s muskel grösser mache und körper bilden topen

[derinderinderinderin]

Ja, ha pull-up stange. Ig mache super sets und jedes mal s‘glieche Programm, wobi ig immer chli optimiere/apasse. Du?

[Mastler(P)]

für dihei han ich gar kes programm und eh neui stange müsst mer au chaufe. ha di alt entsorgt won ih länger is usland bin und mis züg bim kolleg bunkert han.

darum eich nur bitz push ups, das ganze au amigs im handstand ah dä wand, paar übege für buch, squats und superman's. wenni luscht han machi no paar sache, zb. forme usm kung fu, oder aikido.
ich bin aber mal uf tabata training gstosse und wür das gern no usprobiere. isch glaub perfekt für dihei.

[kingcaid]

Bullshit, geil frässä, Chraft, Usduur, Beweglichkeit und Momentum trainiärä isch Key.
Drum sett jede no n 2m Boxxsagg dähei ha. Nur so chasch lärnä

[Mastler(P)]

oh, jetz. hä. dä key wofür, isch jetz d'frag. obwohl es natürlich es usgwogeneres training bühted.
aber was machsch denn für'd beweglichkeit, usser dehne und warum dehnsch nöd eh vor jedere sportliche ertüchtig? oder warum häsch es separat erwähnt?

[Mastler(P)]

usserdem spillts kei rolle ob häsch 2m boxxsagg 2m lang, oder 2m breit. du muesch nur richtig träffe. das isch es mann

[kingcaid]

Quelle

[Vyse]

Zombieland, mega guet ♥

Söll jede id Trainingshalle gah wie er möcht, will jede staht dezue, was er macht aber ich finds bitzli sinnlos bzw. unrealistisch bzgl. Nachhaltigkeit.
Ich will e Trainingsroutine, wo ich für dä Rest vo miim Läbe chann iihalte und ich weiss ganz genau, dass ich ganz sicher nöd über längeri Ziit regelmässig i irgend en Schuppe go trainiere gah wür.
Lieber en eifachi und rel. churzi Routine für Dihei sich zämmestelle, wo me aber au no mit 70i chann duurezieh. Was bringts id Trainingshalle für es Jahr oder zwei und nacher niemeh oder erst i es paar Jahr wieder oder nur no ganz sporadisch?

[Mastler(P)]

Ich will e Trainingsroutine, wo ich für dä Rest vo miim Läbe chann iihalte und ich weiss ganz genau, dass ich ganz sicher nöd über längeri Ziit regelmässig i irgend en Schuppe go trainiere gah wür.
Lieber en eifachi und rel. churzi Routine für Dihei sich zämmestelle, wo me aber au no mit 70i chann duurezieh. Was bringts id Trainingshalle für es Jahr oder zwei und nacher niemeh oder erst i es paar Jahr wieder oder nur no ganz sporadisch?

das isch jetz alles wieder sehr subjektiv, nöd?
da gitz gnueg anderi lüht wo keis problem damit händ, bis is hohe alter regelmässig es gymnasium zur körperliche ertüchtigung zbsueche.
ich verstah au nöd ganz, wie so en intellektorienterte mensch so undurchdachti frage cha stelle.
wart ich hilf der mal. was bringts dihei ztrainiere für es jahr oder zwei und nacher niemeh, oder erst i es paar jahr wieder, oder nur no ganz sporadisch?
d'antwort döft wohl die glich wie uf dini frage sie.

guet, dihei bisch ja "immer" und chasch dementsprechend au immer mal easy eh trianingseinheit abarbeite. aber genau so, ischs für villi wo ihres training ernscht nehmed kei sach, in es gym ih ihrere nöchi zgah unds gliche zmache.

[Jones]

Und viu hei deheim immer e usred wiu sie grad lieber was anders mache oder scho ufem sofa hänge. Für so lüt isch is gym fahre wie e on-switch....

[Vyse]

Klar isch das jetzt super subjektiv, die Ussag isch nur uuf mich bezoge gsi. Git sicher so Biest (hät eigentlich öpper wieder mal öppis vo ihm ghört, isch scho ewigs här, wo en mit siine härzige Goaner-Fründin gseh han), wo sich für dä Rest vom Läbe für sTrainiere i dä Halle verpflichtet, mich würs eifach ahschiesse: Hiireis, umzieh, trainiere, duusche, umzieh, heifahrt... Dihei bin ich fertig innerhalb vo 10-15 Minute und chann mich wieder Internetbanalitäte widme.

[Vyse]

guet, dihei bisch ja "immer" und chasch dementsprechend au immer mal easy eh trianingseinheit abarbeite. aber genau so, ischs für villi wo ihres training ernscht nehmed kei sach, in es gym ih ihrere nöchi zgah unds gliche zmache.

Tönt fair, hät wohl jede bitz anderi Ziel diesbezüglich. Ich als Ästhet will eifach kein schlaffe Körper, da langed paar Minute pro Tag, anderi wännd halt richtig pumpe, säb wür mier gruusig stinke.

[Vyse]

paar sache, zb. forme usm kung fu, oder aikido.

