die COOLSTEN Indie/Homebrew HARD COPY Retro-Games!

[DeftOne]

Also i ha Pier Solar eher mässig gfunde. Isch natürli scho eine vo de grössere Titel gsi wo no so cho isch, aber es zieht sich wie Gummi.

Glaub ufm NES gits no irgendeis mit Robin Hood, wo au in Thread passe wör, aber weiss de genaui Name nüm.

[m.o.terra kaesi]

Vellecht meinsch das do...

NES
The Legends of Owlia - Action Advendure, sehr Zeldaähnlich. Muss guet sie, will nur gueti Reviews devo giht im Netz

https://youtu.be/i__NABEqgIs

[DeftOne]

Nee, i mein e anders. De Spaghetti hets mal anere Retrobörse im Verchauf gha. S Modul mösst grüen gsi si.

[onion]

Ich ha JP und EU Special Ed sowie Switch bstellt

ha gester au no EU wele bstelle aber sie hend scho abgschalte obwohls na über es jahr gaht bis release

und füre kickstarter hets mer au nid glängt wäg eim tag wel M-Games mit ere Wuche verspätig cho isch, han info dert gseh.
hesch du kickstarter-special?

[mr.raw]

Nope, au zspot mitbiko für de Kickstarter Special. De M-Games Artikel (Online) hett mi uffs Game brocht kha.
Dorum ha i no gschriebe kha unbedingt bstelle. Ich hätt no sette erwähne, dass am 3.okt schluss isch...sorry.

[onion]

easy isch dumm gloffe, usgrechnet die m-games hani mit krasser verspätig becho.
chli meh werbig hätteds au dörfe mache, so wies usgseht het niemer im forum das game kennt.

schad, nachem shenmue 3 desaster hättie hie voll no einisch investiert, game gseht super charmös us.
wenigstens hets mer no für jap. special edition glängt.

[m.o.terra kaesi]

Esch jo ned uusgschlosse dass Reprint machid.
Wärid jo tomm wenns zitrone ned uusprässid.
Tschegg i bim DEV Team amigs au ned: Kraut Busters hättids wohl locker 3-4x so vell los worde!

[m.o.terra kaesi]

Atari 2600 - Circus Convoy
Nid zuefällig gsehts bitz uus wie Pitfall... die beide Programmier sind Ahfangs 80er Johr bi Activision tätig gsi ond verantwortlich för einige Hits vo dazumal (Pitfall, River Raid, Spiderman, Ghostbusters...)

Das Game häd sogar Mini-Games drin, en animierte Anaconda, es Gadget-Menü ond es QR-Code-Tool zom sin Highscore ofere Datebank lischte
Geili Idee.


Quelle
https://adgm.us/portal/index.html

[m.o.terra kaesi]

crazy shit: s'offiziell neue ATARI bringt nomol 3 offizielli games use för de Atari 2600/VCS!
https://atarixp.com

[m.o.terra kaesi]

wiiter gohts...leider nid för en Original-Konsole aber Switch:

BLAZING CHROME (Contra-Style 2pl game)
https://www.youtube.com/watch?v=mmWlpy4JTnQ

HUNTDOWN (contra/snatcher style)
https://www.youtube.com/watch?v=JMRR96CkxC0

[turntablism]

Das zirkus konvoi willi unnedingt mal spile. Da gits kei räuberrom ?

[m.o.terra kaesi]

Check this out:
Omicron gabs als Virus bereits 2013!!
https://atariage.com/store/index.php?l= ... ail&p=1037


Quelle

[Maenggu]

Vellecht meinsch das do...

NES
The Legends of Owlia - Action Advendure, sehr Zeldaähnlich. Muss guet sie, will nur gueti Reviews devo giht im Netz

https://youtu.be/i__NABEqgIs

Bi däm bini PAL Beta-Tester gsy - isch würklich no as glungnigs Spieli

[m.o.terra kaesi]

Es goht voll ab i de Homebrew-Szene 2022:
ZB fürs MEGA DRIVE (physical releases) chond no vell!


https://youtu.be/ki0MPr89X5o

Ond für Atari 2600 chond eh laufend geils Zeugs use!
www.atariage.com

[mr.raw]

Es goht voll ab i de Homebrew-Szene 2022:
ZB fürs MEGA DRIVE (physical releases) chond no vell!


https://youtu.be/ki0MPr89X5o

Castlevania ha i gwüsst und ich kaufs, egal wie tüür es wird!...aber was do alles i dem Video zeigt wird...ECHT JETZT? Metal Slug, KOF? Street Fighter...RESIDENT EVIL?!?!

[m.o.terra kaesi]

...aber Resident Evil gseht ächt no geil uus. Erstuunlech was mer änebringt ofere Pixelkonsole. D'Lizenz mösstets wohl no ha, sosch gihts Ärger.

[mr.raw]

Bin recht erstuunt, was die uss dere 16-Bit Konsole tüend uusehole. Scho bi Paprium ha i gstuunet...oke, mit spezielle Chips. Aber Demons of Asteborg isch jo scho gewaltig.

[mr.raw]

Yike...hesch s Sunset Heroes gseh? Also die uff schöner gmachti Sunset Riders Version? Gseht jo unglaublich schön uss. Au MegaMan interessiert mi sehr.

[m.o.terra kaesi]

Ech be total homebrew nerd worde i de lätschte paar mönet. Geht so vell cooli neui produktione.
Nor das kickstarter/vorbschtelligs/wait-my-ass Gehabe passt mer ned so dra. Ond all die pissers, wo wänd spekuliere mit dene games!
DEVTEAM findi diesbezüglich en Vorzeige-Mongo-Bude: Die heizid dä Irsinn of Ebay no ah.

[m.o.terra kaesi]

Metal Dragon
Häd gueti Kritike bis jetzt!


Quelle

[mr.raw]

Gseht au fantastisch uss. Wird bstellt! Mischig uss Rambo und Commando und Shock Troopers.

[mr.raw]

Quelle

so sötts doch sii. Schöni Box, wählbars Cover, schöns Büechli, tolls Bonus züggs

[LuiStyle]

Mega schön gmacht! Genau so müssts immer sie

[mr.raw]

Wieder mau öppis von Yachtclubgames (Shovel Knight) wo sicher grandios wird wärde...

Quelle

Do de Link zum Kickstarter:
https://www.kickstarter.com/projects/ya ... escription

[m.o.terra kaesi]

Wieder mau öppis von Yachtclubgames (Shovel Knight) wo sicher grandios wird wärde...

Quelle

Do de Link zum Kickstarter:
https://www.kickstarter.com/projects/ya ... escription

und uf welere Hard-Copy Plattform wörs usecho?! Gsehs nienent
GBA?!