Super Nintendo World USJ

[Mr. Heli]

Bi z Japan im Universal Studios Japan gsi. has alte topic nid gfunde.

es git en Yoshi Ride, wo recht langwielig isch. fahrsch eifach ufem yoshi ume und haltisch usschau nach farbige eier. wenns richtige ei chunt, drucksch de passend chnopf dezue. isch halt meh zum verwiele, ussicht uf de park gnüsse und für familie mit chline chin.

super isch aber mario kart gsi. 3d brülle und fahrsch ufeme kart uf schine ume. de kart dreiht sich, beschleunigt wennd ufd regebogepischte chunsch und du schüssisch mit panzer uf gegner wos dir ufde 3d brülle azeigt. mega gmacht. susch gits eifach no chli esse, shops und gadgets wo mit em armband wod für ca. 40 stutz zuesätzlich chasch chaufe (hani nid gmacht) chasch nutze.

[Mr. Heli]

Guckst du

[Master(G)]

so guet!

[LuiStyle]

Sehr schön

Wie hät s’esse det usgseh? Alles mit Pilz

Wenn dä Park idä USA ufgaht, gangi au mal
Da vergönd bi mir sicher no etlichi Jahre.

[Buccaneer]

Fuuukkk ich wett au wieder uf japan gah!

Gseht fönny us de park

[Reinforced]

sehr geili Erinnerige hani. Bi mir hets damals (2014) no dr Back to the Future the ride gäh und Backdraft gitts wohl beidi nüm ?!

[Mr. Heli]

Wie hät s’esse det usgseh? Alles mit Pilz

ich han e pilz pizza gha, also e pizza imne pilz ine.
d frau het en desert gha wo wie en fragezeicheblock usgseht, wo en pilz usechunt.

[Mr. Heli]

sehr geili Erinnerige hani. Bi mir hets damals (2014) no dr Back to the Future the ride gäh und Backdraft gitts wohl beidi nüm ?!

back to the future gits glaubs immer no, bi aber nid gsi. ziit het leider nid für alles glanget.

[joe_higashi]

fett. hesch en japanische pass oder wie hesch ez choene reise? businessvisum?

[Reinforced]

sehr geili Erinnerige hani. Bi mir hets damals (2014) no dr Back to the Future the ride gäh und Backdraft gitts wohl beidi nüm ?!

back to the future gits glaubs immer no, bi aber nid gsi. ziit het leider nid für alles glanget.

also luut wikipedia isch zue 2001-2016. Ersetzt dür "Despicable Me Minion Mayhem" WTF!

ims US and A sind beidei scho sitt 2007 zueh