Was spielsch grad retrigs?

[Doraemon]

@Mr. Heli: Tönt nacheme guete Zock. Ds 3 und ds 4 si bi mir no uf der Liste, aber am 1 & 2 hani ganz grossi Freud gha.

Ig bi geng no am Diablo 3 Eternal Edition für Switch. Finges ok, nid super aber ok, bi däm Spielprinzip chame nid viu falsch mache. Het positivs u negativs.
Positiv:
D Gschicht, Charaktere und Sprüch si cool. Ha aus Sidekick der Schuft derbi, dä macht geng witzigi und unkorrekti Bemerkige.
Negativ:
Mängisch schlaft eim fasch ds Gsicht i bim A, A, A, A, A, A, A, A, A, A, drücke. Zum Glück wird me ab und zue gweckt wenn me nümme me Items cha trage, denn chani zrüg teleportiere und Items verchoufe und im Dorf mit aune ga liire.
Das spili jetz no fertig und när gits mau wieder öpis bitz älters.

[turntablism]

Widermal super mario world snes. Eis vo de bessere, wenn nöd s bescht mario. Grad di ganz star world dure gmacht. Hüt nacht killi no de bowswer.

[mr.raw]

Isch scho so, de mario uff em SNES isch würklich s beschte Mario wos je hett gitts. Vo de NEW sm findi serschte uff em DS s beschte.

[Doraemon]

No besser aus SMW fingi d Umsetzig ufem GBA. No me stuff zum collecte, neui features und der Mario macht no Wahooo, here i go, etc.

[Mastler(P)]

blood omen 2 - 6/10 geg dä schluss wirds immer besser.

[Doraemon]

Ha das Wucheändi viu gspiut, uf der Suechi nacheme guete Titel zum länger dermit verwile. Jedoch het mi viles nid überzügt und ha abbroche.

Kingdoms of Amalur (Switch) - E miesi Dark Souls Kopie. D RPG Element wäre zwar intressant wie bi Dark Souls, aber d Stüürig isch obermies wie so im ne üble 3D Jump n Run à la Bubsy 3D. Ha nachem 2. Boss ufghört.

SaGa Frontier (Switch) - D Welt und Story gfaut mer nid und ha ke Geduld gha füre sehr langsam Istig. Und d Grafik het mi verwirrt. Zrüg ufe Stapel dermit.

Shmup Collection (Switch) - Armed 7, Satazius & Wolflame uf 1 Cartridge. Absolut generische Shmup wo zwar nid schlächt usgseh aber spielerisch eifach nüt biete.

World War Z (Switch) - OK ha tänkt Zombies abknaue da chasch nüt falsch mache. Falsch gedacht, spricht mi eifach überhoupt nid a die Art vo Spiel.

Streets of Rage 4 (Switch) - När ändlech doch no es guets Game gfunge. Hani us Skepsis bisher no nie gspielt aber bi seeehr positiv überrascht. Der Grafikstil gfaut mer zwar nid bsungrigs, isch aber o nid schlächt und spielerisch isches super. Cooli Gegner sowohl auti aus o neui, und spassigi Idee. Reiht sech guet i ide Streets of Rage.

Y's Origins (Switch) - Und när no öpis gfunge zum bitz lenger dermit verwile. Grafik zwar nid bsungers, punktet aber wie die meischte Y's dür d Musig und die bitz unkonventionelli Mechanik. Fröie mi scho ufs witerspile hüt abe.

[joe_higashi]

han na e alti wii gfunde bim cheller ufruume. e version mit gamecube aschluess. den chli ziet mit homebrew stuff verbracht und den folgendes uf d roehre mit composite gspielt:
sky crawlers - mega fett..vorher noed kennt gha. machi fertig.
no more heroes 2 - au sehr geil..aber noed so lang gspielt. d erscht teil hani damals fertig gspielt.
gt pro series (japan version)- isch wies auto modellista aber weniger geili stuerig und au allg. weniger geil aber egal...hani fascht komplett durre

[Doraemon]

Geschter bini richtig gflasht worde vom Y's Origins, es isch so guet. Bi jetz irgendwo ir Mitti vom Game und es isch no besser worde aus es scho isch gsi. Die gueti Musig het sech sogar no gsteigeret. Es isch ja zwar nid viu angers aus Diablo vom Prinzip her, aber eifach haut nid so längwilig. Viu rasanter und weniger überlade und äbe d Musig macht für mi sooo viu us füre Spielspass! Wie aui Y's woni bis jetz gspielt ha eigentlech nüt wilds und bitzeli strange und anders, aber äbe sooo sympathisch und immer mit bsungrigem Ougemerk uf die fantastischi Musig.

