Was spielsch grad retrigs?

[Mr. Heli]

cool

[Mr. Heli]

bim Gulliver Boy Saturn chli wiiter gspielt. S gfallt mir recht guet, jez grad bide mafia in rom
bi bosskämpf änderet d musig, wenn er langsam am sterbe isch. praktisch.

[Scarface]

GBA Harvest Moon: Friends of Mineral Town


Anbernic RG351P ftw

[LuiStyle]

Saturday Night Slam Masters ufem RG351M

Ich lieb das Game

[Mr. Heli]

am wucheend gspielt:

Vampire Savior SS
gfallt mir recht guet, zum erste mal zockt. s rotchäppli mitem MG

Same Same Same Switch
Shoot em up, Arcade, NES und MD versione

KikiKaikai Switch
erst im 3. level. finds recht schwierig. wenn meh 3000 münze sammlet chan meh en extra liechte modus freispiele. ich mach das glaubs...

Kusoo Kagaku Sekai Gulliver Boy SS
duregspielt, ca. 28h. wirklich es super spiel gsi. het ich nid erwartet, dass anime umsetzige so guet chönd si. d attackene vode charaktere machet sinn. jede cha was anders a magie etc. und meh muess es au strategisch isetze. ein boss muess meh z.B. igfrüühre, damit meh ihm überhaupt schade chan arichte. mega. s charakter und gegner design isch au super. all charismatisch und d gschicht zieht eim eifach in bann. d gegner gseht meh ufde map, drum ka random encounters. leider in dungeons aber so, dass d gäng z.T. so schmal sind, dass meh nid am gegner verbi schliche chan. au super isch, dass wenn meh stirbt kas game over chunt. meh chan nämli nume ide städt/hotel speichere. zum teil gat das rund 2 stund bis zum nächste speicherpunkt. wenn meh stirbt gat eifach d hälfti vom geld weg und meh wacht im hotel uf, d level ups bhaltet meh. zum teil ischs ide dungeons aber chli viel wiederholig, wo eifach nume müesham isch. het mich paar mal fast kille lah, nume das ich speichere chan
bim endboss bini wohl recht underlevled gsi, het +55 levels geh nachdem ich en besiegt han. irgendwo um level 240 ume fertig gsi.

[Mr. Heli]

GBA Harvest Moon: Friends of Mineral Town

muessi unbedingt mal. ich han das ufem GCN gspielt gha und de brüeder het sich das ufem GBA kauft. wenn mal flaute isch fang ich mit em SNES titel a und als nächsts denn de GBA

[Scarface]

ha chürzlich stardew valley usprobiert u bi masslos überfordert gsi vo all dene sache wo mügli si...
s GBA Harvest Moon het scho gnueg contend fü mi

sehr es guets game

[joe_higashi]

fighting vipers ufm saturn...mal na d pepsi heini freigspielt

[Mr. Heli]

Akagi PS2
Auto Modellista PS2
Uncharted 3 PS4

[Mr. Heli]

Initial D Special Stage PS2, finds no recht lässig

[sirarthur]

Initial D Special Stage PS2, finds no recht lässig
[/quote
Das isch super, eine vo de letschte Sega Klassiker...

[Mr. Heli]

Initial D Special Stage PS2, finds no recht lässig
[/quote
Das isch super, eine vo de letschte Sega Klassiker...

hani uf din rat hi kauft

[damian]

ich au

[damian]

Vampire Savior SS
gfallt mir recht guet, zum erste mal zockt. s rotchäppli mitem MG

finds sehr schön gmacht, cooli idee etc., aber irgendwie findi s'gamerplay nöd so flüssig wie anderi capcom prügler.

[Doraemon]

Bi mau wieder süchtig nach Mad TV für DOS PC. Das isch eifach eis vo mine Top 5 Lieblingsgames vo aune Zite, woni bis id Ewigkeit cha spile.

Näbebi no paar Rundine Tetris für Game Boy, ds ganz erste. Chani o unendlich spile.

[zeromeier]

Lauft Terminator im TV?

