Raser und Poli DAS Premiumsegment-Auto Topen

[vectrex]

Ich gsehs halt umgekehrt: Öppis wo ich in es paar Stund ohni jeglichi Rückständ wieder in Originalzuestand cha versetze cha gar nid verbaschtlet si ...

Youngtimer händ ziemlich zueglegt an Wärt. Aber es wärded denn ebe au strängi Massstäb aglegt. Und dete ghöred ebe Sache wie Originalität und Erschtlack drzue. Öb bördleti Kotflügel und en Neulack jetzt Gebaschtel isch oder nid, Gschmackssach ...

Aber en Collecteur würds wohl ziemlich sicher als Gebaschtel aluege - au wenns schön gmacht isch ...

[Jones]

okay... ig definiere gebastel als nid suber gmacht...
nid original ja, aber suber gmacht isch für mi klarerwiis nid bastlet...

[vectrex]

okay... ig definiere gebastel als nid suber gmacht...

Und was cha denn an andere Felge oder emene Standardtieferlegigsfahrwerk nid suber gmacht si?

nid original ja, aber suber gmacht isch für mi klarerwiis nid bastlet...

Und was für de einti suber gmacht isch gseht dr ander ebe gar nid eso. Grad in Sache Lack (Stichwort Schichtdicki).

Suscht brüchtis au kei Wärtgutachte vo Experte ...

[Jones]

drum bini bim vollprofi gsi dennzumal zum lacke!

[vectrex]

drum bini bim vollprofi gsi dennzumal zum lacke!

Was für e Schichtdicki hesch gha bim Neulack?

[Jones]

ke ahnig. ig bi nid lackierer.
i weiss nur, dass dä sis handwerk versteit wie säute e andere...

uf jede fau ischer super schön worde!

[vectrex]

uf jede fau ischer super schön worde!

Das glaubi, werum hesch en verchauft?

[Jones]

pris het gstumme... sehr sogar...
zudem ke platz... und ha öpis brucht wo alltagstauglech isch...
etc etc...

und wenn es outo i dere prisklass muesch istelle für 1000 im jahr, muesch i 10 jahr ja mind. 10k wertzuewachs ha, dass scho nume d'istellchöschte deckt hesch... geschweige denn öpis dra verdient...
wenn es outo vo 100'000 und 250'000 stiegt, isch das eher machbar... (ex nachbar het so eine gha...)

[vectrex]

zudem ke platz... und ha öpis brucht wo alltagstauglech isch...
etc etc...

Hesch keis Wächselschild gha mit Alltagsgurke? En S2000 wär ideal gsi?

und wenn es outo i dere prisklass muesch istelle für 1000 im jahr, muesch i 10 jahr ja mind. 10k wertzuewachs ha, dass scho nume d'istellchöschte deckt hesch... geschweige denn öpis dra verdient...

Goht jo nid um dr Wertzuewachs sondern um dr Spass. Hetsch au bi mir chöne ischtelle. D'Garage vom 2. Hus stoht eh leer ...

wenn es outo vo 100'000 und 250'000 stiegt, isch das eher machbar... (ex nachbar het so eine gha...)

Autos in dere Prisklass händ normalerwys au ganz anderi Chöschte für de Unterhalt. Denn muesch es wieder zwingend entsprächend versichere etc. etc. ...

[Jones]

Was het es Wechselschild mit Platz zum istelle z'tüe?

[vectrex]

Was het es Wechselschild mit Platz zum istelle z'tüe?

So vo wäge öppis alltagstauglichs - denn wär ei Manko vo Dinere Lischte scho erledigt gsi ...

[vectrex]

Hüt isch mer es bitzli langwylig gsi. Denn hani zersch dr Puch-Schriftzug ufe Tank vom X30 ufkläbt:

Und geschter hani d'R1 ändlich emol usem Winterschlof gholt und hüt s'Öhlins-Federbei montiert:

[Jones]

Was het es Wechselschild mit Platz zum istelle z'tüe?

So vo wäge öppis alltagstauglichs - denn wär ei Manko vo Dinere Lischte scho erledigt gsi ...

I ha langi zyt mehreri chärre gha... Aber immer nume denn woni platz ha gha... Das isch z'killerkriterium...

[vectrex]

I ha langi zyt mehreri chärre gha... Aber immer nume denn woni platz ha gha... Das isch z'killerkriterium...

Aber a sonere Garage für es Läppli pro Monet sötts doch nid schitere wenn mer würklich en Autoliebhaber isch?

[Jones]

Dr mech mechet, dr fahrer geit gah fahre...
I bi hüt nami im Schwarzwald ungerwägs gsi 2.5 stündli...

[Jones]

I ha langi zyt mehreri chärre gha... Aber immer nume denn woni platz ha gha... Das isch z'killerkriterium...

Aber a sonere Garage für es Läppli pro Monet sötts doch nid schitere wenn mer würklich en Autoliebhaber isch?

I ha 2 PP chouft aber cha nid d'fründin useschmeisse..
Und es het niemer eine z'vermiete hie... Im gägeteil...

Es läppli... Du bisch guet... Mach 2 läppe drus...

[vectrex]

Dr mech mechet, dr fahrer geit gah fahre...

Ha nach em meche au no es Probefährtli gmacht. Für das muesi nid emol uf Dütschland - dr Hoger isch grad "vor de Hustür" ...

I bi hüt nami im Schwarzwald ungerwägs gsi 2.5 stündli...

Wäge Dir simmer so verpönt im Schwobeland

[vectrex]

Es läppli... Du bisch guet... Mach 2 läppe drus...

Chasch jo teile mit dr Fründin wie bim Fitness-Gym => denn gits es Läppli für jede ...

[Jones]

I ha ke R1 sondern e bobber...

[vectrex]

I ha ke R1 sondern e bobber...

Ich weiss - Du bisch au e alte Maa (zumindescht im Chopf) ...

[Jones]

Wie gseit: ke Platz ir Garage
Und irgendwo wiit weg chunnt nid i Frag..

[Jones]

I ha ke R1 sondern e bobber...

Ich weiss - Du bisch au e alte Maa (zumindescht im Chopf) ...

Seit dä retrogamer mit de uralt outos und töffli...

[vectrex]

Wie gseit: ke Platz ir Garage
Und irgendwo wiit weg chunnt nid i Frag..

Ich weiss scho - Prioritäte und so ...

[Jones]

Das o ja... Tierarzt und spare...

[vectrex]

Seit dä retrogamer mit de uralt outos und töffli...

Das nennt mer stet und beständig ...