[Mr. Heli]

Phantasy Star 4 MD mini dure. han recht lust gha zum wiiterspiele, d story isch guet, wenn aber au nöd wahnsinnig packend. de sound nervt, immer wiederholig vode gliche musig. au die viele encounters sind eher lästig. muesch sehr viel heile i dem spiel. de endboss het mich gnervt, will er eifach so verdammt stark isch. aber ich tuen in rpgs halt au nid gern grinde. alles in allem guet, aber würs jez in absehbarer ziit nid wieder spiele.

[damian]

es phantasy star muesi au mal no spiele. isch glaubs di einzig berühmt franchise woni no nie gspielt han.

[damian]

ich spiele gad quake 2 uf em n64. mit expansion pack gseht das richtig guet us. und spielt sich au guet. was i dere ziit nöd selbstverständlich gsi isch für en fps uf konsole.

[Doraemon]

@hanf: Ja gäu es isch super ufem 64er. Hani o lang gspielt. Isch cool wie sie d Blueteffekte gmacht hei. Git em der Idruck dass me se i Fetze schiesst.
Und Phantasy Star 1 & 2 si wüki super, aber me mues scho o gern chlei grinde weme aus wot gseh und o gern random encounters ha. Ds 1 hani uf Mastler System gspielt und es isch fantastisch.

[Doraemon]

Iz bini bim Final Boss vom Y's Origin, aber ha ne no nid gschafft. Mues no chlei levele und no die letschti Skill ufrüste, när geits ihm a Chrage. När machi aber nomau mindestens e durchgang mitem angere Chara.

[Mr. Heli]

Grandia Switch, grandios. Bi jez ca. am endi voder erste cd lut walkthroughs. Leider ischs game chli buggy, susch aber mega. Super packendi story, cools kampfsystem, sprachusgab, knalligi farbe und viel humor.

D psx version söll übrigens besser si als die ufem saturn. Nächst mal wohl ufde psp spiele.

[sirarthur]

geschter wieder mal Vampire Night uf PS2...Grafik find ich us hüttiger Sicht mega für PS2 Verhältnis...super Design und auch guete Technik, fascht kei Aliasing (isch würkli lang nöd bi allne PS2 Games es Problem gsii und glichziitig gitts au Xbox und GC Games wo starchs Aliasing gha händ)...spielt sich eifach immer no guet...Sega Wow Entertainment...1 Credit bin i bis in Level 5 cho, dänn hätts mi gha und ich han ufghört...

[Doraemon]

@Mr. Heli: Grandia mues mer ono hole uf der Switch. Ig has mau agspielt uf der PSX aber irgendöpis het mi abtörnt, weiss nüm was. Hets evtl. immer Ladezite bi de Kämpf? Aber i holes eh, au die JRPG wo uf der Switch usechöme choufi blind.

[damian]

D psx version söll übrigens besser si als die ufem saturn. Nächst mal wohl ufde psp spiele.

Ich finds ufem saturn düütlich schöner. Nöd so schwabelndi psx texture.

[Doraemon]

Geschter no fertig worde mit Y's Origin 2. Runde. Es gäbt no e 3. Rundi mitem Bonus Chara aber füre Moment isch guet.

När hani Final Fantasy 7 uf der Switch agfange. Uf der PSX isch das dazumaus a mir verbigruuscht, jetz holis nache. Der Grafikstil gfaut mer nid so guet, mängisch gsehni no nid so wo me überau häre cha, aber es het zum Glück Hilfe mit Pointer und Finger wo der zeige wo was isch. A de Kämpf und am Kampfsystem hani bis jetz nüt ds ussetze, ussert dass es chlei me random Kämpf chönnt gä. Mau luege wies witergeit und obs mi richtig packt.

