öpis imene ähnlichä Bereich schaffed isch de Marktateil sicherlich um es vilfachs höcher, als allgemein betrachtet. Klar, amene Office Computer womer hin und wieder mol paar Textdateiä uf e USB Stick ladet oder so hed no niä öber Firewire brucht. Im Videobereich isches bis vor churzem aber scho bi gar nid so proffesionellä Kameras pflicht gsie, und wer en Microsoft PC oder so gha hed, hed sich müese en Videochartä mit Firewire inäbauä.
Zumindescht bi Mac loht sich au nur bi Ext. Festplattä au nur bi Firewire vo denä us Bootä.

Ich han technisch kei Ahnig, aber i gwüssä Bereich isch mit Firewire schinbar eifach viles möglich wo mit USB nid god, und drum isches immer Standard gsie. Sit USB au sehr schnäll isch, und sit d Kameras kei Bänder sondern nur no Dateiä händ, gsehds es bitz andersch us, aber es gid glich no Pünkt wo Firewire öpis bringt. Und wenn jetzt so en sau Schnällä neuä Dings chund, wo wieder viles drüber gmacht cha werdä wo mid USB nid god, wird sich das i gwüssä Bereich wohl scho duräsetzä, au wenn nid unbedingt in allnä.

[Uriel]

USB 3.0 wird d'Nase vore ha, wills eifach für alli eifacher isch... punkt.

Light Peak isch kei direkte Konkurrent für USB3.

Genau gliich, we mer hüt per HDMI Bild und Ton nur no dur ein Aaschluss, nur no dur eis Kabel füehrt, isch Light Peak öppis, wo ehemals trännti Bereich i eim Aaschluss vereinigt.

Du chasch über Light Peak sowohl Bild und Ton, als au anderi Arte vo Dateüberträägig starte. Uf ne Art isches deshalb so, we die alte serielle Kabelaaschlüss, wo me sowohl Bild als au Taschtatur- und Dateüberträgige het chönne mache.

Light Peak wird sicher nüd das gliiche Schicksal ereile wie Firewire, wills e Intel Technologie isch, wo jetzt Apple halt als erschte verwände tuet. Firewire isch damals vo Apple mitentwickled worde und au eher vo Apple sälber mit Marketing bedacht worde. Das wird bi Light Peak anderscht sii.

Eis Feature het Light Peak mit Firewire gemein: das sogenannte "daisy chaining", was sehr interessant chönnt werde: du hesch eis Kabel dihei, wo in Laptop stecksch, das gaht denn wiiter zum NAS, vo det uus zum Drucker etc etc.

Wer schu mal es biz d Priise aagluegt het für es 10Gb Netzwerch, der wird sich drüber freue, dass mit Light Peak genau die Gschwindigkeite i der Dateüberträgig härebringt (es isch also au e Ethernet- Konkurrent) die erschte NAS mit Light Peak sind ja bereits aakündiged.

Ich halt es für eis vo dene Features, wo us Ingenieurstechnischer Sicht en absolute Geniestreich sind. Light Peak chönnti für die nächschte 10 Jahr ds Ändi vo de 1023012 millione Aaschlüss, wos git, bedüüte. Es isch brutal schnäll und vielfältig: Intel überleit sich ja, d Technologie für die interne Dateüberträgige ds verwände.

Persönlich find ichs eifach es biz schaad, dass d Liechtleitervariante vo Light Peak leider im Moment na ds tüür isch. Sie verwendet ja im Moment no Kupfer zur Dateüberträägig. Hoffentli wird dadurch nüd ds viel "Legacy" für ds zuekünftige Light Peak gsschaffe.

[Gurgelhals]

USB 3.0 schiint mir vor allem echli überflüssig z'si. Für Müüs, Tastature, etc. isch ja im Grund gno USB 2.0 scho überdimensioniert und für alles drüber schiint de Thönderbölt i jederer Hinsicht die besser Lösig z'si. De einzigi Faktor, wo degäge spricht, isch würklich nume d'Rappespalterei vo de OEMs & PC-Hersteller. Da wird ja amel bis uf de letschti Cent gspart, wänn me irgendwo au nume en Kondensator chan ispare, dänn wird das gmacht.

Aber susch? Isch doch optimal wänn me es paar USB-Ports für leischtigsschwachi Peripherie hätt und alles andere wicklet me über de Thönderbölt ab, wänn nötig au Legacy-Grät mit USB-, Firewire- oder eSATA-Schnittstell. USB 3.0 würkt im Direktverglich eifach ehner überflüssig und Intel gseht das wahrschinlich au so, susch würdet's de USB 3.0-Support i ihrne eigene Chipsätz nöd scho sittt Monate künstlich usezögere. I dem Sinn fänd ich das usnahmswiis sogar mal guet, wänn e Firma ihri Märtmacht usspielt, zum en andere Standard durezdrucke.

[Uriel]

Aber susch? Isch doch optimal wänn me es paar USB-Ports für leischtigsschwachi Peripherie hätt und alles andere wicklet me über de Thönderbölt ab, wänn nötig au Legacy-Grät mit USB-, Firewire- oder eSATA-Schnittstell. USB 3.0 würkt im Direktverglich eifach ehner überflüssig und Intel gseht das wahrschinlich au so, susch würdet's de USB 3.0-Support i ihrne eigene Chipsätz nöd scho sittt Monate künstlich usezögere. I dem Sinn fänd ich das usnahmswiis sogar mal guet, wänn e Firma ihri Märtmacht usspielt, zum en andere Standard durezdrucke.

Mir isch dasselbe dure Chopf. Ussert Light Peak dure ds drucke, gits für mich ken Grund, weshalb Intel jetzt au bi de nüüe Sandy Bridge Mainboards uf USB3 verzichtet hät.

[Acid]

Eis Feature het Light Peak mit Firewire gemein: das sogenannte "daisy chaining", was sehr interessant chönnt werde: du hesch eis Kabel dihei, wo in Laptop stecksch, das gaht denn wiiter zum NAS, vo det uus zum Drucker etc etc.

Das isch ungalbulich super... jedes Kabel weniger isch en Erfolg... scheiss Kabel immer überal, wiä mached mi amene Tag no Wahnsinnig.

[h4xX0r]

rofl das brucht kein mensch. aso ich bruchs nöd, und somit bruchts niemerd.
alles wo kabel hät isch alt. wireless isch de shit.

[damian]

rofl das brucht kein mensch. aso ich bruchs nöd, und somit bruchts niemerd.
alles wo kabel hät isch alt. wireless isch de shit.

viel spass bim all paar stund dä akku vo dinere externe festplatte uflade!

[Acid]

Ich han mol ghört das Apple anere Lösig schafft, zum Strom ohni Kabel z übermittlä... chans aber nid so richtig glaubä. Vor allem isch den D Frog öb eim das nid s Hirni usäbrutzlet, wemer i diä Strahlig chund.

Aber mol ehrlich, scho mit all denä Kabel gits vil zvil Strahlig, ich mues do nid alles über Wireless ha. Aber wenns trotzdem mit weniger Kabel gohd, isch das nid falsch. Abgseh devo isch Wireless für vieles no vil zlangsam.

[ritschi]

Das wird scho lang entwicklet allerdings nid vo Apple.

[Gurgelhals]

Apple entwicklet allgemein wenig

[Acid]

Vo Entwicklä hani au nüt gseit

Aber isch eigentlich au glich wer was macht, tatsach isch dasi nid würklich s Gfühl han das Stromversorgig über d Luft so unproblematisch si chan.