Quelle

[Vyse]

Gits da jetzt eigentlich en Konsens, was die richtig Rumpfbüügeform ahgaht, wo nöd dä Rugge schliesst? Gwüssi säged eifach nöd ganz uuferolle, anderi findet, me söll überhaupt nöd uuferolle, sondern dä Rugge flach und für es paar Sekunde nur es paar cm über em Bode halte, dänn wieder entspanne und wiederholle.

[Jones]

Wenn dr rügge grad lahsch und no d'füess ichlemmt hesch, geits fasch nume ufe hüftbeuger statt uf d'buchmuskle..

Füess lose lah und irolle

[Buccaneer]

[Mastler(P)]

Und viu hei deheim immer e usred wiu sie grad lieber was anders mache oder scho ufem sofa hänge. Für so lüt isch is gym fahre wie e on-switch....

richtig. wenn dihei trainiersch wärs scho guet en dedizierte ruhm zha. das chan au meh als on-switch fungiere, als ih dä stube was zmache.

(hät eigentlich öpper wieder mal öppis vo ihm ghört, isch scho ewigs här, wo en mit siine härzige Goaner-Fründin gseh han)

wenn hät denn dä eh goa fründin gha? ich weiss nur das er nüm ih dä berner fraue weg isch, sondern wieder zrugg in züri. han en aber au scho etlichi jahre nüm gseh.

mich würs eifach ahschiesse: Hiireis, umzieh, trainiere, duusche, umzieh, heifahrt... Dihei bin ich fertig innerhalb vo 10-15 Minute und chann mich wieder Internetbanalitäte widme.

stell der doch mal zb. dä robinhood vor. er häts gym im gliche gebäude wo er läbt. somit fallt bi ihm scho mal alles wo du da ufzellt häsch, bis ufs eigentliche training weg.
wenn im stress, oder eh sau bisch, chasch au grad mit dä sportchleidig cho und ohni dusche danach wieder abfahre. niemert seid dir was du mache mousch

Dihei bin ich fertig innerhalb vo 10-15 Minute und chann mich wieder Internetbanalitäte widme.

was lauft mit dir? ich bruch 10min das i mal warm bin.

[Mastler(P)]

sondern dä Rugge flach und für es paar Sekunde nur es paar cm über em Bode halte, dänn wieder entspanne und wiederholle.

das töhnt aber danach, das bi derä üebig nur die obere buchmuskle bruchsch. eigentlich nöds ziel vo rumpfbüge.
ich wür scho uf 45° ahebe.

[Vyse]

wenn hät denn dä eh goa fründin gha? ich weiss nur das er nüm ih dä berner fraue weg isch, sondern wieder zrugg in züri. han en aber au scho etlichi jahre nüm gseh.

Au scho es Wiili här ca. 4-5 Jahr, mal zuefällig ahmene Waldfäscht troffe, sitzt eifach hinder mier.

stell der doch mal zb. dä robinhood vor. er häts gym im gliche gebäude wo er läbt. somit fallt bi ihm scho mal alles wo du da ufzellt häsch, bis ufs eigentliche training weg.

Wär ich Multimillionär, wür ich mier natürlich au es chliises Gym i dä Hütte uufbaue.

was lauft mit dir? ich bruch 10min das i mal warm bin.

Funktioniert imfall guet für mich. Jede Tag (schaffs zwar au nöd immer) zwei Sets (früehner hani drüü gmacht). 2 Sets a 1x30 Liggistütz, 1x30 Rumpfbüüge, 1x30 Chnüübüüge nacher no es paar ahständigi Klimmzüüg.

[Jones]

richtig. wenn dihei trainiersch wärs scho guet en dedizierte ruhm zha. das chan au meh als on-switch fungiere, als ih dä stube was zmache.

Genau das!
Mache o nüt anders i däm ruum!

[Mastler(P)]

zuefällig am ne waldfäscht - so geil.

du chöntsch au eifach in, oder nebed es huus zieh wo es studio drin isch.. ebe so wie dä robin.
es laht sich au als nöd multimillionär no bequem und praktisch läbe.

[kingcaid]

Chopfsach ischs. Entweder läbsch diszipliniert oder net. Sch gliich wod trainiersch. D Fraag was bringts und weviel, isch überflüssig. Nid jede Body hätt di gliich Konditione, Muskeldichti oder Verbrännig. Dänn no dä bisherig Läbesstil inklsuive persönlichi Ihstellig usw. Gitt no etlichi anderi unbekannti Faktore. Isch spannend, aber halt mängisch schwär ussäzfindä.

Drum, jede sött mache wiesm guät tuät.

[derinderinderinderin]

Funktioniert imfall guet für mich. Jede Tag (schaffs zwar au nöd immer) zwei Sets (früehner hani drüü gmacht). 2 Sets a 1x30 Liggistütz, 1x30 Rumpfbüüge, 1x30 Chnüübüüge nacher no es paar ahständigi Klimmzüüg.

Das wär für mi es mehbessers ufwärme

[kingcaid]

Workout Routine

100 Push-Ups
100 Sit-Ups
100 Squats
10KM Running (that’s 6.2 miles)

Repeat 7 days a week.

Nur so wirschn Maa!

[Mastler(P)]

so verlürsch all dini haar

[Jones]

Mach doch grad e murph pro tag!