Auto Dimming Windows 10 ausschalten

[Master(G)]

es nervt mi uhuere, dass mis display mängisch automatisch helligkeit reduziert. de gsehni im dark-mode de plötzlich nix meh.

wie schalti de kack us??

ich han en desktop pc, kein laptop. Ich han googlet und gsuecht, aber ich finds ned.

1.) alli redet vonere option , wo ich aber ned han... es isch die option "turn off auto dimming" under "display" settings im "energiesparplan", die gitts bi mir ned. ich han dette nur display ii und usschalte.

2.) lösig gits anschienend nur für laptops - mit oder ohni stromaschluss.

ich dreh dure. wtf.

wo schalti de shit uus??

[Buccaneer]

Isch das, wenn inaktiv bisch? Well, z.B. was am läse bisch udn somit de Cursor es Wili nid bewegsch, oder passiert eifach so?

Da mal luege, öb de Compi nid nach X Minute in Energiesparmodus wächsled.
Teilwis gits dete no en Option, das er d Bildschrimhelligkeit nach X Minute apasst.

Systemsteuerung\Alle Systemsteuerungselemente\Energieoptionen\Energiesparplaneinstellungen bearbeiten

[Buccaneer]

Passierts immer um die glich Zyt? Nachmodus uf en bstimmti Zyt gsetzt viellicht?
Start - Einstellungen - System:
Denn da nach Hilligkeit und Nachtmodus luege etc.

[Master(G)]

nei, es passiert z.b. wenn ich en dunkli siite, wepage whatever uftue, de dimmeds zuesätzlich no ganz langsam abe, bis fascht nüt meh gsehsch. speziell, wenn dusse dsunne schiint isches no schlimmer. muessi dstore abelah, dassi wieder was gseh. es müesst eigentlich HELLER mache, de idiot!

ich ha 2 bildschirme dra. benutze dark-theme unter win10.
wenni jetzt z.b. settings ufmache, ufem linke screen, hani en komplett schwarzi page mit de ganze sache obe ... system... geräte.. telefon etc.
und denn dimmeds langsam abe... nur links. de rechti bildschirm bliibt.

total hohl.

ich han kein nachtmodus aktiv.
ich han energiesparplan alles checkt. dette gits nix.
im nvidia panel au ned.

[Buccaneer]

Es gid au Bildschirme wo das mached. Hed de viellicht n Software wo chasch schrübele?
Und äbe, das passiert sofort und nid erst nachdem du de Cursor es Wili nid bewegt hesch?

[Master(G)]

bim monitor hani au scho gluegt. im menü. gitt kei sone option.
ich ha kei software zum monitor. usser de richtig triiber.
bi AOC monitore heisst die funktion DCR, die hani aber agschalte.

[FarCry]

Welchen Monitor hast du?
Kann gut und gerne auch ein Firmware Problem sein. Ich hatte mal Probleme mit meinem Eizo Monitor und es gab tatsächlich neue Firmware dafür.
Ansonsten tönt es nach dynamischem Bildmodus oder Panel Protection.

[Master(G)]

ich hab 2 AOC Q2790

[Vyse]

Ich wür spontan behaupte, dass das es "Feature" vom Monitor isch und irgendwo innerhalb em Monitormenü müesst deaktiviert werde. Dä LG OLED Fernsäh macht ja sgliiche.

[Master(G)]

dänn wär das das "DCR" feature. das hani aber bereits deaktiviert.
was anders gitts im manual ned, oder?
lueg da: https://manuals.coolblue.nl/92/aoc-q2790pqu.pdf

[Vyse]

Gsehn au nüüt offesichtlichs, evtl. mal dä Eco-Mode ändere zum churz teste, ob das was bringt.

[Master(G)]

hmm.. interesting. ich glaub das isch es gsi.

ich ha de ECO mode vom monitor mal vo "standard" uf "game" gswitcht. es dimmt nüm.

merci!

merci an alli!

super super!

[Vyse]

[Jones]

De hänki grad a... Wie chani das bim LG OLED verhindere?

[Jones]

Niemer? Hei doch all dr glich TV (LG cx48) zum game...

[Master(G)]

das gaht bi LG TVs nur über en factory setting. isch en schutzmechanismus fürs panel.
muesch mal google wie mer bi dim TV id factory settings / techniker-settings chunt. isch versteckt und nöd für "normalos" zuegänglich.

[Jones]

hesch du das nid gmacht bi dim?
süsch chönntsch mers ja grad erchläre...

[Master(G)]

nei, bim alte hanis ned gmacht. ha bitz panik gha wäg burn-in.

bim neue hanis ned müesse, wills dette us irgend eme grund nümm dimmt.

[Buccaneer]

Mousch Youtube Videos luege... finds leider nüm, well i etlichi glueged han...
Gitt viel Grundistellige wo chasch/ söttsch mache...

Wenn mi richtig erinnger isch es ame komische Ort versteckt. Support oder so anstatt Einstellungen...
De heds uf sim Channel sicher irgendwo erklärt.
Es lohnt sich eh, gad es paar Grundsache wie äbe das azpasse.

Lug vo Afang a. Aber din Teil chunnt ca. bi Sek 50


Quelle

[Jones]

okay i gugge mal...

[Buccaneer]

da churzversion


Quelle

I would like to point out that Energy Savings have changed location, not sure if that's due the update or something else but I have a C1 and my Energy Saving setting is found in - All Settings - Support - OLED Care - Device Self Care - Energy Saving