GELD TOPIC / Investoretopic / Gambling

[Buccaneer]

Ui relativ viel Trading Halts

https://www.nasdaqtrader.com/trader.aspx?id=tradehalts

[thaeye]

ohalätz, hüt chömet d goldchoif (sehr guet timt gsi) und die defensive "rüstigs" verträg vo palantir z träge

[calanda]

I tschegg börse nid

[thaeye]

wahrschinlich werdet hüt au villi shorts reduziert. uusert es stabilisiert sich jetzt den i de nöchste täg, den gats widr geg ue.

[thaeye]

intraday nasdaq hüt mit 6% spannwiiti -3 uf +3 , hüt isch buy the invasion tag.

aber ebe, morn isch friitig. abverchaufstag. es sött eifach mal nöd grad widr innerhalb 1-3 täg abverchauft werde. ansonste simmer immer na im abwärtstrend.

[thaeye]

russland jetzt vo swift usgschlosse, wird am mentig sicherlich im bankebereich und umfeld chli rumple. wahrschinlich ziehts de ganz märt geg abe, isch doch für alli eher es minusspiel.

[thaeye]

Zentralbank verbietet Ausländern Verkauf von Aktien-Russland

[Buccaneer]

I tschegg börse nid

Theorie (sorry erst jetzt Zyt gha für das):
Wäg em Stress mit RU und eventuell gli au China, hend natürli alli Instis, Riche, HFs und alli wo Gäld in RU und Umgäbig Gäld dinne gha hend, das schleunigscht usegno und müsse sust wo deponiere. Darum isch so viel Züg zerst massive abe und denn härt ufegschosse.
S Gäld hed irgendwo duremüsse also hed mer vieles vom Oste abzoge und natürli id US Börse inetah. Schlaue move.

[Buccaneer]

Muetig wär jetzt, günstig paar Russe Sache chaufe... Kenn da zwar nix. Aber da wirds au mal wieder ufwärts gah.
Russland hed wenig Schulde und sehr viel Cash (Fremdwährige) und Gold zur Hand. Und egal was de Weste für Sanktione verhängt, USA wird witerhin vieeeel Öl vo Russland chaufe. So oder so.

[thaeye]

yandex, isch chli s google pendant. mischlet überall mit. ja us wird wiitterhin öl chaufe, aber eifach mal luege das sich d usa immer meh "autark" versorgt.

muetig wärs aber momentan minere meinig na au sehr tumm, den chaufsch lieber rüstigsaktie a la lockheed.

es paar 100er drischmeisse, ja aber richtig investiere nei.

[Buccaneer]

yandex, isch chli s google pendant. mischlet überall mit.

muetig wärs aber momentan minere meinig na au sehr tumm, den chaufsch lieber rüstigsaktie a la lockheed

Lockheed etc isch sicher längstens iprist. Dete machsch kei grossi Gümp.

Yandex gseht guet us. Sicher wäg em Konflikt so ibroche. Wird sicher wieder cho.

[thaeye]

ansonste haet russland nur gas und banke. gits sust nix. chasch gazprom dividende hole (wie min kolleg wo die siit 100 jahr underbewertet find), aber ich wür sowas nöd wage. d chance uf totalverlust isch momentan grösser als de für grosse gwünn.

[Buccaneer]

Totalverluscht? Wieso?
Gazprom viellicht ja, wenn die Pipelines zerschosse wärded. Aber dänke nid dass das passiert. Und wenn schnell wieder die betroffene Teilstück ersetzt. Egal wies usgaht, Europa brucht Gas...
Russland hed näb Gas und Banke no Öl. Vergisst mer gärn. Dritt gröscht Produzent.

Yandex wär sicher "relativ" save...

Aber kei Ahnig. Mis Spezialgebiet isch eh Meme stonks! und langwiligi ETFs

[thaeye]

yandex isch s interessantisti, alles anderi isch seich und alte schule.

[thaeye]

meistens investiersch in russland au in ADR's glaubs un nöd direkt id aktie. den isch analog zu china es delisting huere schnell möglich und din chohle meistens den sicherlich es paar jahr im chohlegfängnis.

[Buccaneer]

"cholegfängnis" lol

Chunnt druff a wo chaufe nid. Chinashit chönnt mer ja theoretisch (wenns de Broker zuelaht) direkt in China, meistens in HK chaufe. Aso z.B. AliBabler als Chinaaktie und denn isch nur halb so wild, wenn US es delisting macht. Oder nööööd?

[thaeye]

ja wenns de broker zuelat, aber villfach isch das nöd de fall bi seg mal "chlialeger" broker.

eifach luege, das nöd ADR bim chauf stat, sondern würkli halt d aktie.

cholegfängnis=gulag

[Buccaneer]

BTW letscht Wuche hend CS, UBS und witeri Banke Margin Calls usglöst.

Han hie vor eme Wili posted, dass DOJ Banke und HFs untersuecht wäg Block Trading und anderem Scheiss. Letsch Wuche hed d CS verlühte lah, dass sie mit de DOJ zämeschaffed und die mit Infos versorged. Interessant well DOJ in erster Line gäg Godman Sachs und JP Morgan ermittled. Immer guet wenn die Dräcksbanke sich gägesitig an Hals gönd!

[thaeye]

CS isch eh bald kaputt oder wird übernah. die zapplet na chli.

[Buccaneer]

March 1st AMC earnings call

[calanda]

March 1st AMC earnings call

meinsch söll i huet no biz chaufe

[Buccaneer]

Nach em Earings call isch es immer hert abe gange!!! Obwohl d Earnings jedesmal besser gsi sind und teilwis sogar Rekordverdächtig...
Ich würd also nach de Earnings bizzi nachechaufe

[calanda]

meyer burger isch huet hot!!!!!!!!!!!!!!!!!!!!

[Buccaneer]

well d Sunne schint?

[calanda]

well d Sunne schint?

bi ues schiint si siteme monet.... kei ahnig was lauft...