[Doraemon]

Das tut er, jawohl Im Original hets zwar nur der T2, aber ig u der Brüetsch hei e Mod gmacht mit neue Filme u Werbige, jetz chame Cannibal Ferox oder Demolition Man sende mit Freakers Werbig

[Mr. Heli]

Lego Racers 2 PS2 agspielt
leider de charme vom vorgänger ufem N64 verlore. s gseht grafisch au nid mal besser us

Verschiedeni PSX spiel wele spiele, aber mini ps2 het bide meiste d CD nid lese chöne.

wenigstens hani jez de Gembird (wireless controller) für psx/ps2 mal chöne teste. lauft super. endlich ka scheiss kabel meh mit wackelkontakt.

[rebornkid]

Super Princess Peach / DS

Wäre eigentlich no witzig mit de ganze Specialfähigkeite wot über de Touch chasch ischalte. Wie mers vo Mario-Games kennt stüürets sich super. Leider isches aber viel zeifach. Damit zum Schlussboss chasch, muesch alli Toads finde, au das, absolut kein Challenge. Bossfights sind defür sehr amüsant.
Denke isch en guete Plattformer, wo au chlini Kids guet klar chömed.

Hüt no de Final Boss und denn ade merci.

[m.o.terra kaesi]

Verschiedeni PSX spiel wele spiele, aber mini ps2 het bide meiste d CD nid lese chöne.

Gällid, das Problem esch v.a. bi de SLIM ps2 gsi.
Generell sind diä schnell kabott. Ha scho 2 gha wo PS1 Discs nömm laufid oder CD Laufwerk ganz hinüber esch.

[Mr. Heli]

Verschiedeni PSX spiel wele spiele, aber mini ps2 het bide meiste d CD nid lese chöne.

Gällid, das Problem esch v.a. bi de SLIM ps2 gsi.
Generell sind diä schnell kabott. Ha scho 2 gha wo PS1 Discs nömm laufid oder CD Laufwerk ganz hinüber esch.

tendenziell liegts bi minere am laufwerk, het au müeh mit gwüssne ps2 spiel. isch e dicki ps2.

weiss öper ob meh das eifach ustusche chan? isch nämli en umbauti ps2, region free. schiist mich a, öpis neus zuetue.

[joe_higashi]

chasch da mal lese/luege -> https://www.ps2-home.com/forum/viewtopic.php?t=2066
und uf ali findsch unter khs 400c z.b laser fuer paar franke...muesch eifach nume luege welli fat dasd hesch..ich pers. han nanie en laser ustuscht..soett aber dank video und beschriebig "relativ" easy gha.

[mr.raw]

Super Princess Peach / DS

Wäre eigentlich no witzig mit de ganze Specialfähigkeite wot über de Touch chasch ischalte. Wie mers vo Mario-Games kennt stüürets sich super. Leider isches aber viel zeifach. Damit zum Schlussboss chasch, muesch alli Toads finde, au das, absolut kein Challenge. Bossfights sind defür sehr amüsant.
Denke isch en guete Plattformer, wo au chlini Kids guet klar chömed.

Hüt no de Final Boss und denn ade merci.

Ich finds würklich guet gmacht. Vor allem Grafisch hetts mr sehr gfalle. Die hüttige Kids? Die zocke doch nur Brawl Stars, Fortnite oder T3 Mobile.
Isch trüüürigscht!

[m.o.terra kaesi]

Boulder Dash - C64

Geschter mittem Fade zäme 2h lang C64 zockt (emu).
Am meischte häd Boulder Dash gflashed. Viel Erinnerige a früener, aber es verthäbt abgseh devo au hött no vollkomme: eine vo dä beschte "scroll puzzler" mit perfekter Mischig zwösche Taktik und Impuls (Ziitdrock). Chlini Details sind cool, wie zB dass im 2Pl Mode de Score vom Gägner immer chorz ihbländet wird. Ich finds es 10/10 game!

Probiere hött no dNES Version uus devo. Di hani im Original boxed.

[turntablism]

geschter isch batterie fertig gsi woni uf em anbernic shinobi gspillt ha. und das öppe im letschte level