[Mr. Heli]

Geschter no fertig worde mit Y's Origin 2. Runde. Es gäbt no e 3. Rundi mitem Bonus Chara aber füre Moment isch guet.

När hani Final Fantasy 7 uf der Switch agfange. Uf der PSX isch das dazumaus a mir verbigruuscht, jetz holis nache. Der Grafikstil gfaut mer nid so guet, mängisch gsehni no nid so wo me überau häre cha, aber es het zum Glück Hilfe mit Pointer und Finger wo der zeige wo was isch. A de Kämpf und am Kampfsystem hani bis jetz nüt ds ussetze, ussert dass es chlei me random Kämpf chönnt gä. Mau luege wies witergeit und obs mi richtig packt.

chasch d gschwindigkeit ide kämpf und zum laufe apasse, oder? zumindest im ff 8 ufdr switch isch das gange und sehr praktisch gsi.

[calanda]

ich hanmi im moment mit folgendem usenander gsetzt uf miner Arcades... und merke das ich en huere schlechte gamer bi

- mr. heli
- Raiden Dx
- Metal slug 6
- sports jam mit de tochter zäme
- border down
- capcom vs snk 2001
- guilty gear xx

[turntablism]

... und merke das ich en huere schlechte gamer bi
- Raiden Dx
- border down

gueti games !
s border down chasch mit paar mal spile scho ziemlich wiit cho.

[calanda]

... und merke das ich en huere schlechte gamer bi
- Raiden Dx
- border down

gueti games !
s border down chasch mit paar mal spile scho ziemlich wiit cho.

i schaffe bi raiden nid mal trainigsmission

[turntablism]

i schaffe bi raiden nid mal trainigsmission

s dx hani leider nöd. aber s raiden 1 & 2 sind amal au nöd so easy nach de erschte levels

[Doraemon]

Geschter no fertig worde mit Y's Origin 2. Runde. Es gäbt no e 3. Rundi mitem Bonus Chara aber füre Moment isch guet.

När hani Final Fantasy 7 uf der Switch agfange. Uf der PSX isch das dazumaus a mir verbigruuscht, jetz holis nache. Der Grafikstil gfaut mer nid so guet, mängisch gsehni no nid so wo me überau häre cha, aber es het zum Glück Hilfe mit Pointer und Finger wo der zeige wo was isch. A de Kämpf und am Kampfsystem hani bis jetz nüt ds ussetze, ussert dass es chlei me random Kämpf chönnt gä. Mau luege wies witergeit und obs mi richtig packt.

chasch d gschwindigkeit ide kämpf und zum laufe apasse, oder? zumindest im ff 8 ufdr switch isch das gange und sehr praktisch gsi.

Ja der speed chame apasse und das isch praktisch. Ig hät aber no gern me random Kämpf. Die chame nur ganz usschalte, aber das wot doch niemer. weme chönnt, würdi dopplet so viu random Kämpf istelle.

[Doraemon]

Final Fantasy 7 hani ufghört. Sone überbewertete Dräck. Nach ca. 7 Std. Spielzit ischs mer verleided. Das finge o nur aui guet wüus denn äuä ihri ersti Erfahrig gsi isch miteme RPG. Kämpf si todlängwilig und viu ds eifach und viu ds lahm. Und weme 3x Speed istellt isches ds schnäu. Und das huere gliir geng und die Pseudo-Quicktime Sache gö mer ufe Sack. Und weme im ne RPG mues Pfile aktiviere für dass me überhoupt öpis erkennt ir Welt fingi das o mies, machet doch eifach d Welt so dass me öpis erkennt und nid i jedem Egge blibt hange. Ds einzig positive für mi isch d Musig gsi, nice mit biz Jazz und Prog Iflüss. So, jetz dörft er Fackele und Mistgable fürehole.

När hani Shin Megami Tensei V agfange und bi jetz oscho ca. 7 Std im Spiel und es isch fantastisch u sehr erfrüschend und het mi sofort packt sobaud me ir Dämonewelt acho isch. Het zwar bitz Pokemon Vibes isch aber glich gnue angers und erwachsener und dass me mit de Monster mues rede zum se awärbe fägt henne. Fröie mi scho ufs witerspile.