Was spielsch grad retrigs?

[m.o.terra kaesi]

gäschter endli weder mol chli zockt mittem FADE zäme...

Demons of Asteborg (MD): Big bummer...es crashed andurend. Sind bis id Mitti Level 2 cho. Es esch/wär locker es 8/10 game. d'Stüürig (s'Gompe a de Wänd) esch biz gwönigsbedörftig (häd mer bi Shinobi besser gfalle z.B.). D'Idee, das mer ned all reguläre Level-Gägner muss kille, aber ab und zue äbe doch zom wiitercho findi super. Grafk, Storytelling, Balance esch wunderbar!
(Ha mittem Studio kontakt uufgno. Zersch Rüeckruef-Aktion ond Lieferverzögerig ond jetzt no da. Esch ned geil. )

Gynoug (MD): hämmer nachdem Fruscht biz müesse obenabecho. För das esch en "plug & play" shooter wie Gynoug ideal. Esch en recht eifache, ned allzu taktisch komplexe shooter ond doch technisch suuber. Ofem MD ghört er is Mittelfeld (7/10). Ofem SNES wärer i de top 5-10.

Shadow Dancer (MD): good old times vo SEGA = Automate-Portierige. Das merkt mer däm Game guet ah. Es ghört zo de Shinobi-Serie wo mit Teil 2 und 3 no es biz meh komplex isch worde (home release only halt). Shadow Dancer esch aber solid, au grafisch. D'Idee mittem Hund esch au hött no cool ond macht Spass. Paar unfairy Stelle mit de Gägner häds drin. Typisch "early Releases" MD wird au d'Farbpalette ofem MD nonig ganz uusgreizt. Wertig 7/10 (au es 8i wär no gerächtfertigt )

Policenauts (SAT / English Hack): Händ wiiter gmacht bi Disc 2. Sind jetzt i de "Tokugawa Pharmaceuticals". Wini scho paar mol gseid ha: story-telling immer no voll of dä Höchi, nor "point-and-klick" wörd mers 2022 wohl nömme programmiere. Freu mi aber ofs wiitermache. Wertig 8/10 (wenns es anders technisch Verfahre gäb dä wärs hött no es 10/10 game!)

[Fade]

… ech froimi bi Policenauts gli wiiterzschpele, geschter esch ergendwänn mol gnueg gsi

So much to play!

[Doraemon]

Heit der ds Gynoug düregschafft? Ig finges so mittelschwer, recht eifach tünkt mi übertriebe Aber scho guet schaffbar mit chlei Üebig. Und für mi ghörts id MD Top 5 Shmups, es trifft zimli genau mi Gschmack.

[m.o.terra kaesi]

Heit der ds Gynoug düregschafft? Ig finges so mittelschwer, recht eifach tünkt mi übertriebe Aber scho guet schaffbar mit chlei Üebig. Und für mi ghörts id MD Top 5 Shmups, es trifft zimli genau mi Gschmack.

nei hämmer ned. demfall muss es no rächt schweriger werde. för mech häd er gnueg interni Konkurrenz, als dass er i Top 5 chäm. Bi mir chäm Thunderforce 4, Elemental Master, Musha, Gleylancer ond sogar Steel Emipre no voräne (Eliminate Down wahrs au, hani aber nonig gschpillt).
Gemäss SHMUP.COM häsch du aber rächt... (au wenn no paar Perle fehlid i däre Ranglischte)

[Doraemon]

Ja ds Gynoug zieht auso schono biz a i de letschte 2 Levels. Ohni i jedem Level die versteckte Läbe ds finge, hätis äuä nie gschafft aus 1cc.

Mini Top 5 Liste isch biz angers, aber es het es grosses vorderes Mittelfeld für mi bi de MD Shooter. Aber es isch extrem Gschmackssach. Miner Top 5 ohni reihefoug si Gynoug, Gaiares, Biohazard Battle aka Crying, Zero Wing und Fire Shark.
Eliminate Down isch mer ds hert. het zwar super Idee, Spielwitz, etc, aber es isch sou-hert und teu Gägner si me Arbeit aus Spass, aber i gib ihm de irgendwenn scho wieder mau e Chance.
Musha fingi OK, aber Super Aleste gfaut mer viu viu besser, und nachem 1cc het biz si Reiz verlore.
Thunderforce 4 bini o nie warm worde dermit irgendwie. Cha no nid säge a was dass es ligt. Ds 3 fingi aber super, einzig Kritikpunkt isch, es isch ds eifach. Wie ds Elemenal Master o.

[m.o.terra kaesi]

Ja ds Gynoug zieht auso schono biz a i de letschte 2 Levels. Ohni i jedem Level die versteckte Läbe ds finge, hätis äuä nie gschafft aus 1cc.

