PC crash mit 4k Monitoren ??

[Master(G)]

mal en frag a die härte pc-cracks da.

ich han en pc im büro, top-shelf i mine auge, für grafik-bearbeitig / video-editing, etc.:

core i7-9700 @ 3GHz - 8 Kern
ASUSTek Prime H370-PLUS mainboard
NVIDIA GeForce RTX 3070 Ti
32GB RAM

jetzt hani neu 2x 4k Bildschirme übercho und sitther crasht de PC sporadisch und grundlos, eifach so. blackscreen. reset.
pc probiert den selber sich ufezfahre, chunt aber nöd über de black-screen us. lüfter und leds laufet.
ich muess de alligs stromkabel zieh, 10sek. warte und de gahts wieder.
mängisch laufts den 1-2 tag ohne crash. mängisch crashts aber grad 3x hinderenand.

jetzt hani vo 4k uf 1080p abegstellt und bildschirm-triiber erneueret und sitther kein crash meh gha.

chas das gäh, dass monitore en pc crashed bzw. die gwählti uflösig!?!?!?!

PS: graka hani mal gwächselt zum probiere und en 2080er dri tah, hilft nöd. au ram hani mal ine und use... has mit hdmi und dvi aschlüss probiert ohni besserig.

[Vyse]

Häsch vergässe die wichtigscht Komponänte für so es Setup z erwähne: Netzteil.
Wieviel Watt Leistig hät das?

2x 4K wird scho rächt Saft bruuche, wänn es Netzteil häsch, wo - kei Ahnig - under 750Watt isch (nimmsch lieber es 1000 Watt).

Crashts erst wänn ahfasch zünftig Ressource bruuche (Videobarbeitig, Game, rendere, usw.) oder total zufällig, mal chli bim Internetle usw.?

Häsch probiert, sProblem bewusst zrepliziere? z.B. en Art en Belaschtigstest mache und luege, ob en Absturz provoziere chasch? Wär das dä Fall, wärs definitiv sNetzteil wo zwenig Leistig hät.

[Vyse]

Oder dLüftig isch unzueriichend und öppis im System überhitzt, chann au si. Muesch mal so es umfassends Hardware/Temperatur-Monitoring Tool installiere, wo logs macht, dänn chasch mind. mal luege, ob Temperatur sProblem isch ("Open Hardware Monitor" isch no guet defüür).
Wie me Watt misst und logged, wo sgsamte System zieht weiss ich leider au nöd.

[Master(G)]

ha jetzt mal es heat monitoring gmacht und de chaib e bitz gstresst.
aso hitz isches ned.

aber jetzt wos seisch: es isch meischt under lascht, wenner crasht... photoshop offe, browser mit 7 fenster offe, sound streamä, 3-4 anderi apps offe...

netzteil isch es 650watt drin. meinsch isch zwenig? de pc heini hett das als ersts gwächslet gah woni ihm gmäldet han, dass ich crashs han. LOL...

[Vyse]

Hmm, 650W sött eigentlich scho lange, müesstisch mal dä Gsamtverbruuch irgendwie mässe. Sött per Software eigentlich au gah aber kei Ahnig wälles Programm.

Das, was du erwähnsch (bitz Photoshop, Browser mit 7 Fänster usw.) würkt uuf mich jetzt nöd sooo leistigsintensiv, für das isch 650W bi diim Setup bi wiitem uusreichend.

[Master(G)]

hmmm.. ok.

danke dir uf jede fall!

[Vyse]

Chasch au mal en Crash provoziere und dä ungefähri Ziipunkt notiere, dänn nach em Neustart i Windows i dä Ereignisahzeig under Windows-Protokolle, jewiils i dä Kategorie System und Anwendungen um dUhrziit vom Crash, Fähler und Warninge uusesueche und mal da inne poste.

Chönnt au no uufschlussriich si.

[Master(G)]

Unter System:
Der Dienst "cplspcon" wurde mit folgendem Fehler beendet:
Unbekannter Fehler

unter Anwendung staht eigentlich nix speziells, nur 2 sekunde nach em obige event:

Der Dienst kann nicht gestartet werden. System.NullReferenceException: Der Objektverweis wurde nicht auf eine Objektinstanz festgelegt.
bei SetupAfterRebootService.SetupARService.OnStart(String[] args)
bei System.ServiceProcess.ServiceBase.ServiceQueuedMainCallback(Object state)

(das isch vermuetlich, will er ned selber neu boote chan. darum muessi alligs strom kappe und bitz warte, de gahts wieder)

[President Evil]

Ciao Master(G)

CLPSpcon isch Treiber vo Intel HD Graphics.

Disable mal die im Device Manager

In Device Manager -> tab View-> Show hidden device-> Display adapter- Right-click on which ones are not your current GPU-> Uninstall and tick in Delete driver also.
Ansonste mal Treiber vo Interl HD Grapics update oder Intel HD im Bios abschalte und Intel HD Graphics Software/Treiber deinstallier.

https://www.google.com/search?q=cplspco ... e&ie=UTF-8

Gruss
Presi

[turntablism]

Das klingt profi mässig.

[President Evil]

Isch es

Da scho anderi Fehlerursache ausgeschlosse worde sind, isch Wahrscheinlichkeit höch dass de Fehler Ursache bim em Intel HD Grafiktreiber vom intergrierte Intel Grafikchip im CPU liet.

Alternativ chasch au es Huhn opfere, chönt au helfe

[Master(G)]

Danke Presi, ich ha de HD Intel gagg mal useghaue. mal luege!

[feeshlee]

dä fähler isch btw en bug, gnauer gseit en nöd abgfangeni null-referenz. da hät eine sini ufzgi nöd gmacht. cha sii, dass dis setup defür sorgt, dass die variable nöd mitme wert abgfüllt werde chan. anyway: en null-ref, wo nöd abgfange wird, isch chli gschämig.

[bae]

i wellem pcie 4.0 slot hesch grafikkarte drinne? hesch ja mehreri aber de einti isch nur halbsoviel leistig

[Master(G)]

de slot isch de richtig. säb hani no checkt.

ha ohnehin mal letschti grad en kompletti neuinstallation gmacht. eifach so. format c, fertig luschtig.

jetzt laufts eigentlich.