Mini Top 5 Liste isch biz angers, aber es het es grosses vorderes Mittelfeld für mi bi de MD Shooter. Aber es isch extrem Gschmackssach. Miner Top 5 ohni reihefoug si Gynoug, Gaiares, Biohazard Battle aka Crying, Zero Wing und Fire Shark.

esch no en spezielli Uuswahl. Kei Vertikal-Shooter ond alles eher id Richtig "Fantasy-Sci-Fi".
Darius wörd au passe dezue.

[Doraemon]

Si haut miner absolute Lieblinge die 5, und immerhin Fire Shark isch vertikal. Und selbst wemer d Top 20 würd ufzelle, mir wär immer no ir Region vo sehr guete bis guete Spiel, när hets no paar Mittumässigi und sehr wenig schlechti. Selbst XDR und Atomic Robo Kid hei mir recht Spass gmacht für ne 1cc. U när gits no paar wenigi woni irgendwie no nid chönnt bewerte, da der Funke nie überegsprunge isch, äbe wie bim TF 2&4, Fantasy Zone, Gadget Twins & co

[m.o.terra kaesi]

ech weiss zwenig bscheid. ha Fire Shark ned kännt wörkli (drom au nömm gwösst dass Verikal :typej: )
anyway... de Mega Drive esch die geilscht Shooter-Konsole! ...grad nach de PC-Engine

öbrigens...die tabelle woni wiiter obe inäkopiert han vo "shmup.com"...die esch betzt scheisse, wells 10/10 games "abedröckt" i dä Ufflischtig zo de 1/10 games

do wärids also:

[m.o.terra kaesi]

FADE-Session again...

Policenauts- Saturn:
wiiter gmacht, leider macht de Saturn Kai irgendwie Problem bim speichere. Händ 2x müesse bi Disc 2 vo vorä ahfange. Sosch wärid mer jetzt dore. Ha jetzt di intern Batterie gwächslet bim Saturn. Speichered mer halt weder eso.

im 2. Teil vom Obig PCE-Games zockt, wo mer no niä gschpillt händ bis jetzt...

Time Cruise - PC-Engine:
Geile Flipper mit total andere thematische Zwöschelevels. Guete Sound ond witzig. Locker es 8/10

Spin Pair - PC-Engine:
Schöni Variante vo Tetris. Brucht no bitz meh Wachsamkeit als Tetris. Chond ned guet mit all zu viel Bier im Grind. Aber super, gfallt mer! 8/10

YŌKAI DŌCHŪKI, AKA: TALES OF THE MONSTER PATH - PC-Engine:
zimlich schrotti action side-scroller. Rächt schlächti Kollisionsabfrog. För Japaner vellecht no spannender wäge kulturellem Hindergrund. För eus "Westis" ned so packend. 5/10

VEIGUES TACTICAL GLADIATOR - PC-Engine:
Roboter-Scroller Theme Games getz gnueg of de PCE. Das do esch optisch im erschte Moment vielversprechend, aber nach 30 Sek. merkt mer, dass es nor zämeprogrammierte Schrott esch. Schad oms Thema. 3/10

TIGER ROAD, AKA: TORA E NO MICHI- PC-Engine:
Esch offebar vonere Arcade-Vorlag. Grafisch rächt schön. Im erschte Moment vielversprechend. Chond eim Chacky Chan in Sinn. Leider aber schlächt: Kollisionsabfrog, Gägneruswahl... au schad. 4/10

[Jones]

Suikoden 2 agfange... Hani nie gspielt...

[Fade]

Spin Pair - PC-Engine:
Schöni Variante vo Tetris. Brucht no bitz meh Wachsamkeit als Tetris. Chond ned guet mit all zu viel Bier im Grind. Aber super, gfallt mer! 8/10

Dasch aso scho öppe s'Highlight vom Wochenänd gsi, abgsee vo allne Atari Games womer gschpeelt händ, es hed secher au no gholge dasi i dem Game no guet gsi ben

Yeah! Hightlight 2 esch de Hobbyshop gsi, aber das hed met Pads ond Sticks nüd ztue …

[m.o.terra kaesi]

Spin Pair - PC-Engine:
Schöni Variante vo Tetris. Brucht no bitz meh Wachsamkeit als Tetris. Chond ned guet mit all zu viel Bier im Grind. Aber super, gfallt mer! 8/10

Dasch aso scho öppe s'Highlight vom Wochenänd gsi, abgsee vo allne Atari Games womer gschpeelt händ, es hed secher au no gholge dasi i dem Game no guet gsi ben

ah jo... d'Atari Games hani vergässe z'erwähne

Berzerk - Atari 2600:
Eis vo de meischtverchaufte Games gsi dazumal ofem System. Esch nöch am Arcade. Super spielbar ufem VCS. Os höttiger Sicht halt nömm all zu langläbig , vellecht 30 Minute lang. 7/10

Tower of Rubble - Atari 2600 Homebrew:
Mis neuschte Homebrew-Game. Multiplayers machid au hött no Spass ofem VCS. 9/10

Combat Redux - Atari 2600 Homebrew:
En Hack-Version vom Original. Dazumal häd das au jäde Huushalt gha. Esch im 2PL au hött no loschtig, aber ned eso wie ander Homebrews. 6/10

Solar Fox - Atari 2600:
Au en Arcade omsetzig. En sehr glongnigi. Findes hött no en guete "Puzzle-Shooter", bis 40 Minute lang 7/10

Star Wars Empire Strikes Back - Atari 2600:
Nor scho wäg de Packig geil! Spieltüüfi notürli sehr begrenzt, längt för 20 Minute. 6/10

[Fade]

Berzerk ond Solar Fox hani super gfonde! Berzerk macht rächt Spass ond schiintmer zemmli en langlebige Schpeelschpaas zha …

[m.o.terra kaesi]

Berzerk ond Solar Fox hani super gfonde! Berzerk macht rächt Spass ond schiintmer zemmli en langlebige Schpeelschpaas zha …

stimmt. ech ha jo eigentli au nor d'creme-de-la-creme Atari 2600 games...vo dem her gseh chamer all 30 Minute guet zocke ond käs esch schlächter als 5/10.

by the way...wem Bezerk gfallt, dem gfallt au RobotWar 2684(aka: Robotron), dä neuscht Homebrew mit 2-pl-Simultan Modus ond sogar Twin-Stick-Understützig (Quadtari-Adapter)!!!


Quelle

[joe_higashi]

isch ps3 ez scho retro?
han geschter mal wieder d ps3 gstartet ums skate zgame. den hani gseh dasi na s sleeping dogs uf d platte han. gfunde geil, spieli doch au mal wieder.
den recht schnell festgstellt, dass bim ps+ mal d ps4 version gratis gsi isch..und den uf d ps4 definitiv edition abeglade. sones guets spiel, denke damals isch dem titel zwenig beachtig gschenkt worde. game ez natuerli uf d ps4 witer

[turntablism]

Spidymän

[agestuffer]

Super Castlevania 4 - mann ich das super...

[damian]

Ds 3 fingi aber super, einzig Kritikpunkt isch, es isch ds eifach. Wie ds Elemenal Master o.

Elemental Master isch recht schwierig findi.

Und Thunderforce 3 chasch höchere Schwierigkeitsgrad iistelle. Ich glaubs s'options menu isch gheim. Aber det gits no en hard und maniac mode glaubs...

[Herr Rossi]

Und Thunderforce 3 chasch höchere Schwierigkeitsgrad iistelle. Ich glaubs s'options menu isch gheim. Aber det gits no en hard und maniac mode glaubs...

Hard und Mania gits no, s Menu rüefsch uf wenn A und Start glichzitig drücksch. Det chasch au no gschwindigkeit vom rumschiff ischtelle und soundtest shizzle etc.

[Doraemon]

I finge TF3 & Elemental Master öpe beidi glich liecht. Wed bi beidne mau 1-2 Tag dran hocksch hesch se schnäu düre. Si ja o beidi ähnlech vom Waffesystem her. Bi beidne weme mau ds erste Level (wo am Afang scho bitz schwär isch) gschafft het und die angere Waffe bechunnt, denn wirds viu eifacher und när hetmes würkli schnäu düre. Und die höhere Schwierigkeitsgrade si när o nümme viu schwerer. Ha beidi 1cc gmacht ufem höchste Grad denn zu Trigerzone Zite.
Blib mau 2-3 Aabe lang dran am Elemental Master und i bi sicher machsch locker 1cc. Bi de meischte angere MD Shooters hani viu lenger brucht für 1cc.

[LuiStyle]

Han gad ä rundi House of the death overkill ufem wii gspielt find no guet für so ä schwachi hardware

[mr.raw]

De Wii hett echt cooli und vor allem spassigi Railshooters!

[Mr. Heli]

Paper Mario und die Legende vom Äonentor ufem Cube agfange. finds sofort wieder super.

[Herr Rossi]

Wii Play Tanks
Es sehr underschätzts Minigame (zumindest von mir). De Sound isch fantastisch dynamisch

[joe_higashi]

Han gad ä rundi House of the death overkill ufem wii gspielt find no guet für so ä schwachi hardware

das lohnt sich allei scho nume weg dae geile spruech...und gaht ordentlich zur sach ufm schirm..hani au grad letschti durregamet. hani gfuehlt